Læknablaðið - 01.12.1969, Page 81

LÆKNABLAÐIÐ
245
„Fundurinn taldi, að aðstaða vaktarinnar mætti ekki versna frá
því, sem verið hefði, og að hún þyrfti að uppfylla eftirfarandi skilyrði:
1) Húsnæði fyrir símavörzlu.
2) Svefnrými fyrir lækni.
3) Svefnrými fyrir bílstjóra.
4) Aðstaða til þess, að starfsfólk vaktþjónustunnar geti hitað
kaffi og útbúið einfalda máltíð.
Taldi stjórnin sér ekki fært að semja um þessa þjónustu, nema að
þessum skilyrðum yrði fullnægt.“
Enn er ekki ljóst, hvernig máli þessu lyktar, en í samtali hefur
Gunnar Möller forstjóri gefið í skyn, að leitað verði að hentugu hús-
næði fyrir vaktina.
Aðalrök forsvarsmanna Slysavarðstofunnar fyrir bví að losna við
þessa vaktþjónustu voru þau óþægindi og kvabb, sem kvöldvaktin
leiddi yfir Slysavarðstofuna. Reynsla starfsfólks vaktarinnar hefur ljós-
lega sýnt, að þetta kvabb getur ekki hafa verið mikið, þar sem nú
verður ekki vart við það, eftir að Slysavarðstofan flutti. Mætti ætla, að
ónæðið fylgdi Slysavarðstofunni, en ekki læknavaktinni.
Þá hefur það komið fram, að á ýmsum stöðum bæjarins og í Kópa-
vogi hefur heyrzt illa í talstöðinni, og sums staðar heyrist alls ekki og
verið dauðir blettir hér og þar. Formaður félagsins kom eitt sinn að
máli við formann safnaðarstjórnar Hallgrímssóknar, Sigtrygg Klemenz-
son, og spurðist fyrir um, hvort heimild fengist til þess að færa sendinn
upp í turn Hallgrímskirkju. Tók formaður safnaðarstjórnar mjög vel í
þetta mál og taldi þetta vera sjálfsagt, þar sem hér var um almennings-
þjónustu að ræða.
Þá hefur forstjóri Sjúkrasamlagsins átt viðræður við ýmsa verk-
fræðinga Landssímans um möguleika á því að beina símtölum beint úr
heimahúsum í læknabílinn, þegar þörf gerist, og eru allar horfur á því,
að það muni kleift án mjög mikils kostnaðar.
Númerafjöldi Seint á árinu 1966 var hámarksnúmerafjöldi heimilis-
heimilislækna lækna hækkaður frá bví, sem ákveðið hefur verið í
samningi, 1750 númer upp í 2100. Var þetta gert
vegna neyðarástands, sem skapaðist í bænum vegna skorts á heimilis-
læknum.
A síðastliðnu ári bættust nokkrir læknar við í hóp heimilislækna,
og er ástandið nú svo gott, að ekki þykir ástæða til að hafa þetta há-
mark lengur í gildi. Því var á fundi stjórnar og meðstjórnar hinn 6.1.
1969 ákveðið, að hámark yrði aftur fært niður í umsaminn fjölda, eða
1750. Skyldi framkvæmdin verða sú, að þeir, sem hefðu meiri en 1750
númer, skyldu loka hjá sér. Ekki var talin ástæða til þess að gera
frekari ráðstafanir að svo stöddu. Stjórn félagsins barst svarbréf frá
Sjúkrasamlagi Reykjavíkur, dags. 17.1. 1969, þar sem hún tjáði sig
samþykka með þeirri undantekningu þó, að börn, sem verða sjálfstæðir
samlagsmenn við 16 ára aldur, megi kjósa sér sama heimilislækni og
foreldrar þeirra hafa, enda þótt hann sé með hámarksfjölda samlags-
manna.