Dagblaðið Vísir - DV - 06.07.2007, Page 42

föstudagur 6. júlí 200742 Helgarblað DV
Sumarlegt
kús-kús
180 gr. kús-kús
300 ml. grænmetiskraftur eða
kjúklingakraftur
350 gr. krukka grilluð paprika, olíunni
hellt af
1 þroskað avókadó
1 búnt vorlaukur
½ gúrka
100gr. kirsuberjatómatar
1 poki klettasalat
2 msk. sítrónusafi
2 msk. balsamik
Aðferð:
setjið kús-kúsið í skál og hellið
kraftinum yfir. látið standa í 5 mínútur
og hrærið því næst í með gaffli. látið
kólna alveg. skerið paprikur, avókadó,
vorlauk og gúrku í bita og skerið
tómatana í tvennt. Blandið öllu saman
við kús-kúsið um leið og þið eruð tilbúin
að bera fram. Hrærið sítrónusafa og
balsamik saman með smávegis af salti
og pipar og setjið yfir salatið. Blandið
saman og berið fram.
U m s j ó n : Þ ó r u n n S t e f á n s d ó t t i r . N e t f a n g t h o r u n n @ d v . i s
&Matur vín
Svalandi sumardrykkur
fátt er jafn svalandi og ískalt sódavatn í sumarhitanum. lítið mál er að búa til hinn
sparilegasta sumardrykk fyrir gesti og gangandi (eða jafnvel bara fyrir sjálfan sig) úr
sódavatni og hinum ýmsu ávöxtum. Einstaklega ljúffengt og líka fallegt í glasi er að
setja sódavatn og klaka í stóra könnu og skera niður fersk jarðarber og myntu og
bæta út í. annað tilbrigði af sódavatni er með rifinni, ferskri engiferrót og lime. Þá má
ef til vill bæta örlitlum sykri út í. svo er hægt að setja alls kyns ber, svo sem hindber
og bláber í sódavatnið og jafnvel myntu líka.
Kaffir lime lauf
frostþurrkuð Kaffir lime lauf er hægt að
finna í kryddhillum betri stórverslana.
Kaffir lime tré vex í suð-austur asíu og lauf
þess og aldin ásamt aldinberki eru notuð
í eldamennsku. laufin ilma eins og lime
og gefa milt sítrusbragð í rétti sem þau
eru notuð í. Þau henta einstaklega vel í
kjúklingarétti og fiskrétti. Þá má setja
nokkur lauf í
svaladrykki til að fá
gott limebragð.
laufin eru notuð á
sama hátt og
lárviðarlauf - setjið þau
út í rétti við upphaf
eldamennskunnar og
fjarlægið þau rétt áður
en maturinn er borinn
fram.
Öðruvísi
berjasulta
250 gr. hindber
250 gr. brómber
250 gr. bláber
750 gr. sykur
aðferð:
setjið berin í stóran pott og hitið rólega.
Kremjið berin varlega með sleifarbaki.
sjóðið í tíu mínútur. Bætið sykrinum við
og hrærið í við vægan hita þar til hann
leysist upp. látið suðuna koma upp og
sjóðið í 10-15 mínútur. Hrærið við og
við. Hellið í þrjár til fjórar sótthreinsaðar
krukkur. geymist í mánuð.
„Þetta er einn af þeim réttum
sem alltaf gera lukku,“ segir Sigríð-
ur Harðardóttir, ritstjóri og matgæð-
ingurinn að þessu sinni, sem býður
upp á grillaða lúðu. „Ég man ekki
betur en ég hafi kokkað upp þessa
uppskrift með sjálfri mér. Hins vegar
held ég að ég hafi fengið uppskriftina
að sósunni hjá Ragnheiði Hlynsdótt-
ur, vinkonu minni.“
Sigríður segist ekki elda lúðuna
oft. „Lúðan er svo dýr þannig að
þetta er svona sparimatur, en hún er
mjög drjúg. Og það er svolítil kúnst
að grilla hana rétt. Það má ekki of-
steikja hana því það er mikið atriði
að hún sé safarík.“
Aðspurð hvort hún sé meistara-
kokkur spyr Sigríður hlæjandi á móti
hvort blaðamaður haldi að hún segi
slíkt um sjálfa sig. „En það er alla
vega ekki kvartað svo ég held að ég
búi til hinn sæmilegasta mat,“ segir
Sigríður en tekur fram að eiginmað-
urinn sé einnig liðtækur í eldhús-
inu. „Hann tekur fullan þátt í þessu
með mér og sér til dæmis alltaf um
að grilla. En ekki bara það heldur er
hann líka prýðiskokkur.“
Grilluð lúða með paprikusósu

l 1 kg. þverskorin lúða (lúðusteikur)
– helst 3 cm. þykkar sneiðar, jafnvel
þykkari
l 3 hvítlauksrif
l 1-2 límónur
l grófmalaður pipar
l maldonsalt

Sósa
l 3 rauðar paprikur
l 1 msk. balsamedik
l ½ dós sýrður rjómi
l ½ dl. majónes
l salt
l pipar
l 1. Paprikurnar eru kjarnhreinsaðar
og skornar í fernt. Bátunum er raðað á
ofngrind með álpappír og þeir grillaðir
við 220°C þar til húðin er orðin svört.
teknir út úr ofninum og látnir kólna
nóg til að hægt sé að fletta húðinni af.
skornir í grófa bita.

l 2. lúðusneiðarnar eru lagðar á
fat og safinn úr límónunum kreistur
yfir. Hvítlauksrifin marin og smurð
á sneiðarnar. saltað vel og piprað.
sneiðarnar látnar marinerast um stund.

l 3. Paprikubitarnir settir í
matvinnsluvél ásamt balsamediki
og maukaðir. Maukið er sett í ílát og
blandað saman við sýrðan rjóma og
majónes. Kryddað með salti og pipar.

l 4. lúðan grilluð á útigrilli – um
fimm mínútur á hvorri hlið. gæta þarf
þess mjög vel að ofsteikja hana ekki.
Rétturinn er borinn fram með nýj-
um, soðnum kartöflum og fersku sal-
ati. Kartöflurnar eru settar í skál og velt
upp úr jómfrúarolíu ásamt maldon-
salti og ferskri steinselju.
Salatið má vera af þeirri gerð sem
hverjum og einum þykir best. Með
þessum rétti nota ég oftast blandaðar
tegundir af salati, tómata sem fengið
hafa að þroskast vel í glugga (ég geymi
tómata aldrei í ísskáp) og mozzarella-
ost. Ég dreifi salatinu á fat og dreifi
tómötunum og ostbitunum yfir. Yfir
salatið set ég vinaigrette sem búið er
til úr 3 msk. jómfrúarolíu, 1 msk. rauð-
vínsediki/balsamediki og 1 tsk. dijons-
innepi ásamt nýmöluðum pipar.
Ég ætla að skora á systur
mína, Auði Harðardóttur fjár-
málastjóra, að vera næsti mat-
gæðingur.
Lúðan geriralltaf lukku
Sigríður Harðardóttir Matgæðingurinn