Læknablaðið - 01.07.1978, Qupperneq 48

130
LÆKNABLAÐIÐ
FUNDARGERÐ
formannaráðstefnu Læknafélags fslands Domus Medica
18. marz 1978
Mættir voru: Tómas Á. Jónasson, Guðmund-
ur Pétursson, Guðmundur Sigurðsson, Auðólfur
Gunnarsson, Páll Þórðarson, Guðrún Agnars-
dóttir, Sigursteinn Guðmundsson, Brynleifur
Steingrímsson, örn Bjarnason, Hafsteinn
Skúlason, Örn Smári Arnaldsson, Stefán Karls-
son, Ólafur Oddsson og Þórarinn Gíslason.
Læknafélag Vesturlands átti ekki fulltrúa á
fundinum.
Formaður setti fundinn og bauð menn vel-
komna.
Fundarefni:
1. Tekið var fyrir fyrsta mál, sem var
samningagerð á vegum læknafélaganna.
Guðmundur Sigurðsson, formaður Kjararáðs,
skýrði frá því, að gengið hefði verið frá sér-
kjarasamningum fyrir fastráðna lækna i febrú-
ar, en 11. nóv. sl. hefði verið gengið frá kjara-
sátt fyrir lausráðna sjúkrahúslækna og hefði
verið talið heppilegra að fallast á sáttina en
að hlíta úskurði Kjaradóms. Auk þess hefðu
verið undirritaðir samningar fyrir sérfræðinga
utan sjúkrahúsa. Samningar þessir byggðust
upp á annan hátt, en áður hafði verið. Þannig
hafi verið tekið upp einingakerfi, m.a. til ein-
földunar. Krafa sérfræðinga um, að tilvisana-
kerfið yrði fellt niður, hafi hins vegar ekki
náð fram að ganga, enda hefði það mætt mót-
spyrnu heimilislækna.
Guðmundur taldi, að þau kjör, sem fengizt
hefðu fyrir lausráðna lækna og fastráðna,
hefðu verið viðunandi. Hvað varðar samninga
B.H.M., benti hann á, að fengizt hafi eins
flokks hækkun fyrir þá, sem starfað hafi í
meira en 15 ár. Auk þessa hafi í sérkjara-
samningum fengizt fram eins flokks hækkun
fyrir þá, sem starfað höfðu ákveðinn tíma á
sama stað, en þessi hækkun flyttist hins vegar
ekki með mönnum milli staða. Auk þess hefði
komizt inn i samningana námsleyfi fyrir hér-
aðslækna, sem taki mið af námsleyfum, sem
sjúkrahúslæknar hafi fengið inn í sína samn-
inga áður.
Guðmundur skýrði frá því, að ennþá væru
ófrágengnir samningar fyrir þá lækna, sem
starfa utan Reykjavíkur skv. númerakerfi, m.a.
á þéttbýlisstöðunum á Suðvesturlandi utan
Reykjavíkur og á Akureyri og Akranesi. Fyrir
liggi hins vegar uppkast að samningum, en
ennþá sé deilt um viss atriði.
Hann skýrði frá þvi, að uppkast hafi verið
gert að nýrri gjaldskrá fyrir héraðslækna, og
var því dreift á fundinum, auk þess sem það
hefur verið sent út til félagsmanna til athug-
unar. Uppkast þetta hefur hins vegar ekki
ennþá verið rætt við viðsemjendur, og væri
m.a. beðið eftir undirtektum viðkomandi
lækna, og óskaði Guðmundur eftir því við for-
menn svæðafélaganna, að uppkastið yrði rætt
í félögunum. Gjaldskráin miðar að einföldun,
og taldi Guðmundur, að hún hefði ýmis atriði,
sem sennilega yrði auðveldara að semja um en
miklar taxtahækkanir, þar sem nú væri mikil
andstaða gegn frekari kauphækkunum hjá
stjórnvöldum. 1 uppkastinu er gert ráð fyrir
föstu grunngjaldi og síðan viðbótargjaldi, eftir
því um hvers konar samskipti við sjúklinga er
að ræða. Horfið er frá mismunandi viðtalsgjaldi
dreifbýlis og þéttbýlis og mætzt á miðri leið
milli þess gjalds, sem rikt hefur á þéttbýlis- og
dreifbýlissvæðum, skv. fyrra samningi.
Nokkrar umræður urðu um uppkastið.
Hafsteinn Skúlason benti á, að rétt sé, að
fram komi í samningnum, að lækni skuli séð
fyrir flutningi, þannig að ekki sé nauðsynlegt
fyrir lækna, jafnvel þótt þeir dvelji i héraði,
að kaupa sér torfærubíla.
Brynleifur Steingrímsson deildi á þá stefnu
Kjararáðs að draga um of í flokka eftir sér-
fræðigreinum, t.d. að einskorða samningana
um of við sérfræðiviðurkenningu í heimilis-
iækningum og útiloka aðra lækna með sér-
fræðiviðurkenningu á öðrum sviðum.
í sambandi við þetta var rætt nokkuð frekar
sérfræðiviðurkenning í heimilislækningum og
aldurshækkanir og launakjör þeirra, sem starf-
að hafa sem heimilislæknar, þótt þeir hafi ekki
sérfræðiviðurkenningu.
Brynleifur tók undir orð Hafsteins varðandi
bílkostnað og taldi það vera orðinn mjög mik-
inn útgjaldalið fyrir héraðslækna að reka stóra
bifreið. Taldi hann eðlilegt, að dreifbýlislæknar
fengju annað hvort bílastyrk, þ.e. grunngjald
bifreiðarekstursins greitt eða þá frían bil, sem
hann taldi vera orðið algengt hjá öðrum
embættismönnum úti á landi.
Guðmundur Sigurðsson benti þá á, að e.t.v.
væri eðlilegast, að heilsugæzlustöðvarnar ættu
sína eigin bíla til að nota fyrir lækna og til
sjúkraflutninga.
Brynleifur taldi kjör lækna hafa rýrnað á
undanförnum árum miðað við aðrar stéttir og
taldi, að ein ástæða hræðslu lækna við að gera
kröfur væri umræða i fjölmiðlum um hátt
kaup lækna.
Hann gagnrýndi enn nokkra aðra liði i
samningsuppkastinu, m.a. að erfitt mundi reyn-
ast að skipta viðtölum eftir lengd og innihaldi.
Hann taldi einnig, að yfirvinnuálag ætti að
vera 100% á helgidögum og ræddi nokkuð um