Fréttatíminn - 12.10.2012, Blaðsíða 29

Innri markaðurinn 20 ára!
Innri markaður
Evrópu varð að
veruleika árið
1992 og nær hann
í dag til yfir 500
milljón manna í 27
aðildarríkjum ESB og
EES ríkjanna þriggja;
Íslands, Noregs og
Liechensteins.
Utanríkisráðuneyti, sendinefnd ESB á Íslandi og Evrópustofa
efna til málstofu þriðjudaginn 16. október nk. kl. 16:00 –
17:30 í tilefni af 20 ára afmælis innri markaðar ESB.
Fundurinn verður öllum opinn.
Dagskrá:
 Gylfi Arnbjörnsson, forseti ASÍ.
 Gauti Marteinsson, verkefnisstjóri Evrópumiðstöðvar,
Nýsköpunarmiðstöð Íslands.
 Herweig Lejsek, stofnandi og framkvæmdastjóri Videntifier Forensic.
 Piotr Banas, stjórnarsvið innri markaðar og þjónustu,
framkvæmdastjórn ESB.
Stjórnandi umræðu: Kristín Halldórsdóttir, forstöðumaður Enterprise
Europe Network, Evrópumiðstöð.
Umræður og spurningar úr sal.
Móttaka með léttum veitingum.
Vissir þú að...
Frá því að innri markaðurinn varð til hefur hann skapað
hátt í þrjár milljónir starfa, stóraukið vöruúrval og
lækkað verð með aukinni samkeppni, skapað fyrirtækjum
– sérstaklega litlum og meðalstórum – ný tækifæri og
hvatt til samvinnu og samstarfs á sviði rannsókna og
menningar.
 EES samningurinn tryggir að Íslendingar geta búið,
stundað nám, unnið og farið á eftirlaun í hvaða landi innri
markaðarins sem þeir kjósa.
 EES samningurinn veitir Íslendingum rétt til þátttöku í fjölda
samstarfsáætlana ESB á sviði mennta-, menningarmála og
rannsókna.
 Viðskipti milli ESB ríkja jukust frá 800 milljörðum evra árið 1992 til
2.540 milljarða evra árið 2010
 Árið 2011 fór 82.7 % af vöruútflutningi Íslands til annarra ríkja á innri
markaðinum.
Lítil og meðalstór fyrirtæki –
tækifæri á innri markaði ESB
Þriðjudaginn 16. október 2012, kl. 16:00
Hótel Borg, Gyllti salurinn
eða með sáttamiðlun. Þetta hefur
gefist mjög vel til dæmis í Noregi
þar sem 60% allra einkamála eru
leyst í sáttamiðlun. Þessi möguleiki
er fyrir hendi á Íslandi þótt þetta
hafi ekki verið notað jafn mikið og
víða annars staðar. Námið gengur
út á að gera fólk hæft til að stunda
sáttamiðlun og læra inn á þá þætti
sem eru í gangi alls staðar þar sem
deilur eru.“ Kristinn bendir á að í
þessum fræðum gildi sömu lögmál
um deilur einstaklinga, fyrirtækja,
stofnana og jafnvel milli þjóðríkja.
„Þetta eru ekkert ósvipuð lögmál
alls staðar og þau sömu hvort sem
ágreiningsmálin eru lítil eða stór.
Þetta er ákveðin félagssálfræði.
Mjög spennandi og mjög skemmti-
legt. Kaupmannahafnarháskóli hef-
ur sérhæft sig í þessu, gerir miklar
kröfur og býður frábært nám.“
Völd eiga ekki erindi í kirkju
Kristinn segir deilu sína óneitan-
lega bera keim af einhvers konar
valdabaráttu en frá sínum sjónar-
hóli komi hún völdum ekkert við.
„Meiningin er nú bara að þjóna
fólki. Þetta er ekki valdabarátta.
