Dagblaðið Vísir - DV - 27.07.2007, Qupperneq 17

Katrín Georgsdóttir hefur ásamt
dönskum eiginmanni verið að leita
sér að íbúð til að kaupa. Þau eru
bæði 33 ára og hafa verið á leigu-
markaði í tvö ár. Þau hafa ekki treyst
sér til að kaupa íbúð vegna þeirrar
háu útborgunar sem krafist er.
Katrín flutti heim til Íslands
ásamt dönskum eiginmanni sínum
árið 2005 eftir að hafa verið í námi í
Danmörku í nokkur ár. Katrín hafði
verið í námi í umhverfisfræðum
en eiginmaður hennar var í tækni-
námi. Þegar komið var heim til Ís-
lands fór Katrín í barneignarleyfi
en saman eiga þau hjónin tvö börn.
Eiginmaður hennar fékk vinnu um
leið og hann kom til landsins. Síðan
þau komu hingað hafa þau leigt 65
fermetra íbúð í miðborg Reykjavík-
ur. „Ég var nánast ekki með neinar
tekjur á þessum fyrstu mánuðum
áður en ég fór að vinna í mars árið
2006. Við leigjum íbúð á 80 þúsund
krónur á mánuði og við teljum það
vera mjög vel sloppið. Til eru dæmi
þess að þriggja herbergja íbúðir
séu til leigu á 150 þúsund krónur á
mánuði,“ segir Katrín.
Erfið staða
„Staðan hjá okkur er þannig að
við náum ekki að safna nógu mikl-
um peningum því við erum með
tvær litlar stelpur sem eru sex og
tveggja ára. Þær eru saman í her-
bergi en þarfir þeirra fara að breyt-
ast þegar þær eldast og því höfum
við verið að leita okkur að íbúð. Við
þyrftum helst að komast í fjögurra
herbergja íbúð en eins og staðan
er núna er mjög dýrt að leigja sér
fjögurra herbergja íbúð. Þess vegna
þurfum við að kaupa okkur til að
losna úr þeim vítahring sem leigu-
markaðurinn er.“
Katrín segir að þar sem eldri
dóttir þeirra er byrjuð í skóla í Vest-
urbænum langi þau helst að vera
á því svæði. Katrín og eiginmaður
hennar eru auk þess í vinnu stutt
frá heimili þeirra og fara þau fót-
gangandi eða hjólandi á hverjum
degi til að spara bensínkostnað.
Gera litlar kröfur
Verð á húsnæði í miðbænum
er töluvert hærra heldur en geng-
ur og gerist í úthverfunum. Katrín
segir að þó að verð sé hærra yrði
það hvort sem er dýrara fyrir þau
að ferðast úr úthverfum niður í
miðbæinn. „Þetta er óskemmtilegt
ástand og það er ferlega óþægi-
legt að vera í svona óvissuástandi.
Í þokkabót er leigan að fara hækka
hjá okkur og við erum ekki á nein-
um ofurlaunum þar sem við erum
að stíga fyrstu skrefin.“
Katrín segir að mikill kostnaður
fylgi því að eiga lítil börn og að þau
rétt nái endum saman til að lifa af
mánuðinn. „Við gerum mjög litlar
kröfur og keyrum ekki um á dýrum
bíl eða kaupum okkur dýr föt. Við
vorum að vísu með yfirdráttarskuld
eftir námið í Danmörku sem við
þurftum að borga fljótt vegna hárra
vaxta. Við vitum satt að segja ekkert
hvað við eigum að gera.“
DV Helgarblað Föstudagur 27. júlí 2007 17
Húsnæðisverð mun Hækka áfram
að þeim tíma liðnum en þá verða
þær lækkanir líklega í gegnum verð-
bólgu líkt og verið hefur á undan-
förnum árum og áratugum,“ seg-
ir Ingólfur sem segir að það myndi
gerast samhliða gengisfellingu
krónunnar ef Seðlabankinn myndi
lækka stýrivexti. „Við gætum séð
krónuna gefa eftir og verðbólguna
skjótast upp. Það yrði ekki mikið og
erum við þá að tala um fimm til sex
prósent verðbólgu.“
Ingólfur segir að Seðlabankinn
sjái húsnæðisverð sem einhverja
verðbólu á markaðnum sem muni
springa. „Við sjáum þetta ekki sem
verðbólu öfugt við það sem Seðla-
bankinn heldur fram. Við teljum að
þetta séu frekar verðhækkanir sem
skýrast af þessum efnahagslegu
breytingum sem átt hafa sér stað á
undanförnum árum. Þrátt fyrir að
framboð á nýju húsnæði sé mjög
mikið og erlent vinnuafl muni flytja
af landinu í kjölfar framkvæmdaloka,
sjáum við ekki verulegar nafnvirðis-
lækkanir.
