Bændablaðið - 21.02.2013, Blaðsíða 8

Bændablaðið | Fimmtudagur 21. febrúar 20138
Fréttir
Flug- og ferjukostnaður til og frá Grímsey hækkar stöðugt:
Illmögulegt fyrir fjölskyldufólk
að bregða sér í land
Jóhannes Henningsson, formaður
hverfisráðs Grímseyjar, segir að
fargjöld sem Grímseyingar þurfi
að greiða fyrir ferju og flug hækki
stöðugt og sé nú svo komið að
illmögulegt sé fyrir fjölskyldufólk
að fara á milli lands og eyja.
Hann segir að dýrustu fargjöld með
flugi kosti ríflega 14 þúsund krónur
en vissulega séu á stundum í boði
fargjöld á lægra verði. Algengt verð
fyrir flugsæti sé á bilinu 9-12 þúsund
króna.
„Og það sér hver maður hver
útgjöldin verða þurfi fjögurra manna
fjölskylda að bregða sér í land,“ segir
Jóhannes.
„Maður heyrir á fólki að það
hefur af þessu miklar áhyggjur, enda
þurfa eyjarskeggjar að sækja ýmsa
nauðsynlega þjónustu í landi af og til.“
Gjaldskrá fyrir flutninga milli
lands og eyjar hefur einnig hækkað
stöðugt að sögn Jóhannesar.
Hann segir að íbúar hafi eftir
sameiningu við Akureyrarbæ vænst
þess að bærinn myndi leggja þeim
lið í baráttu fyrir t.d. afsláttarkjörum,
en það hafi ekki gerst. Hann sagði
Grímseyinga ekki búa við nein kjör
af því tagi en myndu gjarnan vilja að
þau stæðu þeim til boða.
„Okkur þykir ekki óeðlilegt að
heimafólk gæti keypt ferðir á milli
með afsláttarkjörum,“ segir hann
en bætir við að íbúar séu sáttir við
samgöngur til og frá eyjunni, bæði í
lofti og sjó.
Hverfisráð vill byggja við
sundlaugina
Hverfisráð Grímseyjar leggur til
að útbúin verði íþróttaaðstaða við
sundlaugina, enda þurfi hvort eð er
að ráðast í talsverðar endurbætur og
framkvæmdir á svæðinu.
Bendir ráðið á að ótækt sé að
íbúar eyjarinnar hafi ekki aðgang að
íþróttaaðstöðu. Verst sé að kenna þurfi
skólabörnum íþróttir í samkomusal og
þar megi ekki nota bolta. Engar sturtur
eru til staðar í samkomusalnum.
Leggur hverfisráð því til að byggt
verði við sundlaugina, en með því
nýtist forstofa, búningsklefar og
sturtur sem þar eru til staðar.
Raunar bendir ráðið á betrumbætur
þurfi að gera á sturtunum í
sundlauginni, þær séu ekki nema
þrjár talsins í hvorum klefa og
hafi í það minnsta ein þeirra sem í
kvennaklefanum er verið í ólagi ekki
skemur en tvö undanfarin ár.
Ferðasjóður barnanna fór í
kaup á skjávarpa
Börn úr Grunnskólanum í Grímsey
nýttu fé sem þau áttu í skólasjóði til
að kaupa nýjan skjávarpa í aðra af
tveimur skólastofum skólans. Börnin
safna sjálf peningum yfir skólaárið
í sjóð og er hann yfirleitt notaður
til að fjármagna ferðalög þeirra
upp á fastalandi, m.a. skíðaferðir.
Skjávarpinn kostaði 140 þúsund
krónur. Enginn skjávarpi er í hinni
kennslustofunni.
