Læknablaðið - 01.12.1969, Qupperneq 73

LÆKNABLAÐIÐ
239
Miðvikudaginn 12. febrúar gekk skattamálanefnd á fund ríkis-
skattstjóra. Á fundi þessum var rætt um ýmsa þá liði, sem um getur
í bréfi til skattstjórans í Reykjavík frá 10. júlí, og enn fremur greinar-
gerð þá, sem stjórn L.R. hafði látið ríkisskattstjóra í té í miilitíðinni,
sem varðaði bifreiðanotkun lækna, einkum spítalalækna og sérfræð-
inga starfandi í bænum. Þá var og rætt um námsferðir lækna til út-
landa og bifreiðakostnað lækna í bænum, svo og tillag í Lífeyrissjóð
lækna. Enn fremur var lítillega minnzt á hóptryggingu lækna og út-
skýrt fyrir ríkisskattstjóra, í hverju tryggingin væri fólgin.
Að því er varðar námskostnað lækna vegna námsferða til útlanda,
fékkst sú viðurkenning, að kostnaður væri frádráttarbær, hversu oft
sem farið væri, ef gögn lægju fyrir um tilgang ferðarinnar, hvert væri
í'arið og enn fremur, að stutt skýrsla lægi fyrir um námsferðina, eins
og læknum ber að leggja fram til sjóða þeirra, sem styrkja þá til ferð-
arinnar samkvæmt reglugerð þeirra.
Mikill ágreiningur varð um það atriði, hvaða sérfræðingar í bæn-
um þyrftu á bílum að halda til starfa sinna og að hve miklu leyti. Var
það álit ríkisskattstjóra, að skipta mætti læknum í fjóra flokka, þ.e.a.s.
þá, sem hefðu fullan heimilispraxís, þá, sem væru sérfræðingar og
hefðu minna en 100 númer, og þá, sem væru sérfræðingar og hefðu
engin númer og þyrftu engum sjúklingum að sinna út í bæ.
Þetta atriði var ekki útrætt á fundinum, og taldi ríkisskattstjóri,
að hann myndi leggja þetta ásamt fleiri atriðum fyrir ríkisskattanefnd
og bcða síðan aftur skattamálanefnd og formann Læknafélagsins á
sinn fund.
Sá fundur hefur ekki orðið enn, en mun verða haldinn í næstu
viku.
Námssjóður í stjórn sjóðsins eru nú Gunnar Möller forstjóri,
sjúkrasamlagslækna Gunnar Biering og Bergsveinn Ólafsson.
Sjóður þessi hefur orðið nokkuð fjársterkur.
Eigi að síður á hann óuppgert við allmörg sjúkrasamlög utan Reykjá-
víkur. Þess munu jafnvel dæmi, að óuppgert sé við hann allt frá stofn-
un hans.
Framkvæmdastjóri læknafélaganna hefur annazt greiðslur úr
sjóðnum og hefur tekið á móti því fé, sem inn kom án innköllunar,
auk þess sem hann kveðst hafa gengið eftir greiðslum hjá nokkrum
sjúkrasamlögum í nágrenni Reykjavíkur. Nánari fyrirmæli um verk-
svið hans kveðst hann ekki hafa fengið frá stjórn sjóðsins þrátt fyrir
fyrirspurn.
Það kom til tals með stjórn L.R. í vetur að flytja sjóðinn að öllu
leyti á skrifstofuna. Stóð til, að umræður yrðu við stjórn sjóðsins um
það, en vegna anna féll boðaður umræðufundur niður. Annar fundur
var ekki boðaður, en athugun málsins verður haldið áfram.
Ástæða er til að halda, að sjóðurinn sé ekki nýttur sem skyldi,
hvorki til námsferða né rannsóknastyrkja. Stjórn L.R. vill hvetja
lækna til þess að nýta sjóðinn til hins ýtrasta, því að fátt er eins mikil-
vægt og stöðug þekkingaröflun.