Dagblaðið Vísir - DV - 27.07.2007, Blaðsíða 35

DV Sport föstudagur 27. júlí 2007 35
H
elga Margrét
Þorsteinsdóttir
er 15 ára gömul
frjálsíþróttakona
sem vakið hefur
mikla athygli í
sumar fyrir fræk-
in afrek á frjáls-
íþróttamótum
erlendis. Helga
Margrét, sem verður 16 ára í haust,
er uppalin í Hrútafirði og hefur æft
frjálsar íþróttir við mjög slakar að-
stæður fyrir norðan. Aðstæður sem
frjálsíþróttafólk í Reykjavík þarf ekki
að búa við. Hún hefur þrátt fyrir það
sýnt það og sannað að hún er efni-
legasta frjálsíþróttakona landsins en
hún keppir í sjöþraut. Í sjöþraut er
keppt í 100 metra grindahlaupi, há-
stökki, kúluvarpi, 200 metra hlaupi,
langstökki, spjótkasti og 800 metra
hlaupi. Það er því ljóst að til að ná ár-
angri í sjöþraut þarf gríðarlega mikla
hæfileika en Helga hefur sýnt að hún
hefur alla burði til þess að verða af-
bragðs sjöþrautarkona. Hún hefur
verið á faraldsfæti í sumar og tekið
þátt í þremur stórum mótum erlend-
is á stuttum tíma, þar hefur hún náð
frábærum árangri þrátt fyrir að vera
yngri en flestir keppenda á mótun-
um.
Fyrsta mót Helgu Margrétar var
í Noregi um miðjan júní en það var
Norðurlandamót unglinga 17 ára og
yngri. Á mótinu lenti hún í 2. sæti en
var samt ekkert sérstaklega ánægð
með frammistöðu sína á mótinu.
„NM var eiginlega ekkert mjög gott
mót hjá mér vegna þess að dag-
inn áður fékk ég kvef og höfuðverk.
Ég var því dálítið slöpp á mótinu
sjálfu en var ánægð með kúluvarpið.
Reyndar var það með þriggja kílóa
kúlu, sem er léttari en venjulega. Það
voru að öðru leyti engar stórbæting-
ar hjá mér á mótinu og ég ætlaði mér
alveg klárlega að gera betur en ég
gerði,“ sagði Helga aðspurð hvernig
gekk á NM í Noregi.
Næsta mót Helgu var í Tékklandi
um miðjan júlí en það var Heims-
meistaramót unglinga 17 ára og
yngri. Helga segir að á HM hafi hún
náð jöfnustu þraut sinni á ferlin-
um. „Ég er hrikalega ánægð með
það HM. Það var jafnasta þraut sem
ég hef farið í gegnum. Það var ekk-
ert stórkostlegt klúður á því móti.
Ég náði besta árangri ársins hjá mér
í mörgum greinum á HM, svo ég er
mjög ánægð með það. HM var miklu
betra mót hjá mér en NM.“
Helga er nýkomin frá Hollandi
þar sem hún keppti á Evrópumeist-
aramóti 20 ára og yngri. Þar var hún
yngst allra keppenda í sjöþrautinni
og vildi nota mótið til að sjá hvar hún
stæði gegn eldri og reyndari kepp-
endum. „Ég fór ekki með neinar
væntingar inn á EM. Ég vissi ekkert
hvar ég stæði eða neitt og ætlaði bara
að reyna að bæta mig frá því á HM.
Ég var samt rosalega ánægð með 10.
sætið á mótinu ég vissi ekki að ég
myndi ná svo langt. Ég sé á árangri
mínum á þessu móti að þessar stelp-
ur eru ekkert svo langt á undan mér.“
Af hverju stend ég í þessu?
Aðspurð hvort álagið í sumar hafi
ekki verið gríðarlegt sagði Helga að
svo hafi verið. Hún sagði að líkamlegt
og ekki síst andlegt álag væri mik-
ið á mótunum „Þegar það gekk sem
verst á EM fór ég að hugsa af hverju
ég væri að standa í þessu. Svo þegar
mér gekk vel hugsaði ég að þetta væri
það besta í heimi. Þannig að þetta er
gríðarlegt andlegt álag fyrir utan það
líkamlega. Mér finnst erfiðast að gíra
mig upp eftir lélegar greinar og reyna
að gleyma þeirri grein sem maður
var að klára.“
Helga er eins og áður sagði ein-
ungis 15 ára gömul. Hún á því mörg
ár eftir í íþróttinni og segist eiga
margt eftir ólært „Ég þarf að fara að
vinna í tækni í öllum greinum í raun
en kannski þó sérstaklega í spjót-
kasti, langstökki og hástökki. Ég hef
alveg ágætan styrk allavega miðað
við að vera bara 15 ára gömul. Þannig
að það er bara tæknin sem ég þarf
að fara yfir enda ekkert verið að æfa
við allt of góðar aðstæður til þess að
vinna í henni. Aðstaðan fyrir norðan
er í raun engin. Ég æfði í íþróttahúsi
á veturna þar sem er engin aðstaða
til að vera í gaddaskóm eða neitt og á
sumrin æfði ég alltaf á grasvelli sem
voru reyndar með tartan í spjótkasti
og langstökki. Ég gat til dæmis ekk-
ert æft hástökk á sumrin. Þetta er
ábyggilega aðalástæðan fyrir því að
tæknin mín er ekki nógu góð í dag.
