Læknablaðið - 15.11.1994, Side 68

496
LÆKNABLAÐIÐ 1994; 80
Ráðstefna í Stokkhólmi 15.-18. september
1994 um þarfír sjúkra barna
Dagana 15.-18. september var
16. ráðstefna NOBAB (Nordisk
forening for sjuka barns behov)
haldin í Stokkhólmi.
Að þessu sinni var yfirskrift
ráðstefnunnar Framfarir og
þróun í þjónustu á sjúkradeild-
um fyrir börn og unglinga.
NOBAB eru samtök félaga á
Norðurlöndum, er láta sig
varða aðbúnað sjúkra barna.
Aðildarlönd NOBAB eru ís-
land. Noregur. Svíðþjóð, Finn-
land og Danmörk. Umhyggja,
félag til stuðnings sjúkum börn-
um er íslenski aðili samtakanna.
Fyrirlesarar á ráðstefnunni
voru sérfræðingar á sviði barna-
lækninga, foreldrar sjúkra
barna auk ýmissa meðferðarað-
ila.
Varpað var ljósi á þjónustu og
aðbúnað við sjúk börn frá þver-
faglegu sjónarhorni, auk sjónar-
miðs skjólstæðinga. Var fjallað
um þjónustu sjúkrastofnana við
börn og unglinga fyrr og nú,
læknisfræðilega meðferð,
hjúkrun, aðstöðu til leiks og
náms, viðhorf og viðmót,
áhrifaþætti á líðan og aðlögun
barna, þátttöku foreldra og
systkina og stöðu þessara þátta
með tilliti til norrænna staðla
um þjónustu við börn og ung-
linga á sjúkrahúsum.
Norræn og fjölþjóðleg sam-
vinna endurspeglast í þverfag-
legurn ráðstefnum sem þeim er
NOBAB hefur haldið árlega
síðustu 16 ár. Er um gagnkvæma
miðlun að ræða þar sem þátt-
takendum gefst kostur á að rýna
í eigin fagmennsku og stöðu
heilbrigðisþjónustu á heima-
velli um leið og lærdómur er
dreginn af reynslu annarra.
NOBAB á fulltrúa í Evrópu-
samtökunum EACH (Europ-
ean Association for the Care of
Children in Hospitals), sem
stofnuð voru á síðasta ári. Að-
ildarlönd EACH eru 26 talsins
auk aðildarlanda NOBAB. Til
gamans má geta þess að fulltrúi
NOBAB í EACH er Esther Sig-
urðardóttir, sem jafnframt
gegnir stöðu ritara stjórnar
NOBAB. Formaður NOBAB
er Helga Hannesdóttir, barna-
geðlæknir.
Helga Hannesdóttir
íslensku þátttakendurnir á ráðstefnunni: Sigurbjörg Guttormsdóttir, Anna Ólafsdóttir, Þorsteinn
Ólafsson, Helga Bragadóttir, Esther Sigurðardóttir ritari NOBAB, Guðrún Ragnarsdóttir formaður
Umhyggju, Þórarinn Ólafsson, Hclga Hannesdóttir formaður NOBAB.