Bændablaðið - 21.02.2013, Blaðsíða 18

18 Bændablaðið | Fimmtudagur 21. febrúar 2013
Ráðgjafarmiðstöð landbúnaðarins ehf. tekin til starfa:
Öflugri leiðbeiningaþjónusta gerir
ráðunautastarfið skemmtilegra
Hjá hinu nýstofnaða fyrir-
tæki Ráðgjafarmiðstöð land-
búnaðarins ehf. (RML) starfa
tíu ábyrgðar menn hinna ýmsu
búfjárræktarsviða. Ábyrgðar menn
varðandi búfjár rækt eru Guðlaugur
Antonsson, Einar E. Einarsson,
Guðmundur Jóhannes son, Eyþór
Einarsson, Karvel L. Karvelsson.
Ábyrgðarmenn í nytjaplöntum
eru Ægir Þór Þórsson, Eiríkur
Loftsson og Ingvar Björnsson.
Ábyrgðarmenn í rekstrarráðgjöf,
hlunnindanýtingu og nýbúgreinum
eru Jóhanna Lind Elíasdóttir og
Guðfinna Harpa Árnadóttir.
Með þessum breytingum eru
ráðunautar sem áður heyrðu beint
undir Bændasamtök Íslands orðnir
starfsmenn hins nýja félags, sem
er sjálfstæður rekstaraðili en í eigu
BÍ. Starfsmenn RML eru síðan með
starfsstöðvar víðs vegar um land
en höfuðstöðvar félagsins eru á
Hvanneyri.
Búfjárræktin með fimm
ábyrgðarmenn
Nafn: Eyþór Einarsson.
Starf: Ábyrgðarmaður sauðfjár-
ræktar.
Starfsstöð: Sauðárkrókur.
Tækifæri sem felast í breyttu
skipulagi: Þessum breytingum fylgir
ákveðin naflaskoðun á störfum okkar
ráðunauta, sem er mjög jákvætt.
Síðan ættu þessar breytingar að leiða
til þess að leiðbeiningaþjónustan
verði öflugari og ráðunautastarfið
skemmtilegra þar sem eitt af
markmiðunum er að auka sérhæfingu
ráðunauta og faglegan styrk þeirra.
Áherslur á fyrsta ári: Faghópurinn
hefur verið að vinna að því að
ramma inn þau verkefni sem tilheyra
sauðfjárræktinni og velta fyrir sér
nýjum verkefnum ásamt því að
marka stefnu til næstu þriggja ára.
Þessari vinnu mun ljúka að mestu á
fundi RML á Selfossi í næstu viku
og eftir það er hægt að úttala sig um
áherslubreytingar.
Nafn: Einar Eðvald Einarsson.
Starf: Ráðunautur í minkarækt.
Starfsstöð: Skagafjörður.
Tækifæri sem felast í breyttu
skipulagi: Eru í vinnslu.
Áherslur á fyrsta ári: Að bæta
ráðgjöf við minkabændur á Íslandi.
Nafn: Guðlaugur V. Antonsson.
Starf: Ábyrgðarmaður og ráðu-
nautur í hrossarækt.
Starfsstöð: Hvanneyri.
Tækifæri sem felast í breyttu
skipulagi: Skýrari skipting verkefna,
auknir möguleikar á utanumhaldi
allra þátta m.a. rekstrarafkomu.
Áherslur á fyrsta ári: Í fyrsta lagi
að halda sjó og í öðru lagi að leggja
á ráðin um útvíkkun þjónustunnar.
Nafn: Guðmundur Jóhannesson.
Starf: Ábyrgðarmaður í nautgripa-
rækt.
Starfsstöð: Selfoss.
Tækifæri sem felast í breyttu
skipulagi: Í nýju skipulagi felst eins
og ætíð aragrúi tækifæra þó að menn
komi sjálfsagt til með að sakna gamla
skipulagsins til að byrja með. Nýtt
skipulag mun með tímanum gefa
okkur færi á aukinni sérhæfingu sem
leiðir vonandi til betri og markvissari
ráðgjafar.
