Kjarninn - 27.02.2014, Síða 54

03/06 Viðtal
sem svo réðst á þá með hræðilegum hætti. Blóðið fossaði,
margir slösuðust og þriggja stúdenta er enn saknað,“ segir
Sviatoslav í samtali við Kjarnann.
Árás Berkut hélt áfram daginn eftir, 1. desember. „Eftir
þau átök byrjuðum við að reisa varnargarða til að girða
torgið af frá árásum lögreglu. Ég vil taka fram að hvorki
verslunar- né skrifstofuhúsnæði í námunda við torgið varð
fyrir skemmdum af völdum mótmælenda.“
Sviatoslav segir átök lögreglu og mótmælenda á
Sjálfstæðis torginu hafa fyrst náð hámarki 11. desember þegar
lögregla umkringdi torgið og reyndi að fækka í hópi mót-
mælenda. Þá hafi allt soðið upp úr 17. janúar þegar úkraínska
þingið samþykkti umdeild lög sem bönnuðu mótmælastöður
og hópamyndanir. „Eftir það hófu mótmælendur að ráðast
á lögreglu, sem hafði myndað varnarstöðu í kringum þing-
húsið. Átökin leiddu svo til þess að þingið felldi lögin úr gildi
og samið var um tímabundið vopnahlé, sem átti ekki eftir að
endast lengi,“ segir Sviatoslav.
Hann segir fyrstu mótmælendurna hafa fallið fyrir sér-
sveit lögreglu 18. janúar og mótmælin hafi á ný náð hámarki
sínu dagana 19. til 21. febrúar þegar lögregla reyndi í síðasta
skipti að fækka í hópi mótmælenda á torginu með bryn-
vörðum farartækjum og sjálfvirkum skotvopnum. Sviatoslav
þakkar guði fyrir að hvorki hann né aðrir vinir í hans hópi
hafi slasast í átökunum.
fyrstu mótmælin
Hinn 21. nóvember hófust
mótmælin á Frelsistorginu í
Kænugarði. Myndin er tekin af
því tilefni.