Læknablaðið - 01.04.1975, Síða 41

LÆKNABLAÐIÐ
23
fæðingarlæknar, einn barnalæknir, svæfing-
arlæknir, sérmenntuð hjúkrunarkona og 3
aðstoðarmenn í námi. Kostnaður við sjúkra-
húsið var talinn vera 600.000 til 1 milljón
rúblna á ári.
Nokkrar staðtölur: keisaraskurðir á
ári, fyrirburðarfjöldi 8%, andvana fædd börn
0,7%, infant mortality 1,38%, perinatal
mortality 1,08%.
Á fæðingardeildinni eru heimsóknir til
mæðranna alveg bannaðar meðan þær dvelj-
ast þar og það eru venjulega 8 dagar eftir
fæðingu. Þær geta haft samband við ætt-
ingja og vini í gegnum síma og þeir geta
fengið að sjá bæði konu og barn með sér-
stöku innanhússkerfi . Sama máli gegnir ef
konan þarf að dveljast á stofnun fyrir fasð-
ingu vegna einhverra veikinda. Skýring á
þessu var sú, að þetta væri gert vegna sýk-
ingarhættu.
Allur húsakostur á sjúkrahúsum og deild-
um, sem skoðaður var, var gamall og nokkuð
úr sér genginn og viðhald að því er virtist
ekki í góðu lagi. Hins vegar virtist allur
tækjabúnaður mjög fullkominn og eins og
best gerist á gjörgæsludeildum og fæðingar-
deildum. Mjög var þröngt í legustofum og
undantekning ef rúm stóðu ekki upp við
veggi og úti í hornum.
Á rannsóknardeildinni var greinilega fylgst
mjög náið með konu og fóstri og í gangi
voru ýmsar tilraunir með tæki til þess að
fylgjast með ástandi móður og barns.
Ráðstefnan sjálf hófst hinn 12. nóv. Hún
var haldin í húsakynnum Alþýðusambandsins
(Trade Union House), sem er gömul og
glæsileg höll, vel búin til slíkra funda og alls
konar samkomuhalds.
Þátttakendur voru daglega fluttir á milli
hótels og fundarstaðar og voru allan daginn
á fundarstað, fengu þar máltíðir sínar.
Ráðstefnan var sett af Dr. Venediktov,
sem er aðstoðarheilbrigðisráðherra og aðal-
fulltrúi USSR á þingum AlþjóðaheiIbrigðis-
málastofnunarinnar og fulltrúi þeirra í fram-
kvæmdastjórn stofnunarinnar.
Dr. Elena Novikova, aðstoðarheilbrigðis-
ráðherra (fæst eingöngu við mæðra- ag
barnavernd) var kosin forseti ráðstefnunnar.
3 varaforsetar voru kosnir, fyrsti Páll Sig-
urðsson, frá íslandi, annar Dr. Alfreda Blkaj
frá Marokko, og Dr. L. S. Prodhom. Forsetar
stjórnuðu fundum til skiptis sinn daginn
hver og sáu, ásamt fulltrúum frá Alþjóðaheil-
brigðismálastofnuninni, um framgang dag-
skrár.
Fundum var hagað þannig, að hver dagur
byrjaði með sameiginlegum fundi þar sem
haldin voru framsöguerindi um heildarmál-
efni. Eftir það var þátttakendum skipt í
stóra vinnuhópa og unnu þeir miðpart dags-
ins á tveim fundum, en síðdegis var síðan
haldinn sameiginlegur fundur þar sem starfs-
hópar skiluðu áliti og umræður fóru fram.
Fjögur aðalefni voru tekin til umræðu:
1. Review of maternal and child health pro-
grammes in the European Region.
2. Outstanding problems and promising ap-
proaches in maternal and child health.
3. Strategies in the delivery of maternal and
child care.
4. Emerging chalienges and future outlook.
Pað kom glöggt fram af fyrirlesrtunum, að
mæðra og ungbarnavernd er skipulögð nærri
alls staðar, innan Evrópusvæðisins, þó að
mjög sé mismunandi á hvaða stigi hún er.
Víða virðist skorta á, að um samræmda
starfsemi sé að ræða og erfitt að bera sam-
an tölur og niðurstöður frá einstökum lönd-
um.
Þau vandamál, sem hæst ber, virðast vera
eftirfarandi:
1. Að finna þá hópa, sem mestar líkur eru á
að þarfnist sérstakrar meðferðar (High-
risk groups).
2. Að skipuleggja fjölskylduáætlanir, þannig
að komi að gagni.
3. Að samtengja aðgerðir á sviði heilbrigðis-
mála og ýmissa annarra félagsmála, svo
sem umhverfismála og húsnæðismála
þannig, að mæðra- og barnavernd verði
ekki lítilsvirði.
4. Sérstök vandamál hafa komið upp vegna
stórra hópa fólks innan Evrópusvæðisins,
sem flutst hefur til vegna nýrra og
breyttra vinnuskilyrða.
Talið var, að frekari faraldsfræðilegar
rannsóknir væru nauðsynlegar til að skilja
og geta skýrt ástand mála eins og það er í
dag og sérstaklega var bent á, að ekki væri
hægt að skilja þessa þjónustu frá annarri
heilbrigðisþjónustu og því væri eðlilegt að