Áherslur á fyrsta ári: Í sjálfu sér er
maður það nýbyrjaður að áherslurnar
eru í mótun. Eitt af áhersluatriðunum
hlýtur samt að vera að reyna að fá fleiri
til virkrar þátttöku í ræktunarstarfinu
í nautgriparæktinni og auka gæði
skýrsluhaldsins og þeirrar vinnu
sem fram fer innan ræktunarstarfsins.
Gott samstarf við bændur er mjög
mikilvægt ef árangur á að nást.
Nafn: Karvel Lindberg Karvelsson.
Starf: Ábyrgðarmaður í alifuglarækt
og svínarækt.
Starfsstöð: Hvanneyri.
Tækifæri sem felast í breyttu
skipulagi: Ég bind miklar vonir við
aukna teymisvinnu ráðunauta, sem
er lykilatriði varðandi þverfaglega
ráðgjöf, en það er sérstaklega
mikilvægt þeim greinum þar sem fáir
ráðunautar hafa verið starfandi. Meiri
samvinna ráðunauta á landsvísu og
meiri sérhæfing til dæmis í fóðrun,
rekstri og bútækni mun nýtast vel í
ráðgjöf í svína og alifuglarækt. Það
verður lögð meiri áhersla á erlenda
tengingu og þekkingaryfirfærslu
sem mun nýtast bændum í þessum
greinum.
Áherslur á fyrsta ári: Lögð verður
sérstaklega áhersla á að halda áfram
að byggja upp ráðgjöf í þessum
greinum í samvinnu við óskir bænda.
Nýta þá þekkingu sem er innan RML
og efla hana enn frekar með því
að efla og byggja upp samstarf og
samvinnu við erlenda ráðgjafa.
Á nytjaplöntusviði eru þrír
ábyrgðarmenn
Nafn: Eiríkur Loftsson.
Starf: Ábyrgðarmaður fóður-
ráðgjafar.
Starfsstöð: Sauðárkrókur.
Tækifæri sem felast í breyttu
skipulagi: Hvað þetta varðar
má nefna tvennt. Annars vegar
verða vonandi aukin tækifæri
fyrir ráðunauta að einbeita sér að
afmörkuðum þáttum á sínu starfssviði
og auka þekkingu sína á þeim. Hins
vegar ætti að verða auðveldara að
efla skipulagt samstarf ráðunauta við
að veita bændum heilstæða ráðgjöf
á öllum þeim sviðum sem snúa að
búrekstrinum.
Áherslur á fyrsta ári: Að taka
saman hvaða ráðgjöf bændum hefur
staðið til boða varðandi fóðrun vítt og
breitt um landið og bæta enn frekar
þá ráðgjöf sem verið hefur í boði.
Geta þannig boðið bændum í öllum
búgreinum upp á góða fóðurráðgjöf
og fóðuráætlanir. Vekja athygli
bænda á mikilvægi góðs skipulags
varðandi fóðuröflun og fóðrun og
hvernig RML getur orðið þeim að
liði við þá vinnu. Vinna að því að
þau verkfæri, reiknitöflur o.fl. sem
ráðunautar þurfa við vinnu sína séu
alltaf skilvirk og góð.
Nafn: Ingvar Björnsson.
Starf: Ábyrgðarmaður jarðræktar.
Starfsstöð: Akureyri.
Tækifæri sem felast í breyttu
skipulagi: Með sameiginlegri
ráðgjafarþjónustu ætti að vera hægt
að nýta betur sérþekkingu einstakra
starfsmanna. Auðveldara verður
að samræma vinnubrögð á milli
landshluta og aðgengi bænda að
ráðgjöf verður síður háð búsetu.
Áherslur á fyrsta ári: Megin-
viðfangsefni fyrstu mánuðina verður
að hlúa að þeim nánu tengslum sem
ríkja á milli bænda og ráðunauta
og sannfæra bændur um að nýtt
fyrirkomulag skili þeim sömu eða
betri þjónustu og áður.
Verkefni jarðræktarinnar eru mörg
og brýn. Jarðræktin og fóðuröflunin
er undirstaða hins hefðbundna
búskapar og stærstu útgjaldaliðir
bænda tengjast fóðuröflun og –
kaupum. Meginverkefni ráðgjafar
í jarðrækt er að auka hagkvæmni
fóðuröflunar og markmið RML
verður að bjóða upp á heildstæða
ráðgjöf í fóðuröflun með hagkvæmni
að leiðarljósi.