Húsnæðisverð í reykjavík hefur
hækkað mikið á undanförnum
árum. Ingólfur Bender segir að
verðið muni ekki koma til með að
lækka á næstu árum.
Katrín Georgsdóttir og fjölskylda hennar er á leigumarkaði:
algjör vítaHringur
Katrín Georgsdóttir
Fjölskylda hennar eru í hálfgerðum
vítahring. Hún er á leigumarkaði og sér
sér ekki fært að kaupa íbúð.
Íbúðakaup geta verið óyfirstíganlegur þröskuldur fyrir ungt fólk. Dagný Ósk Aradóttir,
formaður Stúdentaráðs, segir að leigumarkaðurinn sé ekki síður erfiður. Hún segir að
húsaleigubætur verði að hækka ef stúdentar eiga að geta verið á leigumarkaði.
„Þessi þróun er vissulega áhyggju-
efni, sérstaklega í ljósi þess að leigu-
verð hefur einnig hækkað mjög
mikið,“ segir Dagný Ósk Aradóttir,
formaður Stúdentaráðs. Dagný seg-
ir að það sé mjög erfitt fyrir fólk sem
er í skóla og á námslánum að vera á
leigumarkaði. „Leigumarkaðurinn er
sérstaklega erfiður fyrir þá sem ekki
komast að á stúdentagörðunum.
Verðið á þeim er mjög sanngjarnt
og miklu lægra en gengur og gerist á
hinum almenna leigumarkaði.“
Óyfirstíganlegur þröskuldur
Dagný segir að ástandið sé ekki
síður erfitt fyrir ungt fólk sem er ný-
komið úr námi. „Þetta er nánast óyf-
irstíganlegt fyrir fólk sem langar til
að festa rætur. Þá skiptir engu hvort
það sé orðið vel menntað og komið
með góðar tekjur,“ segir Dagný. Eins
og staðan er á fasteignamarkaðn-
um í dag þarf fólk að geta borgað út
fjórar milljónir króna fyrir íbúð sem
kostar tuttugu milljónir, en nýlega
lækkaði Íbúðalánasjóður hámarks-
lánin niður í 80 prósent.
Langir biðlistar
Dagný segir að heildarfjöldi
stúdentaíbúða sem Háskóli Íslands
býður fólki sé rúmlega sjö hundr-
uð. „Félagsstofnun stúdenta sér um
þessar íbúðir og í þeim búa um 1200
manns. Það eru alls ekki allir sem
komast að og það er mikill skortur
á íbúðum. Það eru alltaf mjög langir
biðlistar á haustin og það er erfitt að
segja nei við fleiri hundruð manns
á hverju ári,“ segir Dagný. Ástand-
ið á stúdentagörðunum horfir þó
til bóta því bráðlega verður ráðist í
byggingu á tæplega fimm hundruð
stúdentaíbúðum á Einholt/Þverholt
reitnum. Auk þess gera áætlanir ráð
fyrir að fleiri íbúðir muni rísa vítt og
breitt um Reykjavíkurborg.
Dagný segir að Stúdentaráð hafi
beitt sér á undanförnum mánuðum
við að fá fleiri stúdentaíbúðir. „Við
erum í mikilli vinnu með Reykjavík-
urborg og Háskólanum núna sem
hefur gengið mjög vel. Við höfum
einnig sett kröfu á stjórnvöld um að
hækka húsaleigubætur. Ég held að
þær hafi ekki hækkað í um tíu ár og
verðið á leigumarkaðnum er orðið
miklu hærra en þá. Þessar bætur eru
í engum takti við hið raunverulega
ástand á fasteignamarkaðnum.“
Dagný segir að til séu dæmi um
að fólk hafi hreinlega hætt í námi
vegna þess hversu erfitt ástandið er
á leigumarkaðnum. „Það eru allt-
af einhverjir sem hætta í námi af
þessum ástæðum. Ef maður ætlar
að vera á stúdentagörðunum þarf
maður að skila um tuttugu eining-
um sem er töluvert. Það eru ekki all-
ir sem hafa tök á því sem þurfa þá að
leita annað.“
Húsaleigubætur
verða að Hækka
Dagný Ósk „Þetta er nánast óyfirstígan-
legt fyrir fólk sem langar til að festa rætur.
Þá skiptir engu hvort það sé orðið vel
menntað og komið með góðar tekjur.“
„Við munum halda
áfram að sjá hækk-
anir á næstu mánuð-
um en svo er líklegt
að það verði stöðnun
á nafnvirði.“