Bændablaðið - 20.04.2011, Blaðsíða 2

2 Bændablaðið | fimmtudagur 20. apríl 2011
Fréttir
Hin árlega reiðhallarsýning
Hrossaræktarsamtaka Suðurlands
"Ræktun 2011" fer fram í
Ölfushöllinni á Ingólfshvoli laugar-
daginn 23. apríl nk. kl. 20. Þar verður
að venju boðið upp á fjölbreytt atriði
þar sem aðaláherslan er á kynbóta-
hross, yngri sem eldri. Fram koma
stóðhestar, hryssur, afkvæmahópar
og ræktunarbú.
Þetta verður létt og frjálsleg
sýning að vanda sem áhugafólk um
hrossarækt ætti að hafa gaman af.
Miðaverð er kr. 2.500, en frítt er inn
fyrir 16 ára og yngri. Miðasala fer
fram við innganginn. Dagskránna
er hægt að kynna sér á vefmiðlum
hestamanna.

Ræktun 2011
Níu aðilar selja rúlluplast til íslenskra bænda í ár:
Óvissa vegna gengisþróunar
Hrossaræktarbú ársins mun eiga sína
fulltrúa á sýningunni Ræktun 2011 á
laugardaginn kemur. Mynd / HGG
Hagnaður Kaupfélags Skag-
firðinga (KS) á síðasta ári voru
2,4 milljarðar króna eftir skatta.
Er um methagnað að ræða en
rekstrartekjur ársins námu 26
milljörðum króna.
Eigið fé fyrirtækisins nemur nú
um 15 milljörðum króna en lögð
var áhersla á að lækka skuldir KS
á síðasta ári og lækkuðu þær um 5
milljarða króna.
KS er í eigu ríflega 1.500 félags-
manna og um 730 manns vinna hjá
fyrirtækinu. Félagið rekur sláturhús
og kjötafurðastöð, mjólkursamlag,
útgerðarfyrirtækið Fisk seafood,
umfangsmikla verslunarstarfsemi
og þjónustu, vörumiðlun auk
annars.
KS sýnir
methagnað
Handverks-
hátíð 2011
Hin árlega Handverkshátíð
í Eyjafirði verður haldin við
Hrafnagilsskóla dagana 5.-8. ágúst.
Athygli er vakin á því að umsóknar-
frestur fyrir þá sem ætla sér að vera
með bása á sýningunni rennur út 1.
maí nk. að þvíer segir í tilkynningu.
Áhugi á handverki og hönnun er
mikill og að sögn skipuleggjenda ber-
ast umsóknir daglega frá áhugasömu
handverksfólki sem hyggst kynna sig
og sínar vörur.
Allar nánari upplýsingar um
Handverkshátíðina má finna á vef-
síðunni www.handverkshatid.is
Söluaðilar Sími Plasttegund Breidd Litur Listaverð án vsk. Greiðslukjör
Búaðföng* 487-8888 Polybale 75 cm Hvítt, grænt og svart 11.400 Samkomulagsatriði
Polybale 50 cm Hvítt 9.500 Samkomulagsatriði
Búvís** 465-1332 Rani 75 cm Hvítt og ljósgrænt 11.760 3% afsláttur ef greitt er í apríl
Rani 50 cm Hvítt og ljósgrænt 9.860 3% afsláttur ef greitt er í apríl
Fóðurblandan*** 5709800 Trioplast 75 cm Hvítt og grænt Óákv.
Silotite 75 cm Hvítt og grænt 10.800 Greiðslukjör í boði
Jötunn vélar 480-0400 Bal'ensil 75 cm Hvítt og grænt 12.900 Samkomulagsatriði
Bal'ensil 50 cm Hvítt 10.200 Samkomulagsatriði
Landstólpi 480-5600 Stólpaplast 75 cm Ljósgrænt 9.500 Samkomulagsatriði
Lífland**** 540-1100 Duoplast 75 cm Hvítt 11.600 3% staðgr.afsl.
Megastretch 75 cm Hvítt og grænt 11.600 3% staðgr.afsl.
Sláturfélag Suðurlands***** 575-6000 Teno Spin 75 cm Hvítt 12.905 3% magnafsl., 3% staðgr.afsl.
Teno Spin 50 cm Hvítt 10.570 3% magnafsl., 3% staðgr.afsl.
Polybale 75 cm Ljósgrænt 12.142 3% magnafsl., 3% staðgr.afsl.
VB Landbúnaður****** 414-8600 SuperGrass 75 cm Hvítt og grænt 11.650
SuperGrass 75 cm Svart 11.450
SuperGrass 50 cm Hvítt 10.900
Þór******* 568-1500 Visqueen 75 cm Hvítt, grænt og svart 10.787 Greiðslufrestur í boði
Visqueen 50 cm Hvítt 9.177 Greiðslufrestur í boði
*Miðað við staðgreiðslu fyrir 15. maí. Verð geta breyst vegna gengisþróunar
**Verð miðast við að gengi evru sé 162 krónur og greitt sé fyrir 10. október. Verð geta breyst vegna gengisþróunar.
***Miðað við staðgreiðslu
****Verð miðast við að gengi evru sé 162 krónur. Tveir gjalddagar, 15. júlí og 15. ágúst. Verð geta breyst vegna gengisþróunar.