Hverfisráð Grímseyjar hefur vakið
athygli á því að ýmislegt sé úr sér
gengið í Grunnskólanum í Grímsey,
þar sé ótalmargt sem ekki sé hægt að
búa við lengur eins og það er orðað
í fundargerð ráðsins. Auk þess sem
börnin hafi sjálf staðið staum af
tækjakaupum til skólans er nefnt að
tölvuborðin í skólanum séu meira og
minna ónýt. Töflur í kennslustofum
er gamlar, voru sendar út í Grímsey
þegar líftíma þeirra í grunnskólum
Akureyrarbæjar lauk og þá er nefnt
að allir tölvustólar séu ónýtir og hillur
í ólagi.
„Við erum ekki neitt að væla
yfir þessu, bara að benda á hvernig
ástandið er og að margt þurfi
endurnýjunar við,“ segir Jóhannes
Henningsson, formaður hverfisráðs
Grímseyjar. Hann sagði krakkana í
skólanum duglega að safna peningum
og þau færu örugglega í sitt ferðalag
síðar þó svo að þau hefðu nú kosið að
leggja skólanum lið við tækjakaup.
/MÞÞ
Það verður nóg um að vera á
Skútustöðum helgina 22.-24.
febrúar. Þá verður haldið hið
feykivinsæla hestamót Mývatn
Open – Hestar á ís. Þetta er í
tíunda skiptið sem mótið er haldið
á Stakhólstjörn við Skútustaði,
en það er samvinnuverkefni
Hestamannafélagsins Þjálfa og
Sel-Hótels Mývatns.
Hestamannafélagið Þjálfi
býður í reiðtúr út á frosið Mývatn
á föstudeginum og er öllum
hjartanlega velkomið að taka þátt
í því að kostnaðarlausu. Sel-Hótel
Mývatn býður knöpum upp á
samlokur og heitt kakó úti í eyju.
Mótshaldið á laugardeginum endar
með hestamannahófi á Sel-Hótel
Mývatni um kvöldið.
Dagskrá
Föstudagur 22. febrúar hópreið
um Mývatn kl. 16.30-18.30 (allir
velkomnir)
Laugardagur 23. febrúar
Kl. 10.30 Tölt B
Kl. 13.00 Tölt A
Stóðhestakeppni og skeið
Verðlaunaafhending yfir
kaffihlaðborði í Selinu
Kl. 19.30 Húsið opnar fyrir
stemningu kvöldsins
Vídeósýning frá afrekum
dagsins á breiðtjaldi
Kl. 20.30 Hestamannahóf hefst
– ýmsar uppákomur – öllum
opið.
Kl. 23.30 Kráarstemning og
lifandi tónlist fram á nótt
Á sunnudeginum stendur Sel-Hótel
Mývatn fyrir sagnagleði á konudag,
fyrsta dag góu, þann 24. febrúar.
Eiginmönnum, unnustum og vinum
gefst þar tækifæri til að bjóða
konum til skemmtunar og veislu.
Það er ekki eingöngu andleg
næring sem verður boðið upp á,
heldur einnig veglegur dögurður.
Mývatn Open – Hestar á ís
Refaveiði í Húnaþingi vestra:
Vilja taka upp vetrarveiði
Vetrarveiðar refa voru til
umræðu á fundi landbúnaðarráðs
Húnaþings vestra í síðustu viku og
tók ráðið þá ákvörðun að leggja til
við sveitarstjórn að vetrarveiði á
ref yrði tekin upp að nýju haustið
2013.
Fram kemur í fundargerð land-
búnaðarráðs að á einu ári, frá 1.
september 2011 til 31. ágúst 2012,
hafi unnin grendýr verið alls 70,
yrðlingar alls 156, hlaupadýr alls
24 og minkar alls 77. Kostnaður
Húnaþings vestra vegna refa- og
minkaveiði á tímabilinu hafi verið
alls 5.251.287. Vakin er athygli á
því að kostnaður og fjöldi veiddra
dýra á við um sameinað sveitarfélag
Bæjarhrepps og Húnaþings vestra.
Eftir ítarlega skoðun lagði ráðið
til við sveitarstjórn að vetrarveiði
á ref yrði tekin upp að nýju næsta
haust. Þá yrði miðað við að þeir
sem hygðust stunda vetrarveiðar á
ref sæktu um leyfi til þess til land-
búnaðarráðs.
