Bændablaðið - 20.04.2011, Blaðsíða 7

7Bændablaðið | fimmtudagur 20. apríl 2011
Í síðasta vísnaþætti urðu mér á þau hrapallegu mistök, að fleirtölusetja Skaftártungu,
hreppsheitið, hvar heimili Ástu
Sverrisdóttur er. Gramdist Ástu
verulega þetta viskuleysi mitt, og
með nokkrum ofanígjöfum sendi
mér vísur sem taka af allan vafa
um hið rétta hreppsheiti. Vísur
þessar birtast því hér með, ásamt
iðrun nokkurri og afsökun:
Í blaðinu ei birta átt
en bara svo að það sé rétt;
Við upphaf skoða „endinn” mátt,
alltaf þegar skrifar frétt.
Bara til að brúka kjaft
ég brýni fyrir þeim ungu;
Frá landnámi „eina” höfum haft
„Hróars-” og „Skaftártungu”!
Mér þá sama alveg er
þó aðrir á fleiri bungum,
búi þar sem breiðara er
í „Biskups-“ og „Stafholtstungum”!
Það strjálast til mín vísur frá
Erlendi Hansen á Sauðárkróki.
Með þessari vísu Erlendar þarf
engar skýringar:
Ennishofið, höllin fín
hýsir frumugreyin.
Augun varpa innri sýn,
eitthvað fram á veginn.
Hagyrðingamót var haldið á
Hellu þann 18 mars síðastliðinn.
Mættir voru þar helstu hag-
yrðingar landsins, þeir Hjálmar
Freysteinsson, Björn Ingólfsson,
Pétur Pétursson og Jóhannes
á Gunnarsstöðum. Stjórnandi
þeirra var Magnús Halldórsson.
Heldur var fátt um tilheyrendur, og
því rétt að flytja lesendum ofurlítið
sýnishorn frá samkomunni.
Pétur hóf leik og yrkir braghent
um velgjörðamann sinn Jóhannes
á Gunnarsstöðum:
Rímar glaður rætið þvaður núna,
gallamaður grátt með fés
Gunnarsstaða-Jóhannes.
Og til stjórnandans Magnúsar
yrkir Pétur:
Magnús slekkur margra þörf á
bekknum,
dylur ekki afrek sín,
allvel þekkir hross og vín.
Pétur hefur um nokkurra
ára bil farið í fjárleitir með
Gunnarsstaðabræðrum Jóa og
Ragnari. Vel hafa þeir bræður gert
við hann í mat og drykk:
Af guðaveig ég gerist kenndur
Gunnarsstaða mannanna,
en illt mér finnst að hafa hendur
í hári þeirra bræðranna.
Jóhannes svarar Pétri :
Alltaf finnst mér leika í lyndi
lífið kringum Pétur minn.
Maðurinn er augnayndi
og einstaklega nærgætinn.
Að endingu fá lesendur eina vísna-
gátu að kljást við yfir páskahá-
tíðina. Vísan er eftir Svein Víking:
Allir þrá og elta það,
og ólmir í að taka það.
En aðeins fáir finna það,
og fúsir sjaldan greiða það.
Gleðilega páska.
Umsjón: Árni Jónsson
kotabyggd1@simnet.is
Í umræðunni
MÆLT AF
MUNNI FRAM
18 nýir frjótæknar útskrifaðir
Nýlega luku 18 einstaklingar víðs-
vegar að af landinu þriggja vikna
námskeiði fyrir frjótækna, sem var
sérstaklega ætlað búfræðingum.
Námskeiðið var haldið af endur-
menntun Landbúnaðarháskóla
Íslands í samstarfi við Nautastöð BÍ,
Bændasamtök Íslands og fleiri aðila.
Hlutverk frjótækna er að fara á
milli kúabúa og sæða kýr þannig
að kálfar komi í kýrnar af völdum
kynbótanautum.
Á námskeiðinu, sem var bæði
bóklegt og verklegt, var m.a. fjallað
um samskipti frjótækna og nauta-
stöðvar BÍ, erfða- og kynbótafræði,
skýrsluhald í nautgriparækt, fóður
og fóðrun mjólkurkúa, líffærafræði,
sýkingar í búfé og um smitvarnir.
/MHH
Ásdís Bjarnadóttir frá Landbúnaðarháskólanum með dýralæknunum Eggerti Gunnarssyni á Keldum og Þorsteini
Ólafssyni hjá Matvælastofnun, sem voru m.a. kennarar á námskeiðinu.
Leiðbeinendur námskeiðsins ásamt nýju frjótæknunum, sem luku þriggja vikna námskeiði sínu á tilraunabúinu á Stóra-Ármóti í Flóahreppi. Myndir / MHH
Á þessari mynd er Pawel Markdwski hefur
búið með fjölskyldu sína á Hvolsvelli síðustu
12 ár og unnið allan tíman hjá SS. Honum líkar
vel hjá fyrirtækinu og er sérstaklega ánægður
með námið í kjötskurðinum sem fram fór á
vegum fyrirtækisins í mars. Af þeim 150
starfsmönnum, sem vinna í kjötvinnslu SS á
Hvolsvelli eru 85 Pólverjar. / MHH.
Meirihluti
starfsmanna
SS á Hvolsvelli
eru Pólverjar
- Sumir hafa búið á Íslandi í meira
en áratug og líkar vel
Dugnaðarforkar í kjötvinnslunni: