Fréttatíminn - 12.10.2012, Blaðsíða 48

 Veisla Friðrik Valur karlsson eldar hreindýr og Fleira
Ofn-
bakaður
hreindýra-
vöðvi með
bláberjasósu
fyrir 4 til 6 manns
800 til 1000 gr hreindýra innanlæris-
vöðvi
4 til 5 greinar ferskt blóðberg (timjan)
4 til 5 greinar rósmarin
10 blöð salvia
1 ½ dl jómfrúar ólífuolía
5 einiber
1 L villibráðasoð
30 gr aðalbláber (frosin í sykri )
1 dl balsamico edik
½ flaska rauðvín
1 laukur (saxaður)
½ gulrót (söxuð)
1 lárviðarlauf
150 gr smjör
Aðferð
Hreinsið kryddjurtirnar af stilkunum
(geymið stilkana) og merjið ásamt
olíunni og einiberjunum í morteli þar til
allt er orðið að mauki. Baðið þá vöðvann
í maukinu og setjið í lokað ílát sem
geymt er í kæli yfir nótt, gott er að snúa
vöðvanum nokkrum sinnum á þessum
tíma og nudda maukinu vel inn í kjótið.
Brúnið kjötið vel á pönnu, kryddið með
salti og pipar. Komið fyrir á ofnskúffu
og eldið í ofni í u.þ.b. 18 til 20 mínútur.
Látið vöðvann standa í 4 til 6 mínútur
áður en hann er skorinn.
Sósan
Mýkið laukinn og gulræturnar í 2 msk
af smjörinu, bætið lárviðarlaufinu,
kryddjurtastilkunum og rauðvíninu út í
og sjóðið hægt niður um helming áður
en edikinu er bætt saman við og síðan
soðinu. Sjóðið áfram niður um helming
og þá er soðið sigtað og jafnað ef með
þarf. Bláberin eru síðan sett út í og soðið
vel og hrært í á meðan þannig að berin
merjist og gefi bragð í sósuna. Að lokum
er smjörinu hrært út í og sósan látin
standa í smá stund áður en rétturinn er
borinn fram.
Villibráðarsúpa með
maltöli og mysingi
Fyrir 4 manns
1 l villisoð (af gæs,hreindýri og rjúpu )
1 kvistur rósmarin
1 til 2 bl salvia
1 til 2 einiber
1 kvistur timjan
1 dós mysingur
1 fl maltöl
1 dl rjómi
Salt og pipar
Aðferð:
Sjóðið soðið og kryddin í 30 mínútur við
meðal hita eða þangað til að soðið hefur
minnkað um helming. Þá er maltinu
og rjómanum hellt út í og soðið í aðrar
30 mínútur. Bætið mysingnum út í og
smakkið til með salti, pipar og hugsan-
lega hunangi. Súpan má vera kraftmikil.
Hreindýratartar með
klettasalati
Fyrir 4
120 gr hreindýravöðvi
1 eggjarauða
1 msk saxað timjan
1 msk söxuð steinselja
1 msk saxaður laukur
Sjávarsalt
Nýmalaður svartur pipar
2 msk þeyttur rjómi
2 ristaðar brauðsneiðar
1 pakki klettasalat
Lime safi
Ólífuolía
Aðferð
Saxið kjötið vel með beittum hníf með
stóru blaði. Setjið í skál og blandið öllu
varlega saman, rjómanum síðast. Stingið
brauðið út með hringformi og mótið
kjötblönduna ofan í rörið og þjappið létt.
Fjarlægið rörið og skreytið með kletta-
salati sem búið er að baða í limesafa og
ólífuolíu.
