Kjarninn - 27.02.2014, Qupperneq 42

01/01 sjö spurningar
Hvað á að gera um helgina?
Látum okkur nú sjá. Ég ætla alla-
vega að byrja á því að fá mér gott
að borða á Höfninni á föstudags-
kvöld og upplifa Food & Fun í
fyrsta sinn. Laugardeginum verður
varið með lífsglöðum frænkum og
kvöldið verður mjög menningar-
legt – Óperan Ragnheiður í Hörpu.
Sunnudagur er alveg óráðinn, sem
er ansi gott því ég get gert það
sem ég elska: að hangsa.
Hvaða plata kemur þér í stuð
(og af hverju)?
Sama hvað ég leita í hausnum þá
finn ég ekki svarið, kannski þar
sem maður er eiginlega alveg
hættur að hlusta á plötur í heild
sinni og gerir eigin lagalista. Ég er
með skotheldan hlaupalista sem
kemur mér í gírinn en hann er stút-
fullur af spænskum lögum.
Hvaða sjónvarpsþættir eru í
uppáhaldi þessa dagana?
Var að byrja á True Detective og það
lofar góðu. Matthew McConaughey,
sem hefur hingað til alltaf leikið
sæta gaurinn og ekki verið að vinna
leiksigra, er ótrúlegur. Annars hef
ég líka verið að horfa á Seinfeld en
þættirnir fóru framhjá mér á sínum
tíma, sem þýðir að ég fór á mis við
lífið! Þeir eru bestir!
Hvaða samstarfsfélagi á 365 er
fyndnastur (og af hverju)?
Þessi er erfið, þ.e.a.s. að velja bara
einn, og ég hef þess vegna ákveðið
að svindla. Hödd Vilhjálms dóttir er
ALLTAF í góðu skapi, Sindri Sindra-
son er eins hnyttinn og þeir gerast,
Gissur Sigurðsson fær mann til að
hlæja og vilja faðmlag og svo er
það Egill Aðalsteinsson, sem hefur
lengt líf mitt um tíu ár. Ef ég geri
grínmynd verður hann fyrirmynd
aðalpersónunnar.
Hvaða land er í sérstöku uppá-
haldi hjá þér (og af hverju)?
Spánn, Spánn og aftur Spánn. Ég
hef tvisvar farið þangað til að læra
tungumálið og svo í fjöldamörg
skipti í frí. Finnst alltaf eins og ég
sé komin heim enda á því að hafa
verið Spanjóli í fyrra lífi.
Hvað finnst þér um ákvörðun
stjórnarflokkanna að draga
aðildarumsóknina að ESB til
baka?
No comment.
Af hverju hefur þú mestar
áhyggur í íslensku samfélagi í
dag?
Þegar stórt er spurt. Ég hef í mörg
ár haft áhyggjur af stöðu eldri
borgara og ekkert bendir til þess
að áhersla stjórnvalda breytist í
þeim efnum. Ég verð að segja að
ég hræðist örlítið að eldast.
sjö spurningar
hugrún halldórsdóttir
Sjónvarpskona
01/01 sjö spurningar kjarninn 27. febrúar 2014