Miðað yrði við að heildarfjárhæð
sem veitt yrði til vetrarveiða á ref yrði
að hámarki 500 þúsund krónur og að
fyrir hvert unnið dýr yrðu greiddar
4 þúsund krónur. Landbúnaðarráð
mun móta frekari reglur eða viðmið
um greiðslur til veiðimanna verði til-
laga ráðsins samþykkt. Þá skulu þeir
sem hyggjast stunda vetrarveiðar á
ref sækja um leyfi til þess til land-
búnaðarráðs.
/MÞÞ
Neysla á grænmeti og ávöxtum eykst
en er langt undir viðmiðunarmörkum
Íslenskir garðyrkjubændur eru
stöðugt á vaktinni þegar kemur að
kostnaði við ræktun á grænmeti.
Metnaðarmál þeirra er að leggja
sitt af mörkum til að efla heilsu
landsmanna. Til þess að svo megi
verða þarf grænmeti að vera á við-
ráðanlegu verði fyrir alla lands-
menn.
Í Landskönnun á mataræði 2010-
2011 (Landlæknir o.fl. 2012) kemur
fram að „ávaxtaneyslan hefur aukist
um 54% frá árinu 2002 og er nú 119
grömm á dag að meðaltali. Neysla
á grænmeti hefur aukist minna,
eða um 19% og er nú að meðaltali
120 grömm á dag. Þrátt fyrir aukna
neyslu grænmetis og ávaxta er hún
enn langt undir markmiðum, sem
eru a.m.k. 400 grömm af grænmeti
og ávöxtum á dag. Samtals er neysla
þessara vara 239 grömm á dag að
meðaltali, eða rúmur helmingur
af því sem ráðlagt er“. Þetta segir
okkur bara eitt, við borðum allt of
lítið af grænmeti og ávöxtum.
/MHH
Norðlenska eykur umsvifin á
Húsavík og kaupir Rækjuhúsið
Norðlenska hefur keypt
svokallað Rækjuhús á Húsavík af
útgerðarfélaginu Vísi. Fasteignin
er að Suðurgarði 2, þar sem
Fiskiðjusamlag Húsavíkur var
á sínum tíma. Norðlenska hefur
síðastliðin ár leigt hluta hússins,
meðal annarsundir starfsemi
dótturfélagsins Icelandic
Byproducts, sem vinnur verðmæti
úr aukaafurðum.
Rækjuhúsið er tæpir 2.000
fermetrar að flatarmáli. Vísir hefur
notað húsið að hluta, Fiskmarkaður
Húsavíkur hefur einnig verið þar
með starfsemi, svo og framleiðsla
og sala á lausfrystum ís.
Fram kemur á heimasíðu
Norðlenska að húsið sé keypt til að
styrkja stöðu Norðlenska á Húsavík
enn frekar, en áður hafði félagið leigt
þar frysti og notað hluta hússins
undir heimasögun á kjöti í sláturtíð
auk þess sem Icelandic Byproducts
hefur verið þar með starfsemi.
„Fyrirtækið vinnur verðmæti
úr aukaafurðum í sláturtíðinni,
það hefur vaxið mikið á síðustu
árum og við sjáum fyrir okkur enn
frekari vöxt í því fyrirtæki,“ segir
Sigmundur E. Ófeigsson, fram-
kvæmdastjóri Norðlenska.
Norðlenska leitaði tilboða í fjár-
mögnun kaupanna og var samið við
Arion banka. Sigmundur segir húsið
í mjög góðu standi og vel með farið.
„Við ætlum að auka starfsemi
okkar í húsinu en munum væntan-
lega reyna að leigja frá okkur ein-
hvern hluta þess,“ segir Sigmundur.
Íslenskt grænmeti á bakka. Neysla á þessum ljúffengu vörum er aðeins um
helmingur þess sem ráðlagt er.
Grímseyingar hafa auknar áhyggjur af vaxandi kostnaði við að ferðast upp á meginlandið. Mynd / Vikudagur