*****Verðskrá gildir til 31. mars. Verð geta breyst vegna gengisþróunar
******Takmarkað magn í boði. Miðað við staðgreiðslu fyrir 1. maí
******* Miðað við að pöntun berist fyrir 30. apríl. Verð miðast við gengi evru 2. maí og gjalddaga 10. maí
Ársins 2010 verður minnst sem
árs náttúruhamfara, ekki ein-
göngu hér á landi heldur um heim
allan. Svo hófst ræða Sigurgeirs
Sindra Sigurgeirssonar formanns
Landssamtaka sauðfjárbænda
(LS) á aðalfundi samtakanna sem
haldinn var 7.-8. apríl síðastliðinn.
Þó væri enn nöturlegra að hugsa
til þess að þeir umhverfisþættir
sem þó væri í mannana valdi að
hafa stjórn á skyldu nú valda inn-
lendri matvælaframleiðslu skaða.
Vísaði hann þar til díoxínmálsins
svokallaða í Skutulsfirði.
MAST stóð sig ekki
Sindri gagnrýndi harðlega við-
brögð Matvælastofnunar (MAST)
og ekki síður stjórnvalda vegna
málsins alls. „Í fimm heimsálfum
voru sagðar afar óljósar fréttir af
díoxínmenguðu lambakjöti frá
Íslandi. Þær fréttir voru byggðar
á tilkynningu frá Matvælastofnun
sem gerði ekki grein fyrir umfangi
málsins eða þeirri staðreynd að
kjötið kom frá mjög afmörkuðu
svæði í nágrenni Sorpbrennslunnar
Funa í Skutulsfirði og að magn þess
nam einungis um 0,025 prósentum
af árlegri innanlandssölu.“ Brýndi
Sindri eftirlitsaðila eins og MAST
og Umhverfisstofnun til að draga
lærdóm af málinu svo slíkt myndi
aldrei henda aftur.
Átakanlegt að fylgjast
með stjórnvöldum
Átakanlegt er, sagði Sindri, að fylgj-
ast með úrræðaleysi stjórnvalda þar
sem hver vísaði á annan varðandi
tjón bænda á svæðinu. Hins vegar
væri það ekki hið eina sem átakanlegt
væri upp á að horfa varðandi stjórn-
völd. „Hún nefnir sig norræna vel-
ferðarstjórn og er laustengt bandalag
þingmanna Samfylkingar og hluta
þingmanna Vinstri grænna. Þessir
lýðsins leiðsögumenn hafa kosið að
breiða yfir eigið úrræðaleysi með því
að benda á betri tíð og blóm í haga í
örmum Evrópusambandsins.“
Fulltrúar ESB hreinskilnir
Sindri sagði það allrar athyglivert
að sjá Össur Skarphéðinsson utan-
ríkisráðherra reyna að neita því að
fram færi nú aðlögun að regluverki
Evrópusambandsins (ESB). Fulltrúar
ESB í aðildarviðræðunum hafi í það
minnsta verið nægjanlega hreinskilnir
til að segja það vafningalaust að við
undirritun aðildarsamnings verði
Ísland að hafa byggt upp stjórnkerfi
sem geri landinu kleift að virka sem
fullgilt aðildarríki. „Enda er ekki
óeðlilegt af hálfu ESB að gera kröfur
um aðlögun ríkja sem hafa sótt um
aðild, enda gera þeir ráð fyrir því að
slíkri aðildarumsókn fylgi þjóðarvilji
um að ganga inni í ESB eins og það
er hverju sinni. Slíkt á ekki við um
Íslendinga sem vilja kíkja í pakkann
og sjá svo til. Þjóðinni er svo talin
trú um að hægt sé að fá varanlegar
undanþágur alveg hægri vinstri. Það
er óheiðarlegt af okkur Íslendingum
gagnvart aðildarríkjum ESB að fórna
tíma og peningum okkar og þeirra í
könnunarviðræður um samning sem
þjóðin kærir sig ekki um,“ sagði
Sindri.
Sindri sagðist óttast að ekki fylgdi
hugur máli þegar stjórnvöld segist
vilja standa vörð um íslenskan land-
búnað. Skýr vísbending um það væri
skipan fulltrúa í samningahóp um
landbúnað þar sem aðeins þrír full-
trúar bænda ættu sæti.
