Árbók VFÍ - 01.06.1992, Síða 30
28 Árbók VFÍ 1991/92
Umsóknir um ungfélagaaðild voru ellefu, og voru tíu þeirra samþykktar.
Menntamálanefnd er ætlað að hafa umsjón með endurmenntunarmálum fyrir hönd Verk-
fræðingafélagsins. Arið 1983 stóð félagið fyrir því að koma Endurmenntunamefnd Háskóla
Islands á fót ásamt Háskóla Islands, Tækniskóla Islands, Hinu íslenska kennarafélagi, Banda-
lagi háskólamanna og Tæknifræðingafélagi íslands. Þann 7. nóvember 1991 var samþykkt ný
reglugerð um Endurmenntunarstofnun Háskóla Islands á grundvelli endurskoðaðra laga um
Háskóla íslands, nr. 131/1990. ReksturEndurmenntunarstofnunarverðuróbreytturen stofnunin
er sjálfstæð rekstrarleg eining á vegum Háskólans og lýtur stjórn áðurtalinna stofnaðila. For-
maður stjómar Endurmenntunarstofnunar er Valdimar K. Jónsson prófessor í vélaverkfræði
við Háskóla Islands, en formaður menntamálanefndar VFI situr í stjórninni fyrir hönd félagsins.
A starfsárinu voru tveir fundir menntamálanefndar helgaðir endurmenntun. Margrét S.
Björnsdóttir endurmenntunarstjóri Háskólans og Ingunn Sæmundsdóttir verkfræðingur, sem
þá var nýráðin í hlutastarf hjá Endurmenntun til að stýra dagskrárgerð á tæknisviði, sátu fund
nefndarinnar þann 7. mars 1991. Þá var formönnum allra deilda VFÍ boðið til fundar um
endurmenntun, þann 22. nóvember 1991, ásamt Ingunni Sæmundsdóttur sem þá var orðin
kennslustjóri tæknisviðs hjá Endurmenntunarstofnun. A fundinum skýrði Ingunn frá þeim
námskeiðum, sem í boði hafa verið fyrir verkfræðinga, en jafnframt óskaði hún eftir virkri
þátttöku Verkfræðingafélagsins og allra deilda þess við að móta endurmenntunarstarfið. Sam-
þykkt var að sami hópur hittist reglulega, t.d. vor og haust, í tengslum við dagskrárgerð Endur-
menntunarstofnunar.
Undirbúningur að nýrri úttekt á verkfræðináminu við Háskóla íslands var hafinn á árinu.
Fyrir um fimm árum skipaði VFÍ úttektarnefnd í samráði við þróunamefnd Háskólans, til að
meta verkfræðideild HI og námið þar. Skýrsla nefndarinnar hlaut nokkuð misjafnar viðtökur,
einkum innan veggja Háskólans. Nú eru liðin rúm 20 ár frá því að fyrirkomulagi verkfræði-
kennslunnar við skólann var breytt með samþykki Verkfræðingafélagsins. Segja má að fylli-
lega sé tímabært að kannað verði rækilega hvort sú tilraun, að stytta námið í fjögur ár, hafi
borið tilætlaðan árangur. í þessu sambandi má benda á að enginn greinarmunur er nú gerður á
enskri þýðingu starfsheitanna byggingarverkfræðingur og byggingartæknifræðingur, þegar um
er að ræða prófgráður frá Háskóla íslands annars vegar og Tækniskóla íslands hins vegar. í
báðum tilvikum er talað um „B.S. civil engineer“.
Menntamálanefnd taldi að rétt væri að þessu sinni að leita út fyrir landsteinana eftir ráðgjöf
varðandi mat á kennslunni við verkfræðideild Háskólans. Samráð var haft við skólann og voru
haldnir tveir fundir með háskólamönnum um úttektamiálið, þann 14. mars 1991 og þann 17.
október 1991. Þorsteinn Helgason deildarforseti verkfræðideildar sat báða fundina, en
menntamálanefnd hefur átt gott samstarf við hann um málið. Auk Þorsteins mættu formenn
byggingarverkfræðiskorar, vélaverkfræðiskorar og rafmagnsverkfræðiskorar, svo og formenn
þróunarnefndar og kennslumálanefndar Háskólans.
Ákveðið var að leita til ABET samtakanna í Bandaríkjunum varðandi ráðgjöf. Að sam-
tökunum, sem heita „Accreditation Board of Engineering and Technology" og hafa aðsetur í
New York borg, standa yfir 20 verkfræðingafélög í Bandaríkjunum. Samtökin hafa víðtæka
reynslu á sviði úttektar verkfræðináms og hefur ABET metið tæplega 1400 mismunandi verk-
fræðilínur í bandarískum háskólum. Listi þeirra yfir viðurkenndar verkfræðilínur þar í landi er
mikils metinn, og leggja skólar mikla áherslu á að halda sæti sínu á listanum. Auk þessa hefur
ABET stundað ráðgjöf utan Bandaríkjanna, m.a. í Kanada, þar sem samtökin aðstoðuðu við að