Kjarninn - 27.02.2014, Síða 37

02/05 Viðskipti
H
agamelur ehf., félag í eigu fjárfestanna Árna
Haukssonar, Hallbjörns Karlssonar og Sigur-
björns Þorkelssonar, seldi á mánudag 6,6
prósenta hlut í smásölurisanum Högum. Með
sölunni innleystu þeir um 2,3 milljarða króna
hreinan hagnað á fjárfestingu sinni í félaginu, en tæp þrjú
ár eru síðan þeir lögðu út í hana. Hagamelur á enn tæplega
1,6 prósenta hlut. Sá hlutur er metinn á tæplega 800 milljónir
króna, sem er svipuð upphæð og þeir fjárfestu upprunalega í
Högum.
Um er að ræða mesta hagnað sem einkafjárfestir hefur
innleyst frá hruni vegna hlutabréfaviðskipta. Fyrri stórar
hagnaðarsölur, til dæmis með bréf í Icelandair,
hafa flestar verið þannig að Framtakssjóður Ís-
lands, að mestu í eigu lífeyrissjóða, hefur verið
að selja lífeyrissjóðunum sem eiga sjóðinn.
Þannig hafa peningar verið færðir úr einum
vasa í annan.
Það kemur væntanlega engum á óvart að
það voru að mestu lífeyrissjóðir sem keyptu
hlut Hagamels í Högum. Mest keypti Lífeyris-
sjóður verslunarmanna, en hann borgaði um 1,7
milljarða króna fyrir um 3,4 prósenta hlut.
Voru valdir til að kaupa
Hagar voru fyrsta félagið sem skráð var á markað eftir
hrunið. Arion banka hafði þá tekist að losa um eignarhald
Baugsfjölskyldunnar á félaginu sem hún hafði stofnað og
rekið í hartnær tvo áratugi. Bankinn hóf í kjölfarið leit að
einhverjum til að taka kjölfestuhlut í Högum áður en félagið
yrði skráð á markað. Vorið 2010 hafði starfsmaður Arion
banka samband við Árna og Hallbjörn til að kanna áhuga
þeirra á að fylla þetta hlutverk. Þeir höfðu ekki áhuga þá,
enda stóð til fá þá til að kaupa 30 prósenta hlut. Það fannst
þeim of mikið.
Í nóvember sama ár rann síðan út óskuldbindandi frestur
til að skila inn tilboðum í kjölfestuhlut í Haga. Tíu aðilar,
Viðskipti
Þórður Snær Júlíusson
„Það þýðir að Hagamelur
innleysti um 2,2 milljarða
króna hagnað og heldur
samt sem áður eftir 1,53
prósenta hlut í Högum
og er enn langstærsti
einka fjárfestirinn í
smásölurisanum.“