Svo kem ég hingað til Reykjavík-
ur og þar er aðstaðan mikið mun
betri sérstaklega inniaðstaðan. Ég
hélt reyndar að þetta væri frábær að-
staða sem frjálsíþróttafólk hefur hér
en ég heimsótti Þóreyju Eddu (Elís-
dóttur) í Þýskalandi. Aðstaðan þar
var svoleiðis þúsund sinnum betri
en hér heima. Þannig að við eigum
enn dálítið langt í land. Það er miklu
meira en bara æfingarnar sem þarf
að laga hér. Allt fyrir utan þær mætti
laga svo að árangur Íslendinga verði
betri. Til dæmis má nefna aðgang að
sjúkraþjálfurum og nuddurum. Úti
hjá Þóreyju Eddu voru þeir á hverju
strái. Það er í raun fullt af litlum ein-
földum atriðum sem finnast ekki
hér. Það mætti nefna teygjuæfingar,
æfingatæki og fleira. Það væri mjög
auðvelt fyrir íslenska frjálsíþrótta-
menn að bæta þessi atriði hjá sér.“
Tilviljun að ég fékk þjálfara
Eins og áður sagði er Helga Mar-
grét uppalin í Hrútafirði. Þar æfði
hún með Ungmennasambandi Vest-
ur-Húnvetninga (USVH) á sínum
yngri árum. Helga segir það ein-
skæra tilviljun að hún hafi farið að
æfa frjálsar íþróttir skipulega þegar
hún var 10 ára gömul. „Ég var hrika-
lega heppin með það að þegar ég var
i 10 ára gömul kom strákur norður
sem heitir Guðmundur Hólmar Jóns-
son en hann hafði verið að æfa frjáls-
ar lengi. Hann fór að þjálfa mig og í
raun er þetta bara tilviljun að hann
skyldi koma norður og fara að þjálfa
mig. Ég byrjaði ekkert að æfa skipu-
lega fyrr en Guðmundur flutti norður
en hann hefur verið þjálfarinn minn
síðan þá og ég á honum þetta allt að
þakka, hann er mjög góður þjálfari.
Ég var alltaf að leika mér í frjáls-
um með krökkunum fyrir norðan
áður en Guðmundur kom. Það var
hópur af krökkum sem kom saman á
sumrin og við lékum okkur í frjálsum
íþróttum án þess að gera það eitthvað
skipulega. Í dag er ekkert svoleið-
is í gangi fyrir norðan sem er frekar
sorglegt. Það er reyndar héraðsmót í
kvöld (þriðjudag) hjá mínum mönn-
um í USVH og ég hefði alveg viljað
vera með. Mig langar dálítið að vera
áfram í USVH því það er náttúrulega
mitt lið. En það er bara svo erfitt að
vera alltaf ein að æfa.“
Það er þekkt í íþróttahreyfingunni
að ungmenni sem stunda afreksí-
þróttir þurfa að greiða háar fjárhæð-
ir fyrir keppnisferðir. Helga segist
ekki hafa fundið fyrir þessum mikla
kostnaði sem ferðirnar hafa í för með
sér. „Ég hef ekki fundið mikið fyrir
kostnaðinum á ferðalögunum inn-
anlands. En ég hef sótt æfingar suð-
ur sérstaklega síðasta vetur auk þess
bætast við ferðalög á mót. Það eru
kannski frekar foreldrar mínir sem
finna fyrir þessum kostnaði en ekki
ég. Ég fæ líka styrki sem hjálpa mér
rosalega mikið. En ég þarf ekkert að
borga fyrir utanlandsferðirnar á veg-
um FRÍ (Frjálsíþróttasambands Ís-
lands) þeir borga það alveg. Það er
annað en til dæmis í körfuboltan-
um og handboltanum en þar þurfa
krakkarnir að borga allar utanlands-
ferðir sjálfir. Umgjörðin hjá FRÍ er
bara nokkuð góð þeir eru að reyna
að gera sitt besta með það fjármagn
sem þeir eru með í höndunum. Það
mættu samt alveg sumir hlutir vera
betri eins og til dæmis búningamál.
