Læknablaðið - 15.10.1988, Page 34

328
LÆKNABLAÐIÐ
aðgang að sjúkraskrám. Svo fór að þeirri
hugmynd var hafnað og voru ný læknalög
samþykkt skömmu fyrir þinglok og staðfest af
handhöfum forsetavalds þann 19. maí 1988 með
gildistöku frá 1. júlí 1988. Lög þessi eru nánast
óbreytt frá frumvarpinu eins og það lá fyrir við
þingslit vorið 1987 og höfðu þá ýmsar ábendingar
og tillögur frá L.í. verið teknar til greina.
2. Álytkun um að læknadeild H.í. taki upp
kennslu í stjórnunarfræðum var send
menntamálaráðherra, heilbrigðis- og
tryggingamálaráðherra, læknadeild H.í,
háskólarektor og landlækni. í bréfi forseta
læknadeildar, dags. 22. okt. 1987, greinir hann
frá því að læknanemum hafi staðið til boða
námskeið í stjórnunarfræðum sl. tvö misseri en
þeir þurfi sjálfir að greiða námskeiðið.
Ennfremur greindi forseti frá því að áform væru
uppi um að stjórnunarnám verði tekið inn í
kennsluskrá læknanema.
3. Ályktun sem varar við hættuástandi á
sjúkrahúsum vegna lokunar deilda var send
heilbrigðis- og tryggingamálaráðherra,
landlækni, borgarlækni, héraðslæknum,
framkvæmdastjórum sjúkrahúsa,
Landssambandi sjúkrahúsa, Sambandi ísl.
sveitarfélaga, læknadeild H.Í., formanni
kennslunefndar læknadeildar og Félagi
yfirlækna. Þessi upptalning ber þess vott að efni
hennar snýr að vel flestum ábyrgðaraðilum
heilbrigðismála í landinu. Viðbrögð við þessari
ályktun eru eftir því: Engin. Má vera að átt hefði
að birta ályktunina þeim sem verða mest fyrir
barðinu á lokun sjúkradeilda, almenningi í
landinu eða kjörnum fulltrúum hans,
alþingismönnum. Lokun deilda að undanförnu
virðist hafa verið beitt jafnmikið og að jafnaði á
síðari árum. Full ástæða er til að kynna þetta mál
betur sem í eðli sínu er pólitískt mál og brjóta það
til mergjar. Meðal annars þarf að fá skýrt fram
hvort ástæður lokunar sjúkrahúsdeilda séu ekki
aðrar en skortur starfsfólks.
4. Ályktun um breytilegt rekstrarform
heimilislækna- og heilsugæslustöðva var send
heilbrigðis- og tryggingamálaráðherra,
landlækni, borgarlækni, héraðslæknum,
formanni samninganefndar T.r., Sambandi ísl.
sveitarfélaga og formönnum þingflokkanna. í
bréfi frá heilbrigðis- og tryggingamálaráðherra,
dags. 20. okt. 1987, er greint frá því að ekki verði
hafist handa á árinu 1987 við að breyta lögum um
heilbrigðisþjónustu í þá átt að mismunandi
rekstrarform heilsugæslu- og
heimilislæknastöðva verði mögulegt en
væntanlega verði heildarendurskoðun laganna
sett af stað árið 1988. Kunnugt er að skoðanir
lækna eru skiptar i þessu máli. Telja sumir að
leggja beri niður heimilislæknakerfið og hér á
landi verði eingöngu kerfi heilsugæslustöðva.
Aðrir telja eðlilegt að þessi tvö rekstrarform
þróist hlið við hlið. Sýni annað kerfið ótvíræða
kosti muni það dafna en hitt víkja. Svo virðist sm
heilbrigðisyfirvöld styðji fyrri kostinn.
5. Tillögu um fjölmiðlafulltrúa læknafélagnna
var vísað til stjórnar. Að svo komnu máli hefur
stjórn L.í. ekki talið tímabært að hlutast til um
ráðningu fulltrúa af þessu tagi. Stjórninni er ljóst
að brátt er þörf endurskipulagningar á starfsemi
og starfsliði skrifstofu félaganna og
útgáfustarfseminni. Þessi endurskipulagning
verður að haldast í hendur við aukningu
húsrýmis. Stjórnin telur að við
endurskipulagninguna hljóti ráðning
fjölmiðlafulltrúa að koma til álita.
6. Tillögu um staðalnefnd var einnig vísað til
stjórnar L.í. Enda þótt stjórnin geri sér fulla
grein fyrir því að læknar eiga að láta sig varða allt
sem viðkemur staðli heilbrigðisþjónustu og
heilbrigðisstofnana er líklegt að verkefni af þessu
tagi sé ofviða nefnd sem skipuð er Iæknum í fullu
starfi nema henni verði séð fyrir starfsmanni. Af
þeim sökum hefur stjórnin ekkert aðhafst í
málinu að svo komnu. Það tengist að vissu leyti
fyrrgreindri endurskipulagningu á starfsemi
skrifstofu félaganna og gæti þá e.t.v. tengst starfi
heilbrigðisyfirvalda á þessu sviði með samvinnu
læknafélaganna og þeirra. í þessu sambandi er
vert að geta þess að nýlega veitti stjórn L.í.
umsögn að beiðni ráðuneytis um starfsemi og
staðal líkams- og heilsuræktarstöðva. Umsögnin
var m.a. byggð á áliti ýmissa sérgreinafélaga
lækna.
NÝ LÆKNALÖG
í skýrslunni fyrir starfsárið 1986-1987 var greint
frá afskiptum stjórnar L.í. af frumvarpi til
læknalaga sem lagt var fyrir Alþingi á 109.
löggjafarþinginu 1986. í kaflanum um afgreiðslu
ályktana aðalfundar 1987 í þessari skýrslu, Iið 1,
er sagt frá endanlegri afgreiðslu frumvarpsins og
samþykkt Iæknalaga á Alþingi.
Stjórn L.í. telur að læknar megi una vel við þær
móttökur sem tillögur stjórnar fengu á Alþingi
um breytingar á frumvarpinu, ábendingar um
orðalag þess o.fl. Læknalögin birtust í 7. tbl.
Fréttabréfs Iækna 1988 og hafa því allir læknar