Heimilisritið - 01.08.1948, Side 26

kaupa hann?“) — og býður hik-
laust hærra en hann.
„Hundrað og sjötíu!“
Granni þinn æsist eins og þeg-
ar olíu er skvett á eld.
„Hundrað níutíu og fimm!!“
„Enn beturM'
Og leikurinn heldur áfram.
Og leiknum lýkur á því, að
þú lætur allt, sem þú átt, fyrir
hlut, sem þú virtir ekki viðlits
fyrir tíu mínútum ... Þú burð-
ast með hann heim, og í kollin-
um á þér tekur sú hugsun að
bæra á sér, sem mótast smám
saman unz hún birtist í þessarri
setningu:
„Hvað á ég að gera við hann?
Skárra er það bölvað skranið“.
Svona er um kvenfólkið. Það
lifir samkvæmt reglum uppboðs-
staðarins. Sé karlmaðurinn einn,
lítur hann ef til vill ekki við því,
en séu þeir tveir, kveður um-
svifalaust við:
„Býður nokkur betur?!“
Vitaskuld er lagður í þessa
setningu hinn allraháleitasti
skilningur, í henni felst engin
kaupsýsluundirhyggja.
Þannig fór og um okkur. Er
við tylltum okkur í vagninn
lýsti Golubzof (svo hét hinn
ungi maður) því yfir, að það
fengi honum mikillar ánægju að
mega njóta návistar hennar o. s.
frv.
Ég reyndi að taka honum
fram með yfirlýsingu þess efnis,
að samfylgd hennar myndi
stytta mér leiðina fjórum sinn-
um.
Golubzof, sá þjarkur, skellti
strax allháu trompi á borðið og
kunngerði, að ef hún ætti ekki
neina kunningja í Eupatoríu,
myndi það fá honum mikillar
ánægju ef hans lítilfjörlega per-
sóna o. s. frv.
Ég drap samstundis með
trompásnum. („Ef þér eigið ekk-
ert atthvarf, skal ég útvega yð-
ur herbergi“).
Golubzof garmurinn varð al-
veg að gjalti, en bara sem
snöggvast.
„Ég skal segja yður, María
Nikolaévna . . . (Já, einmitt?
María Nikolaévna? Sjáum til!
Fallegt nafn!) ... Ég skal segja
yður, að mér geðjast ekki að
rússnesku hressingarhælunum,
þau eru svo snauð að þægindum.
Það er ekki eins og erlendis .. .“
„Hafið þér verið erlendis?“
(María Nikolaévna komst öll á
loft. Stórkostlegt!).
„Já ... Ég hef ferðast um alla
Evrópu . .. Ég hef ferðast um
hana þvera og endilanga að heita
má“.
María Nikolaévna leit á mig,
og þótt hún þegði var sem hún
beinlínis æpti:
„Býður nokkur betur? Býður
nokkur betur?!“
24
HEIMILISRITIÐ