Læknablaðið - 01.07.1978, Blaðsíða 49

LÆKNABLAÐIÐ
131
orlofsprósentuna. Annars lýsti Brynleifur yfir
þeirri skoðun sinni, að samningsuppkastið væri
mjög vel unnið verk í heild sinni.
Ólafur Oddsson taldi, að sú prósentuhækkun,
sem sett er fram fyrir sérfræðiviðurkenningu í
heimilislækningum, sé vart næg örvun til að
beina fleirum inn á þá braut. Taldi hann, að
heimilislækningum sem sérgrein væri ekki gert
jafn hátt undir höfði og öðrum sérgreinum.
Hann gagnrýndi einnig, að gengið hefði verið
frá samningum á Reykjavíkursvæðinu, áður en
undirritaðir hefðu verið samningar fyrir lækna
á öðrum stöðum, svo sem á Akureyri. Ólafur
beindi því sem tilmælum til stjórnar L.I. og
Kjararáðs, að ekki yrði í framtíðinni gengið
frá samningum við lækna í Reykjavík, fyrr en
um leið og undirritaðir séu samningar við
lækna utan Reykjavíkur, er vinna eftir svip-
uðum samningum.
Af þessu tilefni las Tómas Árni upp bréf, sem
hann ásamt Guðmundi Sigurðssyni hefur ný-
lega sent til samninganefndar T.R. varðandi
uppgjör heimilislækna á Akureyri fyrir árið
1977, þar sem tekið er fram sérstaklega, að
framvegis muni L.l. ekki láta viðgangast, að
undirritun einstakra samninga dragist úr hófi.
Sigursteinn Guðmundsson áleit, að nauðsyn-
legt væri að fá talsverða hækkun á taxtagjöld-
um, þar sem m.a. hafi undanfarið orðið sú
breyting á í mörgum héruðum, að rannsókna-
störf hafi horfið úr höndum lækna, en þau hafi
verið tiltölulega vel greidd.
Guðmundur Sigurðsson féllst á þetta sjónar-
mið, en taldi, að mjög erfitt mundi verða að fá
verulega krónutöluhækkanir að þessu sinni.
Formaður ræddi síðan nokkuð um reglugerð
fyrir heilsugæzlustöðvar. Fram kom, að nefnd
er nú að störfum til að semja reglugerð fyrir
sjúkrahúsið og heilsugæzlustöðina á Selfossi,
sem verið er að reisa. Brynleifur Steingrims-
son, sem situr í þeirri nefnd ásamt landlækni
og Ingibjörgu Magnúsdóttur, deildarstjóra,
kynnti nokkuð innihald þess uppkasts, sem er í
bígerð. Farið var fram á það við Brynleif, að
L.I. fengi afrit af reglugerðinni, er hún væri
fullsamin, svo að unnt yrði að hafa viðmiðun
af henni við samningu reglugerðar fyrir aðrar
heilsugæzlustöðvar. Fram kom hjá Brynleifi,
að nokkur ágreiningur hefur orðið í nefndinni
varðandi stjórnun og aðstöðu einstakra heil-
brigðisstétta. 1 sambandi við þetta spunnust
allfjörugar umræður um ábyrgð og starfsháttu
lækna og aðstoðarfólks á sjúkrahúsum og
heilsugæzlustöðvum.
Er hér var komið sögu, var komið hádegi, og
var því fundi frestað og gengið til hádegis-
verðar í boði L.l.
Að hádegisverði loknum, mættu á fundinum
Snorri P. Snorrason, Þóroddur Jónasson og
Páll Sigurðsson, sem setið hafa í nefnd til að
fjalla um breytingar á lögum L.l. og Codex
Ethicus.
2. Fyrst voru teknar fyrir breytingatillögur
á lögum L.I.
Þóroddur Jónasson rakti tillögur nefndarinn-
ar og gerði grein fyrir breytingartillögunum.
Hann skýrði frá því, að nefndin legði til, að
stofnuð yrði siðanefnd L.I. í samræmi við til-
lögur umræðuhópsins, sem fjallaði um með-
ferð læknasamtakanna á meintum brotum á
félagslögum og siðareglum lækna á síðasta
aðalfundi L.I. Siðanefndin mundi taka við því
hlutverki, sem stjórn L.I. er nú ætlað, hvað
varðar eftirlit með starfsháttum lækna og taka
við umkvörtunum frá sjúklingum og öðrum að-
ilum vegna meints misferlis lækna. Nefndin
muni kveða upp úrskurði í samræmi við það,
sem stjórn L.l. er nú ætlað skv. lögum félags-
ins, en úrskurði nefndarinnar mætti síðan
skjóta til Gerðardóms. Nefndin leggur til, að
þessi breyting verði felld inn í 20. gr. laganna.
Menn voru samþykkir því, að slík siðanefnd
yrði stofnuð. Nokkuð voru skiptar skoðanir um
það, hvort nefnd þessi ætti að standa fyrir
kynningu á Codex Ethicus, og töldu flestir, að
eðlilegast væri, að stjórn L.I. sæi sjálf um
þetta atriði. Hins vegar væri eðlilegt, að siða-
nefndin stæði fyrir umræðum um skyldur,
vinnubrögð og siðamál lækna. Fundarmenn
álitu, að of þungt yrði i vöfum að koma á fót
fulltrúaráði siðanefndar.
Ákveðið var, að stjórn L.l. skyldi setja siða-
nefnd starfsreglur, er hún hefði verið stofnuð.
Rætt var um breytingar á tilhögun við
stjórnarkjör L.l.
Rætt var um nauðsyn þess að gefa félags-
mönnum almennt kost á að hafa áhrif á stjórn-
arkjör. Urðu menn sammála um tillögu þess
efnis, að fráfarandi stjórn L.l. skyldi skylt að
senda tillögur sínar um nýja stjórnarmeðlimi,
einn eða fleiri í hvert sæti, til aðildarfélaga
mánuði fyrir aðalfund. Á þann hátt gæfist
meðlimum tími til að gera aðrar tillögur, en
þeim skuli komið á framfæri eigi síðar en í
byrjun aðalfundar.
Lögð var fram breytingartillaga um kjör
ritstjórnar Læknablaðsins, er heimilar fjölgun
ritstjóra blaðsins. Lögum L.R. hefur þegar ver-
ið breytt i þessa átt.
3. Þá var hafin umræða um breytingartil-
lögur á Codex Ethicus.
Þóroddur Jónasson lagði fram tillögur nefnd-
arinnar að nýjum Codex í fjölrituðu formi. Til-
lögur þessar voru áður ítarlega ræddar á sið-
ustu formannaráðstefnu. L.I i desember 1977
og voru þá ýmsar breytingartillögur gerðar.
Síðan þá hefur nefndin samið nýtt forspjall að
Codex Ethicus og var það nú rætt og sam-
þykkt með nokkrum orðalagsbreytingum. Fjall-
að var nú öðru sinni um ýmsar greinar í upp-
kasti að nýjum Codex og breytingartillögur
gerðar.
Formaður L.l. óskaði eftir því við fulltrúa
svæðafélaganna. að þeir kynntu tillögurnar
heima í héraði og óskaði eftir því, að þær yrðu
ræddar í svæðafélögunum fyrir aðalfund.
Formaður þakkaði síðan nefndinni fyrir vel
unnin störf.
4. Þá var tekin fyrir útgáfa nýs læknatals.
Formaður L.l. skýrði frá því, að nefndin,