Grafinn hreindýravöðvi
Fyrir 4
120 gr hreindýravöðvi
1 msk jómfrúarólífuolía
2 msk saxað timjan
2 msk söxuð oregano
2 msk saxað rósmarín
2 msk saxaður graslaukur
Sjávarsalt
Nýmalaður svartur pipar
Aðferð:
Saxið kryddjurtirnar vel, penslið kjötið
með olíunni, saltið og piprið áður en
vöðvinn er hulinn vel með
kryddjurtunum, settur í lokað ílát og
geymdur yfir nótt. Skerið vöðvann í
þunnar sneiðar og berið fram með salati,
sultu og ristuðu brauði.
Villibráð að hætti Friðriks V
Friðrik Valur Karlsson opnaði nýverið veitingastaðinn Friðrik V á Laugavegi 60. Þar eldar hann léttan hádegisverð á
þriðjudögum til föstudaga og býður fólki upp á óvissuferð úr eldhúsinu að kvöldi þriðjudags til laugardags. Nú er hrein-
dýraveiðitímabilið nýafstaðið og Friðrik lumar á góðum uppskriftum til að elda þetta ágæta kjöt. Hann deilir hér nokkrum
þeirra með lesendum Fréttatímans.
Friðrik Valur Karlsson kann tökin við að elda hreindýr, rétt eins og annan mat.
36 villibráð Helgin 12.-14. október 2012
Októberfest er árleg bjórhátíð sem
haldin er í München í Þýskalandi.
Árlega sækja yfir sex milljónir gesta
hátíðina og er hún fjölmennasta hátíð
í heimi. Bjór er í hávegum hafður á
Októberfest og drekka gestirnir hátt
í sjö milljónir lítra á meðan hátíðinni
stendur. Brugghúsin í München
brugga sérstakan Októberfest-bjór
sem inniheldur hærra áfengismagn
(yfir sex prósent) en hinn hefðbundni
bjór þeirra.
Það eru alls sex þýsk brugghús
sem brugga hinn opinbera Október-
fest-bjór. Þau eru Augustiner-Bräu,
Hacker-Pschorr Bräu, Löwenbräu,
Paulaner-Bråu, Spatenbräu og Hof-
bräu-München. Aðeins einn þessara
bjóra er fáanlegur í Vínbúðunum hér á
landi í ár; Löwenbräu Oktoberfestbier
sem er bruggaður í München og flutt-
ur til landsins. Hann verður til sölu í
hálfs lítra dósum fram til 3. nóvember
næstkomandi og gefst landsmönnum
því tækifæri til að fá smá nasasjón af
þessari einstöku hátíð.
Löwenbräu Oktoberfest er 6,1
prósent. Þrátt fyrir góðan styrkleika
er hann sætur, með lítilli beiskju og
meðalfyllingu. Best er bera hann
fram vel kældan og ekki er verra ef
það er í stórri bjórkrús.
Hefðbundni Löwenbräu-bjórinn
er mörgum Íslendingum að góðu
kunnur enda var hann einn af þeim
bjórum sem fóru í sölu hér á landi á
bjórdaginn, 1. mars 1989. Þá var hann
bruggaður af Sanitas á Akureyri en
nú er Löwenbräu fluttur inn beint frá
München þar sem hann hefur verið
bruggaður síðan árið 1383. Hefð-
bundni Löwenbräu-bjórinn er 5,2 pró-
sent að styrkleika, ljósgullinn, með
léttri fyllingu, þurr en ferskur og með
lítilli beiskju.
Löwenbräu kom aftur í sölu í Vín-
búðirnar sumarið 2011 eftir árs hlé og
hefur síðan notið síaukinna vinsælda.
Samkvæmt upplýsingum frá innflytj-
anda hans hefur salan margfaldast á
þessu rúma ári síðan hann kom aftur
í hillur Vínbúðanna.
 Þýski bjórinn löwenbräu nýtur síVaxandi Vinsælda á íslandi
Alvöru Októberfest-bjór í Vínbúðunum
Löwenbräu Oktoberfest
er eini alvöru Október-
fest-bjórinn sem er til
sölu í Vínbúðunum.
Lj
ós
m
yn
di
r/
H
ar
i