Fréttatíminn - 20.09.2013, Qupperneq 29

Skipholti 37
Sími 568 8388
Opið laugardaga frá 11-16
LJÓSASALA Í LUMEX
Láttu drauminn rætast!
Til að rýma fyrir nýjum og glæsilegum
vörum bjóðum við úrval ljósa og fylgihluta
á frábæru verði í nokkra daga.
170.000 kr.
Verð áður 244.000 kr.
Twiggy
Á Landsbókasafni stendur yfir
sýning á afrakstri minningar-
smiðju fyrir Alzheimerssjúklinga
sem fram fór fyrir tveimur árum.
Smiðjan stóð yfir í tvær vikur og
var í samstarfi við Þórarin Eldjárn
rithöfund og fjórtán nemendur
úr teiknideild Myndlistarskólans
í Reykjavík. Smiðjan var hluti af
rannsóknarverkefninu Listir og
menning sem meðferð við Alzhei-
merssjúkdómnum og beinist að
meðferð án lyfja og er upprunnin
frá Minnismóttöku Virgen de la
Arrizaca háskólasjúkrahússins í
Murcia á Spáni. Meðal markmiða
smiðjunnar var að opna umræðu
um Alzheimerssjúkdóminn og
kanna hvernig frásagnir minn-
inganna gætu sameinast vísinda-
legum rannsóknum og eigindlegu
mati á Alzheimersjúkdómnum.
Þórarinn Eldjárn las sögu sína
Hvaðefsaga fyrir þátttakendur
sem í lok upplestrarins tóku upp
þráðinn og héldu samræðunum
áfram um tengsl þeirra við hin
ýmsu fjöll. Vonast var til að smá-
sagan myndi vekja upp minningar
um liðna atburði. Umsjón með
smiðjunni hafði Halldóra Arnar-
dóttir, doktor í listfræði og segir
hún markmiðið fyrst og fremst að
veita þátttakendum gleði. „Það er
brosið sem er mikilvægt að þátt-
takendur fái og finni. Daglega lífið
hjá þeim verður léttara því það er
eitthvað skemmtilegt að gerast og
fólk hlakkar til að fara á staðinn
og taka þátt í smiðjunni,“ segir
hún. Út er komin bók sem lýsir
öllu ferli smiðjunnar þar sem allir
sem tóku þátt segja frá sinni upp-
lifun.
Sýningin stendur til 3. október.
-dhe
Frásagnir minninganna
með Þórarni Eldjárn
Halldóra Arnardóttir, doktor í listfræði og Þórarinn Eldjárn.
Helgin 20.-22. september 2013