Kjarninn - 27.02.2014, Qupperneq 21

05/05 Stjórnmál
gagnrýndi tillöguna harðlega, bæði hvað varðaði efni og
ekki síður orðalag. Sagði hann tillöguna „óboðlega“ og ekki
tæka til að undirbyggja ákvörðun stjórnvalda. Steingrímur
J. Sigfússon, þingmaður Vinstri grænna og fyrrverandi
formaður flokksins, var einnig gagnrýninn á tillöguna og
sagði að Gunnar Bragi Sveinsson utanríkisráðherra ætti
að sjá sóma sinn í því að draga tillöguna „að öllu leyti“ til
baka. Gunnar Bragi kallaði fram í ræðu Steingríms að hann
væri í það minnsta ekki að segja þinginu ósatt. Steingrímur
snöggreiddist við þetta og bað forseti Alþingis, sem þá var
Valgerður Gunnarsdóttir þingkona Sjálfstæðisflokksins,
þingmenn um að gæta orða sinna. Gunnar Bragi bað Stein-
grím síðar afsökunar á orðum sínum.
Þingsályktunartillagan bíður þess enn að vera samþykkt
formlega af Alþingi, en allt útlit er fyrir að það gerist fyrr
en seinna, í ljósi þess að afgerandi stuðningur er við hana í
þingflokkum beggja stjórnarflokkanna.