Björt teikn á lofti
Ekki var þó eingöngu um bölmóð að
ræða í ræðu Sindra enda mörg teikn
á lofti um bjarta tíma í sauðfjárbú-
skap. Á fyrstu þremur mánuðum
hefði sala á lambakjöti t.a.m. aukist
um rúm ellefu prósent og um níutíu
prósent á utanlandsmarkað. Birgðir af
kindakjöti í landinu væru nú fjórðungi
minni en á sama tíma í fyrra. Verð á
erlendum mörkuðum hafi hækkað svo
að nú sé það sambærilegt við verð á
innanlandsmarkaði. /
Sindri nefndi að vegna þessarar
aukningar hefðu hafist umræður um
að skortur yrði á lambakjöti í sumar.
Hann fullvissaði fundinn um að slíkar
áhyggjur væru ástæðulausar enda
kappkostuðu íslenskir sauðfjárbænd-
ur að þjónusta sinn heimamarkað.
Gríðarlegar gjaldeyristekjur
Enn fremur sæu margir ofsjónum yfir
ríkisstuðningi sem færi til greinar-
innar nú þegar fjörutíu prósent fram-
leiðslunnar væru flutt út. Það væri
athyglisvert í því ljósi að skammt
væri síðan að lögskipað hefði verið
að flytja þyrfti ákveðinn hluta fram-
leiðslunnar úr landi.
„Samtals nema gjaldeyristekjur af
útflutningi sauðfjárafurða nú tæpum
3 milljörðum. Það er athyglisvert
að setja þá upphæð í samhengi við
rúma 4 milljarða sem greiddir eru
í ríkisstuðning til sauðfjárræktar á
hverju ári. Sauðfjárbændur eru að
skapa gríðarlegar gjaldeyristekjur og
taka því þátt í að skapa jákvæðan
vöruskiptajöfnuð fyrir þjóðarbúið,
um leið og þeir sjá innanlands-
markaðnum fyrir úrvalsvöru á góðu
verði,“ sagði Sindri.
Ítreka andstöðu við ESB
Fundur LS var hinn líflegasti og
voru samþykktar þar fjöldi álykt-
ana. Eins og sjá má á forsíðu kom
fram gríðarhörð gagnrýni á MAST á
fundinum sem endurspeglaðist bæði
í umræðum og ályktunum fundarins.
Þá var talsvert rætt um afurðaverð
og aðfangahækkanir til bænda.
Fundurinn skoraði á alla sláturleyfis-
hafa að hækka afurðaverð til bænda
verulega á komandi hausti enda
hafi verð til bænda lítið hækkað en
aðföng og annar kostnaður hækkað
gríðarlega.
Þá lýsti fundurinn fullum stuðn-
ingi við afstöðu Búnaðarþings gagn-
vart Evrópusambandsaðild og var
andstaða við hana ítrekuð. Þrátt fyrir
að hugsanlegt sé að sauðfjárbúskapur
á Íslandi gæti staðið af sér aðild muni
landbúnaðurinn í heild sinni verða
verulega illa úti. Til lítils væri unnið
ef að sauðfjárbændur stæðu einir eftir
þegar búið væri að stórskaða allan
annan landbúnað og úrvinnslu afurða
í landinu. /fr
Formaður LS gagnrýndi viðbrögð við díoxínmálinu harðlega í setningarræðu aðalfundar:
Úrræðaleysi stjórnvalda átakanlegt
- Óttast að hugur fylgi ekki máli hjá stjórnvöldum um að standa vörð um landbúnað
Sindri Sigurgeirsson, formaður
Lamndssamtaka sauðfjárbænda,
var afar harðorður í garð eftirlitsaðila
varðandii díoxínmálið.
Sindri ræðir málin við Jón Bjarnason
sjávarútvegs- og landbúnaðarráð-
herra
Kaupfélag í góðum rekstri:
All nokkur óvissa er um verð á
rúlluplasti til bænda í sumar þar
eð margir söluaðilar setja fyrir-
vara við verð sín vegna gengis-
þróunar. Þó virðist verð almennt
vera nokkru lægra en í fyrra ef
miðað er við listaverð sem söluað-
ilar gefa upp nú. Rétt er að taka
fram að í all nokkrum tilfellum
miða söluaðilar við ákveðið gengi
evru eða gengi á ákveðnum tíma.
Söluaðilum fækkar um einn
Samkvæmt upplýs ingum
Bændablaðsins virðist sem níu fyrir-
tæki muni hafa rúlluplast til sölu í ár.
Er það fækkun um eitt fyrirtæki frá
fyrra ári. Í mörgum tilfellum mið-
ast þau verð sem gefin eru upp við
staðgreiðslu en mörg fyrirtækjanna
bjóða hins vegar einnig upp á ýmis
konar greiðslukjör. Getur þá verið
um greiðsludreifingu að ræða en
einnig er hugsanlegt að hægt sé að
ná fram magn afsláttum eða öðrum
afsláttarkjörum. Eru bændur hvattir
til að huga vel að slíkum samanburði.
Sömu tegundir og í fyrra
Í flestum tilfellum er um sömu teg-
undir að ræða í ár og boðið var upp
á í fyrra. Samkvæmt upplýsingum
Bændablaðsins er þó nokkuð um
að bændur hafi þegar gengið frá
kaupum eða pöntunum á plasti.
/fr