Dagblaðið Vísir - DV - 16.02.2007, Qupperneq 49

DV Helgarblað föstudagur 16. febrúar 2007 49
Kennir ári eftir
útsKrift
Guðfræðineminn Jódís Káradóttir hefur verið að dunda sér við gerð fjaðurhatta undanfarið sem hafa nú náð
töluverðum vinsældum og verða fáanlegir í Gyllta kettinum á næstunni.
GuðleGir sKrauthattar
„Ég bjó til fyrsta hattinn þegar ég fór á
árshátíð guðfræðinema í fyrra,“ segir
guðfræðineminn og tískuhattahönn-
uðurinn Jódís Káradóttir. Jódís, sem
er uppalinn Reykvíkingur er með
BA-próf í guðfræði og lærir nú und-
ir kandídat. Auk þess að vera í guð-
fræðinni hannar Jódís tískuhatta og
hafa vinsældir þeirra farið vaxandi
undanfarið. „Þetta eru þannig séð
hárspangir sem ég lími svo skraut-
fjaðrir, perlur og pallíettur á,“ segir
hún en áhugi fyrir höttunum hefur
vaxið og verða þeir nú seldir í Gyllta
kettinum með nýju vörunum að út-
sölu lokinni. „Fyrst byrjuðu ættingjar
og vinkonur að sýna þessu áhuga og
eitt leiddi af öðru,“ segir Jódís en hún
hefur einnig gert skrauthárspennur.
„Ég lími hverja einustu fjöður, perlu
og pallíettu sjálf þannig að þetta er
töluverð handavinna og dúllerí,“ seg-
ir Jódís og talar um að það taki hana
allt frá klukkutíma upp í þrjá að út-
búa hvern hatt. „Það fer auðvitað eftir
hverjum hatti fyrir sig þar sem engir
tveir eru eins og mismikið skreyttir.“
Jódís hefur verið að sérhanna fjaður-
hattana fyrir vini og vandamenn og
segir ekkert því til fyrirstöðu að gera
slíkt hið sama fyrir áhugasama. „Ég
gerði til dæmis einn hatt fyrir vin-
konu mína í fyrra sem var að fara að
gifta sig. Við fórum saman og völd-
um efni í hann í stíl við kjólinn henn-
ar. Ef fólk hefði áhuga á einhverju
slíku væri sennilega bara best að
hafa samband við stelpurnar í Gyllta
kettinum,“ segir Jódís að lokum en
tískuvöruverslunin Gyllti kötturinn
er staðsett í austurstræti 8.
asgeir@dv.is
Jódís Káradóttir
guðfræðinemi og
tískuhattahönnuður
Skrautlegir fjaðurhattar
Jódís handvinnur hattana sjálf frá a til ö.
Atli Bollason verkefnastjóri Fjalakattarins lofar skemmtilegri og ferskri dagskrá.
Fjalakötturinn snýr aftur með glæsibrag
„Við ætl-
um gjörsam-
lega að víta-
mínsprauta
íslenska
kvikmynda-
menn-
ingu frá
og með
25. febrú-
ar,“ segir
Atli Bolla-
son verk-
efnastjóri Fjala-
kattarins. En
Fjalakötturinn er sjálfstætt kvik-
myndahús sem kemur til með
að starfa í Tjarnarbíói allan árs-
ins hring. Segir Atli að búið sé að
vinna baki brotnu við að koma
upp spennandi og skemmtilegri
dagskrá sem verður ívið ferskari
en sú sem áður hefur þekkst í kvik-
myndahúsum á Íslandi. „Við ætl-
um að keyra á flottum myndum,
bæði nýjum og gömlum úr öll-
um áttum.“ Ennfremur segir Atli
að áhugi á óháðri og annars kon-
ar kvikmyndagerð á Íslandi hafi
færst mikið í aukana og ætli að-
standendur Fjalakattarins að nýta
sér hann og rækta. Eins og í Fjala-
kettinum sáluga sem stóð í Að-
alstræti lengi vel verður hægt að
kaupa áskrift að sýningum. Fyr-
ir 4.000 krónur er hægt að kaupa
aðgang að öllum sýningum fram
í maí, en í heildina verða þær um
25 talsins. „Við vitum líka hvernig
kvikmyndasýningar fara fram er-
lendis, ekkert hlé og ekkert rugl.
Þess vegna ætlum við líka að reyna
að halda uppi einhverri gamaldags
bíóstemmingu,“ segir Atli. Það var
í fyrrasumar þegar alþjóðleg kvik-
myndahátíð festi kaup á sýning-
arvél að það varð aðstandendum
hennar ljóst að mögulegt væri að
stofna kvikmyndahús í kjölfar-
ið. „Það var í raun stærra skref en
maður gerir sér grein fyrir. Það hef-
ur ekki verið sýningarvél í Tjarnar-
bíói um árabil og nú loks er hægt
að brjóta gegn einokun risanna,“
segir Atli stoltur.
Atli Bollason
segir að mikill áhugi sé
fyrir óháðri og annars
konar kvikmyndagerð.
Tjarnarbíó
Hér verður starfrækt öflugt, sjálfstætt
kvikmyndahús frá og með 25. febrúar.