Bændablaðið - 21.02.2013, Blaðsíða 22

22 Bændablaðið | Fimmtudagur 21. febrúar 2013
Maður, náttúra og sauðkind
– Útskriftarverkefni Finnboga Björnssonar úr Ljósmyndaskólanum – vildi sýna sanna mynd af sauðfjárrækt sem atvinnugrein
Finnbogi Björnsson útskrifaðist á
dögunum úr Ljósmyndaskólanum
eftir fimm anna nám ásamt ellefu
öðrum nemendum. Lokaverkefni
Finnboga var maður, náttúra,
sauðkind og sótti hann myndefnið
í landnám Ingólfs að vetri, vori,
sumri og hausti. Féllst Finnbogi
góðfúslega á að lána Bændablaðinu
nokkrar af myndum sínum til
birtingar.
„Ég hafði samband við bændur allt
frá Brynjudal og suður í Selvog og
heimsótti þá að sumri, vetri og hausti
og myndaði bæði þá og búfénað
þeirra og þá aðallega sauðkindina.
Einnig tók ég myndir í Fjárborgum,
þar sem menn hafa sauðfjárrækt að
áhugamáli. Það lýsir kannski best ást
þeirra á sauðkindinni.
Annars er tilurð verkefnisins
umræða um landnotkun og þá full-
yrðingu að bændur og búfénaður sé
aðal- og eina orsök þess að landið er
ekki algróðið. Ég vildi leggja mitt
af mörkum til að sýna jákvæða og
sanna mynd af sauðfjárrækt sem
atvinnugrein og þeirri menningu
sem henni tengist. Við verðum að
gera okkur grein fyrir því að það er
nauðsynlegt að nýta náttúruna til að
afla fæðu með einhverjum hætti. Til
að gera það verðum við að vera í sátt
við náttúruna og skila landinu nothæfu
til næstu kynslóða. Er ekki einmitt
saufjárrækt mjög góð aðferð til að
nýta land okkar til fæðuöflunar, ekki
síst svæði sem ekki eru nýtanleg með
öðrum og vistvænni hætti?“
Alinn upp á Ingunnarstöðum
Finnbogi er sjálfur vel kunnugur
búskap, en hann ólst upp í Brynjudal
og tók þar þátt í búskapnum á upp-
vextinum.
„Ég er alinn upp á Ingunnar-
stöðum í Brynjudal við venjuleg
sveitastörf. Þar var maður að smala
og reka kýr og annað. Ég hef allar
götur síðan farið nánast á hverju ári í
smalamennsku á haustin.
Á sýningunni er ég bæði með
kindur sem komnar voru í hagleysu
og verið var að bjarga. Einnig tók
ég myndir í fjárhúsum, af kindum í
fjörubeit, sauðburði og jafnvel þar
sem verið er að stinga út úr fjárhúsi.
Hér er ein mynd frá sumrinu sem sýnir
kindina vel eins og drottningu í sínu
umhverfi án nærveru mannsins. Svo er
það haustið. Þarna eru t.d. myndir sem
teknar voru í leiðangri fyrir norðan
Botnsúlur og við Ármannsfell þar sem
Þingvellingar smala. Þeir reka síðan
féð niður að Sandkluftarvatni í gerði
sem þar er og rétt og taka það svo upp
á kerrur og aka því heim. Þarna má sjá
átök við ána í Brynjudal þegar verið
var að koma fénu þar yfir.“
Vill efla ímynd bænda
Finnbogi segir ekki vanþörf á að
styðja við og efla ímynd bænda á
Íslandi. Þeir liggi undir stöðugum
árásum frá fólki sem oftar en ekki
beri ekki mikið skynbragð á þýðingu
landbúnaðar fyrir íslenskt þjóðfélag.
Telur hann afar mikilvægt að þjóðin
geti verið að mestu sjálfir sér næg um
framleiðslu matvæla, því alltaf geti
komið upp einhver óáran sem gerir
innflutning matvæla erfiðan og jafnvel
ómögulegan.
Þess má geta að sýningin Maður,
náttúra og sauðkind, verður einnig
sett upp í Þjóðmenningarhúsinu við
Hverfisgötu og verður opin til loka
maímánaðar. /HKr.
Lambið karað í næturnepjunni. Myndir / Finnbogi Björnsson.
Eftirlegukindur sóttar í ríki vetrar.
Tuggan komin á garðann.
Helgi Guðbrandsson bóndi í Hækingsdal lítur y r féð nýkomið af fjalli.