Bændablaðið - 20.04.2011, Blaðsíða 40

40 Bændablaðið | fimmtudagur 20. apríl 2011
Tól og tækni
Bústofn (www.bufstofn.is),
tölvukerfi fyrir búfjáreftir-
lit sem upplýsingatæknisvið
Bændasamtakanna smíðaði
fyrir MAST, fékk góða dóma
á Samráðsþingi MAST, sem
haldið var 14. apríl sl.
Fulltrúar bænda, sem töluðu í
hópnum, Bændur og breytingar,
lýstu allir yfir ánægju með hve
fljótlegt hefði verið að skila inn
forðagæsluskýrslu með rafræn-
um hætti í gegnum Bústofn, og
þá þakkaði Sverrir Sverrisson,
faglegur verkefnisstjór MAST í
verkefninu, Bændasamtökunum
fyrir gott samstarf við þróun
kerfisins. Þá komu fram óskir
um að MAST þróaði frekar
möguleika á að skila sem flestum
skýrslum með rafrænum hætti, nú
þegar nettengingar bænda væru
komnar í viðunandi form, til að
gera allt eftirlit skilvirkara og hag-
kvæmara. Í þessu sambandi hefur
gæðastýringin í sauðfjárrækt verið
nefnd, þ.e. að bjóða upp á rafræn
skil og rafrænt eftirlit til að auka
hagkvæmni og aðgengi upplýs-
inga. Verkefnisstjóri og forritari
Bústofns fyrir hönd upplýsinga-
tæknisviðs Bændasamtakanna er
Örn Haraldsson.
Búfjárheilsa, nýtt tölvukerfi
MAST, í prófun
Búfjárheilsa, vefforrit og miðlægur
gagnagrunnur utan um sjúkdóms-
greiningar, lyfjameðhöndlanir og
bólusetningar á búfé, hefur verið
í prófun hjá MAST.
Upplýsingatæknisvið Bænda-
samtakanna þróar kerfið sam-
kvæmt forskrift MAST. Í fyrstu
atrennu verður skráning fyrir naut-
gripi og hross, og er bein tenging
við hjarðbækur í skýrsluhaldsfor-
ritunum HUPPU og WorldFeng.
Síðar verður bætt við skráningu
fyrir annað búfé. Í dag fer fram
skráning á lyfjaskráningu í
WorldFeng í samræmi við kröfur
ESB þar um vegna útgáfu hesta-
vegabréfa við útflutning hrossa.
Sú skráning verður samræmd
við Búfjárheilsu. Faglegur verk-
efnisstjóri MAST er Auður
Lilja Arnþórsdóttir. Forritari
Búfjárheilsu fyrir hönd upplýs-
ingatæknisviðs Bændasamtakanna
er Þorberg Þ Þorbergsson.
Bændatorgið opnaði
8. apríl 2011
Eins og flestum er kunnugt þá
var Bændatorgið opnað 8. apríl
sl. á www.bondi.is. Viljum við
hvetja alla bændur til að nýta sér
þá möguleika sem Bændatorgið
bíður upp á. Þar er m.a. að finna
skilaboðaskjóðu, rafræn skjöl,
viðburðadagatal, upplýsingar
um félagsaðild og tengingar við
skýrsluhaldskerfi bænda. Markmið
Bændatorgsins er að auka upp-
lýsingaflæði milli bænda og ráð-
gjafaþjónustunnar. Bændatorginu
er ætlað að verða samskiptabrú á
milli bænda, búnaðarsambanda og
Bændasamtakanna.
Allir bændur og ráðunautar
sem þegar hafa aðgang að
einhverju skýrsluhaldskerfi
Bændasamtakanna fá sjálfkrafa
aðgang að Bændatorginu, enda
sé viðkomandi með félagsað-
ild að Bændasamtökunum.
Notendahandbók er aðgengi-
leg undir liðnum Hjálp á
Bændatorginu.
WorldFengur –
kynbótasýningar ársins
eru hafnar
Fyrsta kynbótasýning sýningar-
ársins 2011 fór fram á Kronshof
í Þýskalandi þann 7. apríl sl.
Sýnd voru 32 hross og eru allir
kynbótadómar aðgengilegir í
WorldFeng. Allir kynbótadómar
íslenskra hrossa eru skráðir beint
inn í WorldFeng á sýningarstað í
öllum aðildarlöndum FEIF.
Fyrsta kynbótasýning ársins
á Íslandi verður haldin 28. – 29.
apríl á Sauðárkróki.
Dagsetningar allra kynbóta-
sýninga er að finna á www.
bondi.is. Þá má minna á að allar
einkunnir úr löglegum keppnum
(íþrótta- og gæðingakeppnum) á
Íslandi er að finna í WorldFeng.
Upplýsingar um einkunnir erlendis
(aðeins WorldRanking) eru einnig
aðgengilegar í WorldFeng jafn-
óðum og þær berast frá FEIF.
Mánaðargjald lækkar á
hýsingu á dkBúbót
Bændasamtökin bjóða bændum
upp á hýsingu á dkBúbót. Það
þýðir að bændur keyra dkBúbót í
gegnum Netið á sérstökum miðlara
sem staðsettur er í Bændahöllinni í
stað þess að keyra forritið á eigin
tölvu. Kostirnir eru þeir sömu og
við vefforrit m.a. að afrit er tekið
daglega af bókhaldsgögnum, nýjar
uppfærslur eru keyrðar sjálfkrafa
inn fyrir bændur og hægt er að
nálgast bókhaldið hvar og hve-
nær sem er með aðgangsorðum.
