Fréttatíminn - 12.10.2012, Blaðsíða 3

Ómissandi á pizzuna,
í ofn- og pastaréttina,
á tortillurnar og salatið.
Heimilis
RIFINN OSTUR
ÍSLENSKUR OSTUR
100%
Vilja strætó burt
V ið höfum bara aldrei heyrt þessa fimm barna reglu áður og hún kom okkur mörgum í
opna skjöldu,“ segir Katrín Björk Bald­
vinsdóttir, formaður Tilveru, samtaka
um ófrjósemi. Samkvæmt upplýsing­
um frá tæknifrjóvgunarstofunni Art
Medica er unnið eftir svokallaðri fimm
barna reglu hér á landi, sem þýðir að
sami gjafinn getur átt allt að fimm
börn hér á landi í þremur fjölskyldum.
„Ég á sjálf fjögur börn getin með
gjafasæði,“ segir Katrín, sem ásamt
maka sínum ákvað strax að það yrði
ekki leyndarmál. „Tilhugsunin um
að það gæti einhverstaðar verið eitt
systkin hjá óþekktri fjölskyldu er
frekar óþægileg. Ég vildi gjarnan fá að
vita ef svo væri.“
Slíkar upplýsingar er þó ekki
auðvelt að nálgast. „Við höfum
fengið frekar misvísandi upplýsingar,
skrýtnustu viðbrögðin voru þó þegar
sérfræðingur sagði við okkur að þetta
væri ekki meira vandamál en rang­
feðranir á Íslandi,“ segir Katrín.
Katrín segir umfjöllun í fjölmiðlum
þó vera jákvæða því ekki hafi mikið
farið fyrir málaflokknum hingað til,
ákveðin feimni hafi einkennt um­
ræðuna um sæðisgjafir. Katrín telur
að ef að fólk væri opnara með að hafa
þegið sæðisgjöf, væri auðveldara að
fylgjast með mögulegum systkina­
tengslum barna.
Aðspurð segist hún sjálf hafa verið
róleg yfir fréttum af danska sæðisgjaf­
anum sem feðraði 43 börn áður en upp
komst um alvarlegan genasjúkdóm
hans. Í ljós hefur komið að hann á eitt
barn á Íslandi. Hún segist skilja vel að
hrollur hafi farið um marga. „Þegar
maður hefur staðið í þessum sporum,
að eignast barn með erfðavísa manns
sem að þú hefur aldrei hitt, þá ertu
komin ansi langt út fyrir þæginda­
rammann. Ég skil mjög vel að ekki sé
hægt að skima fyrir öllum sjúkdómum
og það má líka horfa á það þannig að
það sé margt sem að leynist í genum
fólks sem ekki notar gjafasæði, án
þess að þau hafi um það einhverja
hugmynd.“
Samtökin Tilvera standa nú fyrir
vitundarvakningu sem ber yfirskrift­
ina „Ófrjósemi er barátta“. Markmiðið
er að auka þekkingu og skilning al­
mennings og stjórnvalda á ófrjósemi
og baráttunni við að eignast barn.
Katrín segist vona að aukin umræða
í samfélaginu muni minnka feimnina
og leyndina sem oft fylgir því að glíma
við ófrjósemi.
María Lilja Þrastardóttir
marialilja@frettatiminn.is
 Heilbrigðismál Katrín á fjögur börn getin með gjafasæði
Tilhugsunin um óþekkt
systkini barnanna óþægileg
Sami sæðisgjafinn
getur átt fimm börn
í þremur fjölskyldum
á Íslandi. Kona sem
hefur eignast fjögur
börn með gjafasæði
er óróleg vegna þess
að börn hennar gætu
átt systkini hér á
landi án þess að vita
af því.
Íbúar við Breiðvang í
Hafnarfirði berjast nú fyrir
því að losna við akstur
strætó úr botnlanga sínum
sem þau segja hættulegan
börnum. Umferðarstofa
tekur undir álit þeirra.
Alls hafa 100 íbúar skrifað
undir undirskriftarlista til
bæjaryfirvalda þar sem
akstrinum er mótmælt.
Hildur Guðjónsdóttir, tals­
maður óánægðra íbúa við
Breiðvang, segir strætó
skyndilega hafa birst í
botnlanganum um miðjan
ágúst síðastliðinn án þess
að nokkur aðdragandi
hafi verið að því. „Það
býður hættunni heim
að keyra um íbúagötu,
bílastæði og við leiksvæði
barna og veldur íbúum
að auki miklu ónæði,
sérstaklega á kvöldin og
um helgar,“ segir hún.
Íbúarnir hafa krafist þess
að akstri um botnlangann
verði hætt og benda á að
einungis þriggja til fimm
mínútna gangur sé í næstu
stoppistöð við Hjallabraut.
Bæjaryfirvöld hafa boðað
til íbúafundar um málið
um miðjan október. -sda
Ráðstefna um klám
Ráðstefna um klám út frá lagalegu og
samfélagslegu sjónarmiði verður haldin í
Háskóla Íslands næstkomandi þriðjudag.
