Fréttatíminn - 29.11.2013, Side 35

í Kaliforníu á tveimur bílum í
kringum miðjan níunda áratuginn.
Jón var í bíl á eftir okkur Hjalta
Úrsusi og hann var að leika sér að
stuða létt aftan á bílinn okkar á
rúmlega hundrað kílómetra hraða!
Okkur Hjalta var ekki skemmt,
en Jón Páll brosti út að eyrum á
meðan hann hélt áfram að stuða
aftan í okkur. Það er auðvitað
auðvelt að vera vitur eftir á, en það
var svo margt sem segir manni að
hann hafi einhvers staðar innst
inni skynjað að hann ætti ekki eftir
að lifa langa ævi.“
Sjálfur meistari Megas á sam-
bærilega sögu, þar sem Jón Páll
ræddi við hann um alls kyns mál-
efni vel á öðru hundraðinu:
„Ég kynntist Jóni Páli fyrst
fyrir alvöru þegar við urðum sam-
ferða til Reykjavíkur af Húnavöku,
vorum báðir þar að skemmta fólki
á balli hjá Stuðmönnum. Við fórum
fyrr heim um nóttina heldur en
hljómsveitin og Jón Páll bauð mér
far í bíl sínum. Þetta var eftir-
minnileg reisa. Í fyrsta lagi leið
Jóni Páli ekkert tiltakanlega vel í
bíl á undir 160 km hraða. Í öðru
lagi var hann bráðskemmtilegur
viðræðu, reyndist víða heima og
frumlegur.“
Húmoristi fram í fingurgóma
Þó að fífldirfska Jóns Páls hafi á
stundum gengið í það lengsta,
var hún yfirleitt dæmi um þann
gríðarlega húmor sem alltaf ein-
kenndi Jón Pál Sigmarsson. Allir
sem kynntust honum eru sammála
um að hann hafi verið gríðarlegur
húmoristi og alltaf að bregða á leik
á einhvern hátt. Maðurinn sem tók
við keflinu af Jóni Páli í aflraunum
á Íslandi, Magnús Ver Magnús-
son, segir Jón hafa verið eins og
gangandi brandara, sérstaklega á
erlendri grundu:
„Þegar við vorum saman í Skot-
landi var alltaf verið að spyrja okk-
ur hvernig við hefðum orðið svona
sterkir og þá svaraði Jón því gjarn-
an til að við værum með ísbirni fyr-
ir utan snjóhúsin sem við byggjum
í á Íslandi og við drykkjum úr þeim
mjólkina. Úr henni væri hægt að fá
gríðarlegan kraft. Yfirleitt kolféllu
menn fyrir þessarri sögu og oftar
en einu sinni vorum við beðnir um
að senda mönnum ísbjarnarmjólk
og þeir voru tilbúnir að borga vel
fyrir!“
Annað sem Jón Páll gerði oft
erlendis var að fíflast í kvenpen-
ingnum. Magnús Ver segir frá:
„Hann var alltaf að leika sér að
því að hrista brjóstvöðvana fyrir
framan kvenfólk og manaði þær
svo í að reyna að gera slíkt hið
sama. Þegar hvorki gekk né rak
sagðist hann tilbúinn að veðja við
þær fimm pundum að hann gæti
hreyft á þeim brjóstin án þess að
snerta þau. Þær tóku veðmálinu
undantekningarlaust. Það sem
gerðist þá næst var að Jón þuklaði
vel og vandlega á brjóstunum, tók
svo fimm pund upp úr vasanum og
sagði: „Gjörðu svo vel, ég tapaði
veðmálinu!“
Blátt áfram • Fákafen 9, 108 Reykjavík • Sími 533 2929 • blattafram@blattafram.is • blattafram.is
Verum upplýst
-verndum börnin okkar!
Fullorðnir bera ábyrgð á börnum sínum og hafa samtökin
Blátt áfram lagt mest upp úr því að fræða þá. Fræðslan
fer fram í leik- og grunnskólum landsins í formi fyrirlestra
og námskeiðs sem nefnist Verndarar barna.
Samtökin hafa það að markmiði að fræða fullorðna
um kynferðislegt ofbeldi gegn börnum og hvernig megi
fyrirbyggja það.
„Þið eigið ekkert dóp
sem er nógu sterkt
handa mér.“
Einum af mörgum sigrum fagnað að
hætti Jóns Páls.
Með Sigmar Frey, son sinn, á Þingvöllum.
bækur 35 Helgin 29. nóvember-1. desember 2013