Mánaðargjald fyrir hýsingu lækkar
frá og með 1. júlí 2011 um 12%
vegna hagstæðari samninga.
Á tíu dögum hefur bensínið hækk-
að um níu krónur og eðlilega held
ég því áfram að skoða bíla sem eru
sparneytnir á eldsneyti. Að þessu
sinni kom ég við hjá Bernhard í
Vatnagörðum, sem er umboðsaðili
fyrir Honda. Fyrir valinu varð
Honda Insight Hybrid.
Svona Hybrid bíl hef ég ekki
prófað áður fyrir Bændablaðið.
Fyrir þá sem lítið vita um Hybrid
bíla þá eru þeir í raun með tvær vélar,
annars vegar bensínvél og hins vegar
rafmagnsmótor sem vinnur með
bensínvélinni.
Á spretti
Kóngablár liturinn á bílnum minnti
mig á texta sem ég hef oft heyrt
sunginn og er um mótorhjólamann
á blárri Hondu, við lagið Sprett eftir
Hannes Hafstein, og byrjar svona:
Ég berst á blárri Hondu fram um veg,
og framhjá smárri löggu farta ég,
og upp á rörið sný, og undan henni flý,
og hámarkshraðareglur eru löngu farnar
fyrir bí...
Þarna var sungið um mótorhjóla-
mann á flótta undan löggu, en ég ók
þessum kóngabláa bíl töluvert öðru-
vísi en ökumaðurinn forðum í text-
anum. Til að rafmagnsmótorinn vinni
sem best og bensín þar af leiðandi
sparist, er mælaborðið þannig að ef
maður er of grimmur á gjöfinni verð-
ur það blátt, en ef maður keyrir bílinn
alltaf mjúklega er mælaborðið grænt
og sáralítil bensíneyðsla (lesist; allt
er vænt sem vel er grænt í þessum
bíl). Eins og áður sagði er Honda
Insight Hybrid með tvo mótora, 1339
rúmsentimetra bensínvél sem skilar
88 hestöflum við 4500 snúninga og
14 hestafla rafmagnsmótor við 1500
snúninga.
Meðaleyðsla 5,8
Prufuaksturinn var frá Reykjavík
upp að Hellisheiðarvirkjun og til
baka. Vegalengdin var um 70 km,
var meðalhraðinn 51 km á klst. og
eyðslan miðað við 100 km akstur
var 5,8 lítrar (vel ásættanlegt fyrir
1240 kílóa bíl).
Afturhlerinn truflar baksýnina
Þegar mælaborðið var grænt heyrðist
ekkert í vélinni (bara veghljóð frá
mis grófu yfirborði veganna). Það
eina sem truflaði mig í þessum bíl var
baksýnisspegillinn inni í bílnum, en
þegar maður horfir í hann sér maður
ekki vel bíla fyrir aftan vegna þess að
afturhlerinn er tvískiptur með lista á
milli tveggja rúða. Það sem truflaði
var að önnur rúðan er dekkri en hin.
Frábærir hliðarspeglar
Hliðarspeglarnir eru einhverjir þeir
bestu sem ég hef séð á bíl og sést
ótrúlega vel aftur fyrir bílinn í þeim.
Ég ók stuttan malarkafla sem var með
frekar lausu yfirborði og nokkrum
misstórum holum. Malarhljóðið af
veginum var mjög lítið undir bílinn
og framfjöðrunin tók holurnar vel,
en afturfjöðrunin er að mínu mati
frekar stíf (gæti hugsanlega verið
vegna þess að ég var einn í bílnum
og að bíllinn verði betri með farþega
í aftursætum).
Jákvætt:
Það besta sem ég sá við þennan bíl
er mælaborðið (grænt og blátt), reyni
maður að keyra eftir græna mæla-
borðinu venst það örugglega og þar
af leiðandi lærist að keyra rétt með
tímanum, hliðarspeglarnir (utan á
bílnum), bíllinn er hljóðlátur, rúm-
góður, farangursrými mikið, ágætis
orka, fljótur að hitna að innan, lítið
malarhljóð undir bílnum á malarvegi.
Neikvætt:
Baksýnisspegill inni í bílnum, stíf
fjöðrun að aftan (bæði á malarvegi
og yfir hraðahindranir).
sviðsstjóri upplýsingatæknisviðs
Bændasamtaka Íslands
jbl@bondi.is
Jón Baldur Lorange
Eyðir litlu ef ekið er mjúklega
– Honda Insight Hybrid – tvinnbíll:
Vélaprófanir
hlj@bondi.is
Hjörtur L. Jónsson
Upplýsingatækni
og fjarskipti
Bústofn fær
góða dóma
Bestu hliðarspeglar á fólksbíl sem ég hef prófað.
Ef liturinn er grænn á hraðamælinum er ekið rétt, ef liturinn er blár þá eyðir
maður of miklu.
Verð: 3.990.000. kr.
Lengd: 4.396 mm
Breidd: 1.696 mm
Hæð 1.425 mm
Hestöfl:
102 (bensínvél 88 ,
rafmagnsmótor 14)
Þyngd 1.240 kg
Helstu mál Honda Insight Hybrid :Tveir litir í afturrúðum eru truflandi.
Ég get ekki hugsað mér
hvernig líf það var
þegar engar voru hér
Helluskeifurnar
Síminn er 8937050