Árbók VFÍ - 01.06.1992, Síða 198

196 Árbók VFÍ 1991/92
hakkavél fyrir grófan, óbagganlegan úrgang ásamt tilheyrandi færiböndum og einnig pressu til
aö pressa pappa og pappír.
5.2 Spilliefnahúsiö
Spilliefnahúsið er hefðbundin bygging, steinsteypt, sem þjónar starfsemi við móttöku,
meðhöndlun og pökkun spilliefna. Ekki er reiknað með neinni geymsluaðstöðu í húsinu og fer
öll frágengin „vara“ beint í gáma til útflutnings og eyðingar.
Ahersla var lögð á góða loftræstingu, útilokun á sprengihættu, brunavamir og frárennslis-
kerfi sem tryggði að spilliefni bærust ekki út í aðallagnir.
Ráðstafanir sem þessar virðast einfaldar í upphafi og eru eflaust sjálfsagðar, en búnaðurinn
er flókinn og erfiður í rekstri.
5.3 Skrifstofuaöstaöa
Skrifstofubyggingu þurfti ekki að reisa því að nóg húsrými reyndist vera í skrifstofubygg-
ingu Aburðarverksmiðjunnar og þar eru nú aðalstöðvar Sorpu.
5.4 Gámastöövar
Snemma árs 1991 samþykktu sveitarfélögin að fela Sorpu að byggja og reka allar gáma-
stöðvar á höfuðborgarsvæðinu og að kostnaði skyldi jafnað niður skv. höfðatölu. Ekki var gert
ráð fyrir gjaldtöku á gámastað, en taka þyrfti frekari ákvarðanirutn fjármögnun stofnkostnaðar.
A næsta hálfa ári voru byggðir 7 staðlaðir gámastaðir. Staðirnir opnuðu á tímabilinu frá 1.
júní til 10. nóv. 1991. Flestir af stöðunum voru byggðir með tilliti til vaxtarmöguleika í náinni
framtíð. Allir staðirnir byggja á hugtakinu, lokaður staður og undir eftirliti. Samtals eru stað-
irnir 21.000 m2 að stærð og þaktir vatnsheldu slitlagi og með lögnum sem tengjast olíugildrum.
Hver staður þjónar u.þ.b. 20.000 manns og því var tekin sú stefna að auðvelda eins og
kostur var losun úrgangs í gáma. Niðurstaðan varð uppakstursrampar sem lyfta bílum um einn
metra. Með þessari aðstöðu fæst eðlilegur möguleiki á því að nýta stærstu gáma til flutninga
og þar með minnka flutningskostnað. Sorpumenn eru nokkuð stoltir af góðum árangri
gámastaðanna og frá sjónarhorni móður náttúru ætti einnig að ríkja ánægja, því að einungis 1/3
Mynd 3 Gámastaðirnir eru mikilvœgir hlekkir í starfskeðju Sorpit. Á myndinni er gámastaðurinn í Ána-
naustum.