Kjarninn - 27.02.2014, Qupperneq 14

06/07 Efnahagsmál
augljós liður í áætlun stjórnvalda að losa sig við „óþægi-
legan“ seðlabankastjóra.
Viðmælendur Kjarnans segja ummæli forsætisráðherra
hafa slegið starfsfólk bankans illa. Starfsfólk sé upp til hópa
mjög sárt vegna þeirra og telji þau ómakleg. Lítil stemmning
sé á meðal þess að fara aftur að vinna í álíka umhverfi og
tíðkaðist innan bankans fyrir efnahagshrun.
Starfsmennirnir benda á þann árangur sem náðst hefur
í efnahagsmálum á undanförnum árum máli sínu til stuðn-
ings. Á þeim fimm árum sem liðin séu frá því að núverandi
peningamálastefnunefnd Seðlabankans hafi tekið við hafi
verðbólga hjaðnað umtalsvert, atvinnuleysi minnkað og á
síðasta ári hafi mælst hér á landi þriggja prósenta hagvöxtur,
sem sé mesti hagvöxtur á meðal vestrænna þjóða.
Kjarninn hefur heimildir fyrir því að lykilstarfsmenn
innan bankans séu á meðal þeirra starfsmanna sem íhugi að
segja starfi sínu lausu vegna væringanna. Þeir, eins og aðrir
starfsmenn bankans, ætla hins vegar að bíða og sjá hvað
verður.
Vegið að trúverðugleika bankans
Heimildarmenn Kjarnans segja að
ummæli forsætisráðherra hafi vegið
að trúverðugleika bankans. Þau geri
bankanum erfitt um vik að stunda
trúverðuga og sjálfstæða peninga-
stefnu með ummælin hangandi yfir
sér. Þá sé peningastefna hans í veikri
stöðu eftir þau, því möguleg lækkun
hans á stýrivöxtum verði túlkuð sem
svo að bankinn sé að þóknast stjórn-
völdum. Þá verði skrefin sömuleiðis
þung bankanum ef til komi hækk-
un á stýrivöxtum. Ummælin séu
vanhugsuð og setji bankann í mjög
erfiða stöðu.
Þá velta heimildarmenn Kjarnans