Ég hef aldrei talað um völd í þessu
sambandi en hef aftur á móti séð
orðið „vald“ notað á prenti í þessum
málflutningi. En það er ekki eins og
ég sé að biðja um völd enda snýst
kirkjan ekki um völd. Eða á ekki að
gera það.“
Á Kristni má heyra að einhver
áherslumunur sé hjá honum og
kollega hans á Selfossi. „Kirkja sem
starfar bara með messum og síðan
einhverjum uppákomum er kirkja
sem hefur aðeins farið út af spor-
inu. Kirkja sem eyðir miklu púðri
í sálgæslu og tekur þátt í umræðu
um menningu og samfélag er hins
vegar kirkja sem er að gera rétt.“
Kristinn gengst fúslega við því að
það sé slæmt út á við þegar prest-
ar deili. „Kirkjan þyrfti að búa yfir
virkara kerfi sem tæki á málum
hraðar og strax í upphafi. Ég er
þeirrar skoðunar að einhver þeirra
mála sem hafa komið upp í kirkj-
unni á undanförnum árum hafi lið-
ið fyrir og hafi orðið að stórmálum
vegna þess að ekki var tekið á þeim
strax.“ Þá bæti ekki úr skák að yfir-
leitt séu deilur innan kirkjunnar til-
finningaþrungnar. „Kirkjan hefur
alltaf tilhneigingu til þess að vera
mjög tilfinningahlaðin. Mál sem
koma upp innan hennar hlaðast
fljótlega tilfinningum og þá víkur
oft skynsemin. Þess vegna þarf
kirkjan að búa yfir einhverju virku
úrræði til þess að klára málin strax.
Ég held því miður að það hafi verið
ákveðin hræðsla við að fara beint í
að klára málin.“
Samlynd hjón
Kristinn er kvæntur Önnu Mar-
gréti Guðmundsdóttur hjúkrunar-
fræðingi og þau hjón standa þétt
saman í lífsins ólgusjó. „Við erum
mjög samhent og hún stendur með
mér í þessu öllu. Við erum miklir
vinir og vinnum mjög vel saman.“
Anna Margrét leitar sér nú að vinnu
í Kaupmannahöfn en síðustu þrjú
ár hefur hún starfað sem hjúkr-
unarfræðingur á Grænlandi. Þá
fóru hjónin í gegnum löng tímabil
aðskilnaðar sem gerðu þó ekkert
annað en styrkja samband þeirra.
Grímur Hákonarson fangar vel feg-
urðina í fjarsambandi hjónanna í
heimildarmynd sinni Hreint hjarta
þar sem fingurkossar og hlý orð
ferðast yfir hafið með Skype.
„Þetta var mjög spennandi starf
hjá henni þegar hún hoppaði á milli
Grænlands og Íslands. Auðvitað
hefur svona aðskilnaður plúsa og
mínusa og þetta er alls ekki hægt
hjá ungu fólki með börn eða sem
er að byggja upp sambúð. Þetta er
fyrir lengra komna,“ segir Kristinn
og brosir sínu blíðasta. „Við vorum
í stöðugu sambandi og ég fór þrisv-
ar til hennar og dvaldi góðan tíma í
hvert skipti. Það er gríðarlega gam-
an að kynnast Grænlandi og ég úti-
loka nú ekki að við munum
einhvern tíma dvelja þar í
þrjá mánuði eða svo.“
En hvernig var að vera
með Grím á hælunum með
tökuvélina dagana langa?
„Það var nú stundum dá-
lítið erfitt. Þetta er meira
en að segja það en Grímur
er skemmtilegur náungi
og það gerði þetta allt létt-
ara. En það tekur á að vera
með myndavélina á sér
heilu eða hálfu dagana.
Maður verður líka svolítið
að passa sig og gæta að því
sem maður segir.“
Þórarinn Þórarinsson
toti@frettatiminn.is
Áhugaleikarinn
Kristinn hefur leikið í um tuttugu kvikmyndum og oftar
en ekki verið í hlutverki prests. „Ég er nú stoltastur af því
að hafa verið í Börnum náttúrunnar. Þetta byrjaði með
Hvítum mávum, síðan komu Börn náttúrunnar og síðan
vatt þetta bara upp á sig. Ég var í 101 Reykjavík, Mýrinni
og fleiri myndum. Líka nokkrum útlenskum sem voru
teknar upp hér án þess að vekja kannski mikla athygli.“
Kristinn hefur alla tíð haft áhuga á leiklist og íhugaði
á sínum tíma að leggja leiklistarnám fyrir sig og þegar
kemur að kvikmyndaleiknum spillir útlit hans ekki fyrir.
„Þetta hefur alltaf blundað í mér og ég hef mjög gaman
að þessu. Ég held nú líka að útliti mitt hafi haft sitt að
segja um þau hlutverk sem ég hef fengið. Svona stór,
feitur og stórgerður eins og ég er.“
Sérann er óneitanlega ábúðarmikill og myndrænn.
Ég er áfram sem
hingað til prestur-
inn þeirra og á
milli okkar ríkir
gagnkvæmt traust.
Mér þykir ákaflega
vænt um Selfyss-
inga og Flóamenn.
viðtal 29 Helgin 12.-14. október 2012