En ég ætla ekki að kvarta.“
Var engin fitubolla
Þegar Helga var spurð hvort hún
væri með meðfædda hæfileika í
frjálsum íþróttum eða hvort árang-
urinn væri vegna þrotlausra æfinga
kom eilítið fát á hana. Hún svaraði
því til að hún hefði ábyggilega sitt lít-
ið af hvoru. „Ég held að ég hafi alveg
verið ágætt talent í frjálsar íþróttir. Ég
var alveg snögg, hröð og létt og hafði
allt til að bera til að verða góð í frjáls-
um íþróttum. Ég var allavega engin
fitubolla, svo ég þurfti ekkert að byrja
á því að vinna á því. En að sjálfsögðu
hef ég bætt mig mikið með æfingum
þannig að það eru ekkert bara hæfi-
leikarnir sem hafa skilað mér þess-
um árangri.“
Helga segir að hún hefði ekkert
endilega orðið betri frjálsíþróttakona
ef hún hefði alist upp í Reykjavík og
notið þeirra æfingaaðstæðna sem
reykvískt frjálsíþróttafólk býr við.
Hún segir að hugsanlega væri hún
ekki að æfa frjálsar íþróttir ef hún
hefði búið í Reykjavík allt sitt líf. „Ég
er ekkert viss hvort ég væri eitthvað
betri ef ég hefði alist upp í Reykja-
vík og æft þar frá 10 ára aldri. Ætli ég
væri nokkuð að æfa frjálsar íþróttir í
dag. Það er allt eitthvað svo afslapp-
að í sveitinni og svona sem hjálp-
ar held ég til að einbeita sér. Auk
þess sem það að æfa á grasi, sem ég
gerði fyrir norðan, minnkar líkurnar
á beinhimnubólgu. Ég finn fyrir því
strax og ég fer að hlaupa á malbiki
eins og ég geri í Reykjavík þá kemur
beinhimnubólgan strax upp. Þannig
að ég held að það hafi bara verið gott
að byggja sig upp þarna í sveitinni.“
Helga lauk grunnskólanámi í
vor og hefur framhaldsskólanám í
Menntaskólanum við Hamrahlíð nú
í haust. Hún segir það mikilvægt að
skipuleggja sig vel þegar æft er á fullu
og nám stundað samhliða því. „Mað-
ur verður að mennta sig, það er bara
þannig. En ég ætla ekkert að hætta í
frjálsum til að einbeita mér að skól-
anum né öfugt. Þannig að ég ætla
mér að reyna að tvinna þetta sam-
an, námið og íþróttina. Þetta er bara
spurning um að vera skipulagður og
þá næst þetta alveg.“
Helga er flutt til Reykjavíkur og
hefur hafið æfingar á fullu í höfuð-
borginni. Hún segist hafa fulla trú á
því að hún nái þeim framförum sem
nauðsynlegar eru hjá sínu nýja félagi.
„Ég fer í Ármann/Fjölni hér í Reykja-
vík og þar hef ég trú á því að ég nái
þeim framförum sem ég þarf að ná.
Þetta tekur náttúrulega dálítinn tíma
allt saman og ég laga ekkert tæknina
á einu ári. Ég þarf bara að vera þolin-
móð. En það kemur þegar það kem-
ur og ég fæ góðan þjálfara hjá mínu
nýja félagi sem er Stefán Jóhannsson
til að vinna að þessu með mér,“ segir
hin geðþekka Helga Margrét að lok-
um og heldur til æfinga með félögum
sínum í Ármann/Fjölni. kari@dv.is
SveitaStelpa
í Sjöþraut þjálfarinn„Helga hefur mikið keppnisskap og hefur líka mikla líkamlega hæfileika. En hún fer
mjög langt á keppnisskapinu. Ég sá strax
að Helga gæti orðið góð frjálsíþróttakona
en systir Helgu Margrétar var mjög góð
í frjálsum íþróttum og hún fylgdi í raun
bara í fótspor hennar. Helga þarf að bæta
tæknina hjá sér í stökkgreinum aðallega.
Hún er sterk og hefur þokkalega tækni í
kastgreinum, sérstaklega kúluvarpi. Það
var nefnilega hægt að æfa það mest þarna
fyrir norðan. Það var erfiðara að æfa lang-
og hástökk við þær aðstæður sem við höfð-
um í Hrútafirði. Hún á mikið inni í öllum
stökkgreinum,“ segir Guðmundur Hólmar.
HelgA MArgréT
Helga er nýkomin frá Hollandi þar
sem hún keppti á Evrópumeistara-
móti 20 ára og yngri. Þar var hún
yngst allra keppenda í sjöþraut-
inni og vildi nota mótið til að sjá
hvar hún stæði gegn eldri og
reyndari keppendum.