Tækifæri í jarðrækt eru mörg og
jarðræktarráðunautar RML ætla að
vera í fararbroddi þeirra sem sækja
á miðmöguleikana.
Nafn: Ægir Þór Þórsson.
Starf: Ábyrgðarmaður garðyrkju.
Starfsstöð: Reykjavík.
Tækifæri sem felast í breyttu
skipulagi: Með breyttu skipulagi
eru möguleikar á aðkomu fleiri
ráðunauta að þjónustu við garðyrkju-
bændur. Það er mikilvægt að efla ráð-
gjöf á sviðinu enda er garðyrkjan
stór þáttur í íslenskum landbúnaði
en nýtur þó mikillar sérstöðu.
Áherslur á fyrsta ári: Ég geri ráð
fyrir að ráðgjöf til garðyrkjunnar
verði með svipuðu sniði og undan-
farin ár þar sem lögð hefur verið
áhersla á að styrkja greinina, m.a.
með samstarfi við erlenda sér-
fræðinga. Ýmsar nýjungar eru þó
á döfinni, t.d. munum við koma að
innleiðing á gæðakerfi að frumkvæði
Sambands garðyrkjubænda.
Rekstur, hlunnindi og
nýbúgreinar eru með tvo
ábyrgðarmenn
Nafn: Jóhanna Lind Elíasdóttir.
Starf: Ábyrgðarmaður rekstrar-
ráðgjafar.
Starfsstöð: Reykjavík.
Tækifæri sem felast í breyttu
skipulagi: Fjölbreyttari þjónusta við
bændur sem byggir á samvinnu sér-
fræðinga með mismunandi þekkingu
og reynslu. Sama þjónusta í boði
fyrir bændur á landinu öllu.
Áherslur á fyrsta ári: Að
skipuleggja samstarf, samræma
vinnubrögð og tryggja samvinnu
þvert á svið. Þróa afurðir og þjónustu
fyrir bændur í samstarfi við önnur
fagsvið, bændur og búgreinafélög.
Finna leiðir til að tryggja skilvirkni í
samskiptum bænda og ráðunauta svo
bændur fái þá þjónustu sem þeir óska
og ráðunautar fái að vita hvaða óskir
og þarfir bændur hafi um þjónustu.
Nafn: Guðfinna Harpa Árnadóttir.
Starf: Ábyrgðarmaður þjónustu.
Starfsstöð: Egilsstaðir.
Tækifæri sem felast í breyttu
skipulagi: Tækifærin sem felast í
breyttu skipulagi eru óteljandi en
fyrir bændur verður þetta skipulag
fyrst og fremst til bóta vegna þess
að þeir geta nú sótt ráðgjöf til starfs-
manna sem best geta skilað ráðlegg-
ingum til baka, sérfræðinga sem
munu starfa á landsvísu sem smátt
og smátt verða öflugri í samstarfi
við bændur.
Áherslur á fyrsta ári: Þær verða
nú fyrst fremst að ná saman
starfsmannahópnum og skilgreina
þar ákveðnar línur og vinna
grunnvinnu varðandi skiptingu
verkefna og nýsköpun í verkefnum
sem bændur kunna að hafa áhuga á.
Hrossaræktarfundir
Almennir fundir um málefni
hrossaræktarinnar verða
haldnir á eftirtöldum stöðum
á næstu vikum. Allir fundirnir
hefjast kl. 20.30.
Mánudaginn 25. febrúar
Félagsheimili Sleipnis, Selfossi.
Þriðjudaginn 26. febrúar
Reiðhöllinni, Víðidal, Reykjavík.
Mánudaginn 4. mars
Gistihúsinu, Egilsstöðum.
Þriðjudaginn 5. mars
Mánagarði, Hornafirði.
Fimmtudaginn 7. mars
Ásgarði, Hvanneyri.
Frummælendur verða Kristinn
Guðnason, formaður Félags
hrossabænda og fagráðs í
hrossarækt, og Guðlaugur
V. Antonsson hrossaræktar-
ráðunautur.