Árbók VFÍ - 01.06.1992, Síða 31
Skýrsla formanns 29
koma á fót kanadísku matskerfi, en einnig í Evrópu og Asíu. Evrópusamtök verk- og tækni-
fræðifélaga, FEANI, leita nú eftir samstarfi við ABET á breiðum grunni.
Að áliti fulltrúa verkfræðideildar Háskólans og menntamálanefndar VFÍ var talið æskilegt
að fá sýnishorn af skýrslu frá ABET um mat á háskóla utan Bandaríkjanna. í samráði við
ABET var haft samband við Tækniháskólann í Eindhoven í Hollandi og óskaði menntamála-
nefnd eftir að fá sent eintak af skýrslu frá þeim um nýlegt mat ABET á verkfræðináminu við
skólann. Viðbrögðin voru jákvæð og hafa gögn þau sem skólinn sendi komið að notum við
undirbúning málsins. Að sögn þeirra í Eindhoven óskuðu kennarar háskólans eftir úttektinni.
Nýlega greindi ABET frá því að búið sé að skipa fimm manna nefnd sem annast mun
úttektina á verkfræðideild Háskóla Islands. Áætlaður kostnaður er um 1,5 m.kr. og er við það
miðað að allar þrjár skorir deildarinnar verði metnar. Við venjulegar aðstæður mætti gera ráð
fyrir því að Háskólinn bæri sjálfur kostnaðinn af úttekt sem þessari en vegna þeirrar erfiðu
fjárhagslegu stöðu sem skólinn er nú í, ákvað Verkfræðingafélagið að bera hluta kostnaðarins
enda lítur félagið svo á að það standi fyrir væntanlegri úttekt.
I lok síðasta árs sneri Verfræðingafélagið sér til þriggja ráðuneyta, þ.e. menntamála, iðnaðar
og umhverfismála, með ósk um þátttöku þeirra í fjármögnun verksins. Neikvætt svar barst
fljótlega frá umhverfisráðuneytinu en menntamálaráðuneytið hefur tekið vel í óskir VFÍ um að
ljá málinu lið og hefur það heitið drjúgum fjárstuðningi. Iðnaðarráðuneytið hefur tekið mála-
leitan félagsins vel og sama má segja um Háskólarektor. Eins og nú horfir er gert ráð fyrir að
úttekt ABET fari fram haustið 1992 að undangengnu sjálfsmati verkfræðideildar.
Menntamálanefnd telur æskilegt að fram fari mat á Tækniskóla íslands í framhaldi af úttekt
verkfræðideildar og í samræmi við hana. Stór hluti þeirra sem útskrifast hafa með verkfræði-
próf frá Aalborg Universitets Center í Danmörku, og óskað hafa eftir inngöngu í VFÍ eða leyfi
ráðherra til að kalla sig verkfræðing, hafa grunnmenntun sfna í tæknifræði en ekki verkfræði.
Þar af eru margir sem stundað hafa nám sitt við Tækniskóla íslands.
Á starfsárinu lagði menntamáianefnd töluverða vinnu í endurskoðun á inntökuferli félagsins
og sameiginlegum reglum VFÍ og iðnaðarráðuneytisins um leyfi til að nota starfsheitið verk-
fræðingur. Reglumar hafa nú gilt í um þrjú ár, og hafa komið í ljós á þeim nokkrir vankantar
að mati nefndarinnar. Sem dæmi má nefna að í reglunum er gert ráð fyrir því að tæknifræðingar
geti fengið leyfi til að kalla sig verkfræðinga eftir að hafa lokið tilskildum fjölda námskeiða,
við viðurkenndan verkfræðiskóla, og náð á þann hátt þeim fjölda námseininga sem krafist er í
reglum Verkfræðingafélagsins. Menntamálanefnd telur eðlilegra að gerð sé sú ákveðna krafa,
að enginn fái að kalla sig verkfræðing nema viðkomandi hafi, auk tilskilins fjölda námseininga,
lokið a.m.k. einu verkfræðiprófi frá viðurkenndum háskóla. Meðal annarra atriða varðandi
inntökuferlið sem eru til athugunar hjá nefndinni má nefna það hvort félagið eigi áfram að
heimila öðrum inngöngu en þeim, sem rétt hafa til þess að kalla sig verkfræðinga.
Þeir sem ljúka verkfræðiprófi frá Háskóla íslands teljast vera með heldur meira nám að
baki en B.S.-menn frá Bandaríkjunum, en námið telst þó allnokkru styttra en meistaranám.
Þetta eitt og sér er óheppilegt þar sem B.S.- og M.S.- gráður eru í dag mikið notaðar til
viðmiðunar um allan heim. Þá má nefna að mikill meirihluti verkfræðinga frá Háskóla íslands
fer til framhaldsnáms erlendis og lýkur þar að jafnaði meistaraprófi og í sumum tilfellum dokt-
orsprófi. Einnig er ljóst að langflestir þeirra sem ljúka námi sínu erlendis, án þess að hafa áður
stundað grunnnám við Háskóla íslands, hafa meistaragráðu eða jafngildi hennar. Með hliðsjón
af þessu telur menntamálanefnd það óheppilegt að miðað sé við verkfræðigráðu Háskóla