Kjarninn - 27.02.2014, Side 33

05/06 Efnahagsmál
samið yrði um Icesave. Reimar hefur
auk þess skrifað um að knýja eigi
föllnu bankana í gjaldþrot og greiða
út til kröfuhafa þeirra í íslenskum
krónum. Jón Helgi situr í bankaráði
Seðlabanka Íslands ásamt Ragnari
Árnasyni. Samkvæmt svari forsætis-
ráðuneytisins við fyrirspurn Kjarn-
ans um málið er hópurinn skipaður
mönnum sem „taldir eru búa yfir
sérfræðiþekkingu á sviði fjármála,
gjaldeyrismála og gjaldþrotaréttar.
Hlutverk þeirra er m.a. að vinna
úr tölfræðilegum upplýsingum um
stöðu þjóðarbúsins, leggja heildar-
mat á stöðuna og koma með tillögur
til ráðherranefndarinnar“.
talin stýra vinnunni
Þessi hópur er talinn stýra vinnunni
um afnám hafta. Aðalatriði þeirrar
vinnu er hvernig þrotabú föllnu
bankanna verði gerð upp. Þar eru
tveir skólar í gangi: annars vegar að
heimila kröfuhöfum að greiða sér út
erlendar eignir sínar gegn því að þeir
samþykki lausn á því hvað verði um
krónueign þeirra sem sé þess eðlis að
hún valdi engum gjaldeyrisójöfnuði
hérlendis. Hins vegar er sú leið sem
ýmsir innan ráðgjafahópsins hafa
talað sterkt fyrir og í felst að setja
gömlu bankanna í gjaldþrot, gera all-
ar erlendu eignir þeirra skilaskyldar
og borga kröfuhöfum út í íslenskum krónum.
Þarna er um mikla hagsmuni að ræða. Þrotabú föllnu
bankanna eru risavaxin. Eignarsafn Glitnis er til að mynda
nauðasamningsleiðin
Q Þrotabú bankanna sækja um undanþágu frá
gjaldeyrishöftum til að geta klárað nauðasamninga.
Til að þær undanþágur verði samþykktar þurfa
tillögurnar að uppfylla skilyrði laga um stöðugleika í
gengis- og peningamálum.
Q Takist það verða erlendar eignir þrotabúanna, sem
hlaupa á þúsundum milljarða króna, greiddar út til
þeirra.
Q Til að stöðugleikinn í gengis- og peningamálum ná-
ist þurfa kröfuhafarnir að gefa eftir þorra íslenskra
eigna sinna eða binda þær til mjög langs tíma.
Tillögur þeirra hafa miðað við að reyna að selja að
minnsta kosti einn nýju bankanna, Íslandsbanka,
til erlendra aðila. Afgangur eigna þeirra innan
hafta yrði „seldur“ fyrir litla upphæð til opinbers
aðila, líklega dótturfélags Seðlabanka Íslands, eða
bundinn í langtímaendurfjármögnun á t.d. íslenska
fjármálakerfinu á kjörum sem eru mun hagstæðari
en því bjóðast á alþjóðamörkuðum í dag.
gjaldþrotaleiðin
Q Gömlu bankarnir verða settir í gjaldþrot samkvæmt
íslenskum gjaldþrotalögum.
Q Erlendar eignir þeirra verða skilaskyldar til Seðla-
banka Íslands, sem mun með því eignast mikinn
gjaldeyri. Sá gjaldeyrir yrði væntanlega vistaður inni
í dótturfélagi Seðlabanka Íslands.
Q Allir kröfuhafar fá í kjölfarið greitt í íslenskum krón-
um og slíkum mun þar af leiðandi fjölga gríðarlega.
Q Seðlabanki Íslands, eða dótturfélag hans, hefði
umsjón með því að koma þeim eignum sem hann
myndi leysa til sín í verð. Á meðal þeirra yrðu tveir
viðskiptabankar: Arion banki og Íslandsbanki.
Q Vonir standa til þess að kröfuhafarnir myndu þá vilja
losna við þessar krónueignir með gríðarlega miklum
afslætti. Íslenskir aðilar myndu þá verða tilbúnir að
kaupa þær af þeim.