Kjarninn - 27.02.2014, Side 34

06/06 Efnahagsmál
metið á 924 milljarða króna. Einungis 275 milljarðar eru í
íslenskum krónum. Restin er bundin í erlendum lánum og
reiðufé. Búist er við því að allar eignir búsins verði orðnar að
reiðufé í lok árs 2016. Í þrotabúi Kaupþings eru 790 milljarðar
króna. Rúmlega 18 prósent af þeirri upphæð eru eignir í
íslenskum krónum.
Ljóst er að það eru
aðilar innan ráðgjafar-
hópsins sem vilja fara
gjaldþrotaleiðina. Kröfu-
hafar eru henni eðlilega
mjög andsnúnir. Þeir telja
að það muni ekki hafa nein
kerfisleg áhrif á íslenska
efnahagskerfið að þeir fái
að greiða sér út erlendar
eignir þrotabúanna. Í
einkasamtölum fullyrða
þeir að barist verði gegn
slíkri leið með kjafti og
klóm verði ákveðið að fara hana. Það muni þeir meðal annars
gera með því að hunsa skilaskyldu til Seðlabankans og fá
dómstóla í þeim löndum þar sem eignirnar eru geymdar í lið
með sér í þeirri baráttu.
margir geta orðið ríkir
Sú leynd sem ríkir yfir starfinu veldur mörgum áhyggjum.
Um er að ræða ákvörðun sem mun hafa gríðarleg áhrif á ís-
lenskt samfélag, óháð því hvor leiðin verður valin. Það liggur
líka fyrir að á meðan að afnámsáætlunin er ekki opin ber
ríkir mikið ójafnræði á markaði á milli þeirra sem vita hvað
í henni felst og hinna sem vita það ekki. Afnámsáætlunin
mun enda hafa verðmyndandi áhrif á allar fjármálavörur.
Slíkt ástand þykir ekki til þess fallið að auka trú á íslenskt
markaðshagkerfi.
mótmæli
Tilkynning um ætlaðar
breytingar á lögum um
Seðlabanka Íslands og slit
á Evrópusambandsaðild í
síðustu viku hleypti íslensku
samfélagi í uppnám. Þúsundir
hafa mótmælt við Alþingi
nokkra daga í röð.