Fréttatíminn - 20.09.2013, Side 18

F lestir í Indlandi og Asíu verða hissa þegar ég segist vera hálf íslensk. Oft veit fólk ekki einu sinni hvar Ísland er og halda að hér sé allt ísilagt. Ég segi þeim þá yfirleitt sög-una um hvernig nöfnunum á Grænlandi og Íslandi hafi í raun verið víxlað,“ segir
Angela Jónsson. Hún á íslenskan föður og indverska móður, hefur þegar haslað sér völl
sem vinsæl fyrirsæta í Indlandi og langar að reyna fyrir sér sem fyrirsæta á Íslandi.
Angela er aðeins 23 ára gömul en á þriggja ára fyrirsætuferli hefur hún þegar setið
fyrir á forsíðum þekktra tískublaða í Indlandi á borð við Vouge, Elle, Cosmopolitan,
Maxim og Harper´s Bazaar. „Ég kom í fyrsta sinn til Íslands þegar ég var 18 ára og
hef komið á hverju sumri síðan,“ segir hún. Angela kann aðeins stöku orð í íslensku en
miðað við hvernig hún talar ensku myndi ég giska á að hún væri uppalin í Bandaríkj-
unum. Það eru hins vegar aðeins um þrír mánuðir síðan hún flutti til Los Angeles ásamt
indverskum kærasta sínum. „Hann er leikari og ég ætla að fara í leiklistartíma. Þetta er
auðvitað mikil kvikmyndaborg. Ég var í viðræðum við kvikmyndaframleiðendur í Ind-
landi en ég ætla að einbeita mér að fyrirsætuferlinum í bili og þá reyna við leiklistina
síðar.“
Á tíu systkini
Faðir Angelu, Vilhjálmur Jónsson, var á ferðalagi í Indlandi fyrir um þremur áratugum
þegar hann kynntist ungri konu, Söndru, í gegnum sameiginlega vini. Þau urðu ást-
fangin og Vilhjálmur settist að í landinu. Saman eiga þau tíu börn, sjö stelpur og
þrjá stráka, sem ólust upp á búgarði í fjallaþorpinu Kodaikanal á Suður-Indlandi.
Þar stundaði Angela nám í bandarískum skóla og skýrir það af hverju hún talar
ekki með indverskum hreim. „Ég hef grætt mjög mikið á því að eiga foreldra
frá tveimur ólíkum menningarsvæðum. Þetta hefur veitt mér betri innsýn í
alþjóðasamfélagið.“
Foreldrar hennar hafa mikið sinnt hjálparstarfi í gegn um tíðina þó móðir
hennar hafi veri mikið bundin heima með börnin tíu. „Það er ekki algengt
í Indlandi að eiga svona mörg börn. Það var algengara hér áður fyrr en
mömmu langaði að eignast stóra fjölskyldu.“ Angela er hér í heimsókn hjá
systkinum sínum en hún á þrjár systur og einn bróður sem eru búsett á Ís-
landi. Flest eru þau gift Íslendingum og eru jafnvel búin að eignast börn.
„Systur mínar eru búnar að vera hér í allt að tíu ár. Pabbi er hérna líka núna
en mamma er á Indlandi með yngstu börnin því þau eru enn svo lítil. For-
eldrar mínir hafa samt hugsað um að flytja jafnvel til Íslands þegar börnin
verða stærri. Mig langaði alltaf að koma til Íslands enda er það okkar annað
heimili. Við systkinin erum öll með íslenskt vegabréf.“
Ein eftirsóttasta kona Indlands
Angela hefur í heimsóknum sínum fengið að kynnast matarmenningu
Íslendinga, hún segist elska íslenskan mat og kann íslensku heitin á
ýmsu. „I love plokkfiskur and harðfiskur and skyr,“ segir hún en biður
mig að afsaka framburðinn. „Ég kann fáein orð en nú þegar ég stefni
á að koma oftar til Íslands og dvelja hér lendur þá þarf ég að einbeita
mér að því að læra íslensku.“ Vegna veðursins hefur hún ekki ferðast
mikið um landið í sumar. „Það hefði verið gaman að fá meiri sól,“
segir hún og viðurkennir að veðrið að undanförnu sé ekki að hennar
skapi. „Ég er samt búin að fara á Ljósanótt í Keflavík og auðvitað
Bláa lónið. Mig dreymir síðan um að sjá norðurljósin. Áður en ég
kom hingað núna var ég í London að taka upp sjónvarpsauglýsingu.
Jafnvel þó Íslands sé svona stutt frá Englandi fannst fólki mikið til
þess koma að ég væri hálf íslensk og væri á leiðinni hingað.“
Ég vann heimavinnuna mína áður en ég hitti Angelu og komst
að því að tvö síðustu ár var hún á lista yfir 100 eftirsóttustu konur
Indlands. „Jú, það er rétt. Þetta var mikil viðurkenning fyrir mig
enda alveg ótrúlega mikið af fallegum konum á Indlandi.“ Hún
er komin með umboðsskrifstofu í Los Angeles og finnur þegar
mikinn mun á fyrirsætubransanum þar og á Indlandi. „Sam-
félagið er allt öðruvísi og ég er spennt að sjá hvernig mér
gengur og hvernig störf ég fæ. Nú er ég síðan í fyrsta skipti
að kynna mig á Íslandi og stefni á að hitta fólk úr tísku-
iðnaðinum áður en ég fer aftur út. Ég veit eiginlega ekki af
hverju ég hugsaði ekki út í það fyrr að starfa á Íslandi. Ég
er auðvitað ekki með dæmigert íslenskt útlit en Ísland er
að alþjóðavæðast eins og flest önnur lönd. Systur mínar
eru vel með á nótunum þegar kemur að íslenskri
hönnun. Ég þekki best útivistarmerkin. Ég vona að ég
fái tækifæri hér.
Erla Hlynsdóttir
erla@frettatiminn.is
„I love plokkfiskur“
Ég hef grætt
mjög mikið
á því að
eiga foreldra
frá tveimur
ólíkum
menningar-
svæðum.
Angela Jónsson á
íslenskan föður og
indverska móður. Hún
hefur setið fyrir á
forsíðum helstu tísku-
tímarita í Indlandi og eru
töluvert þekkt í heima-
landinu. Angela á fjögur
alsystkini á Íslandi og
hefur hún heimsótt þau
á hverju sumri síðustu
árin. Hana langar að efla
enn tengslin við Ísland,
ætlar að læra íslensku
og langar að koma sér
hér á framfæri sem
fyrirsæta.
Angela hefur setið fyrir hjá öllum
helstu tískutímaritum í Indlandi.
Foreldrar Angelu, Vilhjálmur og
Sandra Jónsson, eiga tíu börn saman.
Ljósmynd úr einkasafni
vítamín-fjölskyldan
Vítamín sem mæta þörfum allra á heimilinu
íslensk framleiðsla litlar töflur nýtt og betra bragð sjá nánar á Vitamin.is
icepharm
a
18 viðtal Helgin 20.-22. september 2013