Að ráðstefnunni standa innanríkisráðu­
neytið, mennta- og menningarmálaráðu­
neytið og velferðarráðuneytið í samvinnu
við lagadeild Háskóla Íslands.
Markmið ráðstefnunnar er að efna
til umræðu um hvert sé hlutverk stjórn-
valda þegar kemur að klámi með tilliti
til dreifingar, en samkvæmt almennum
hegningarlögum er dreifing, innflutn­
ingur, sala, útbýting og prentun kláms
refsiverð á Íslandi. Sjaldan hefur verið
refsað fyrir brot af þessu tagi og óljóst
þykir hvar mörkin liggja á milli kláms og
kynferðislega opinskás efnis. Skráning
fer fram með því að senda póst á net­
fangið skraning@irr.is en ráðstefnan er
öllum opin.
Vilja reka FG
Bæjarstjórn Garðabæjar vill taka upp
viðræður við ríkið um hvort og hvernig
sveitarfélagið geti tekið að sér rekstur
Fjölbrautaskólans í Garðabæ. Leikskólar
og grunnskólar eru reknir af sveitar­
félögum en framhaldsskólar af ríkinu.
Telur bæjarstjórn að með því að reka skóla
á öllum skólastigum í sveitarfélaginu megi
stuðla að meiri samfellu í kennslu og námi
nemenda skólanna frá 6. bekk til loka
framhaldsstigs. Einnig geti sveitarfélagið
haft aukin áhrif á stefnu skólans. -sda
Íbúar í Varmárdal
kvarta undan
mótorkrossbraut
Íbúar í Varmárdal hafa lagt fram kvörtun
vegna hávaða frá mótorkrossbrautinni
Leirvogstungu. Erindið var tekið fyrir á
bæjarráðsfundi Mosfellsbæjar í gær og ku
ekki vera í fyrsta skipti. Elías Pétursson
framkvæmdastjóri situr í skipulagsnefnd
Mosfellsbæjar. Hann segir að reynt verði
að bregðast við kvörtunum og því fólki
sem hafi lagt fram kvörtunina hafi verið
vísað á rétta leið með það. Hann segir
vandamálið byggjast að stóru leyti á því að
enginn jarðvegur hafi fallið til í Mosfellsbæ
eftir hrun, en slíkt þurfi til þess að byggja
megi hljóðvarnir. Hann segir að stífar
kröfur séu um opnunartíma á svæðinu en
alltaf séu einhverjir sem að ekki virði slíkt.
Það þyki honum miður sem og forsvars­
fólki brautarinnar, sem að hans sögn er
allt af vilja gert. „Við verðum að finna
leiðir til þess að lifa öll í samlyndi, það eru
þúsundir sem stunda þetta sport hér á
landi og það fólk þarf líka svæði til að iðka
sitt sport.“ - mlþ
 alan jones fjársöfnunin geKK Vonum framar
Anna borin til grafar í Póllandi
Anna Chmielewska, sem lést sviplega fyrir
tveimur vikum þegar hún fékk flogakast
og drukknaði í baði, verður lögð til hinstu
hvílu í Póllandi í dag, föstudag. Anna var
aðeins 25 ára gömul þegar hún lést og
skilur eftir sig eiginmanninn Andrzej
Chmielewski og þriggja ára dóttur. Eins og
Fréttatíminn greindi frá í síðustu viku sá
Andrzej ekki fram á að geta flutt jarðneskar
leifar konu sinnar til Póllands til greftrunar
þar sem flugfarið fyrir hann, dóttur þeirra
og flutningur kistunnar reyndist honum
með öllu ofviða.
Vinir fjölskyldunnar, með tónlistarmann­
inn Alan Jones í broddi fylkingar, ákváðu
að gera allt sem í þeirra valdi stóð til þess
að létta undir með Andrzej. Söfnunarreikn­
ingur var stofnaður og á miðvikudagskvöld
voru haldnir söfnunartónleikar á Spot í
Kópavogi. „Þetta gekk mjög vel og húsið
var fullt,“ segir Alan en samanlagt hafa
um 1.5 milljónir safnast. „Okkur tókst að
bjarga peningum fyrirfram þannig að And­
rzej og dóttir hans flugu út á þriðjudaginn
og Anna verður jörðuð í Póllandi á föstu­
daginn.“
Alan segir feðginin bera sig vel í sorg­
inni. „Þau eru að gera sitt besta og Andrzej
er ákaflega þakklátur öllum sem hafa lagt
honum lið vegna þess að án þessa stuðn­
ings hefði hann ekki átt neina möguleika á
því að jarða Önnu í heimalandinu.“ -þþ
Andrzej er
ákaflega
þakklátur
öllum sem
hafa lagt
honum lið. Anna Chmielewska með litlu dóttur sinni sem var ein heima með móður sinni
þegar hún lést.
Katrín Björk Baldvinsdóttir, formaður Tilveru, samtaka um ófrjósemi. Ljósmynd/Hari
Katrín
Björk
afhenti
Guðbjarti
Hannessyni
velferðar­
ráðherra
þetta
póstkort
ásamt fleiri
sem vilja
vitundar-
vakn ingu í
tengsl um
við ófrjó­
semi.
fréttir 3 Helgin 12.-14. október 2012