Kjarninn - 27.02.2014, Blaðsíða 56

05/06 Viðtal
Þurfum ekki að breyta nöfnunum heldur kerfinu
Vítalí Klitsjkó, fyrrverandi heimsmeistari í hnefaleikum,
varð á tímabili ein helsta rödd mótmælanna í Úkraínu og tók
virkan þátt í þeim. Hann hefur tilkynnt að hann muni bjóða
sig fram til forseta í komandi kosningum. Þá var pólitíski
fanginn og fyrrverandi forseti Úkraínu, Júlía Tímósjenkó,
leyst úr haldi eftir mótmælin.
„Fólkið á Sjálfstæðistorgi var hvorki að
berjast fyrir Klitskó né Tímósjenkó. Það
var að berjast fyrir réttindum sínum og
virðuleika. Þar að auki fer ekki gott orð af
Tímósjenkó á meðal mótmælendanna, hún er
hluti af sama kerfinu þó að hún komi úr öðr-
um stjórnmálaflokki. Klitsjkó nýtur virðingar
sem íþróttamaður en ekki sem stjórnmála-
maður. Fólkið vill ekki breyta nöfnunum sem
stýra landinu, heldur kerfinu sjálfu. Það vill
stuðla að pólitísku kerfi þar sem lýðræði og
ábyrgð verði höfð að leiðarljósi, fremur en
rótgróin spilling. Ef fram stíga einstaklingar
sem vilja stuðla að þessu munu þeir vafalaust
hljóta stuðning en við munum aldrei gefast
upp fyrr en ráðist verður í þessar úrbætur.“
Fyrrverandi þegnar Rússlands nú búsettir
í Úkraínu hafa lýst yfir andstöðu við stjórnar-
skiptin í Úkraínu og finna Virðuleika-
byltingunni allt til foráttu. „Rússnesk yfir-
völd hafa gert allt sem í þeirra valdi stendur til að skemma
fyrir samstarfinu við Evrópusambandið. Það eru fjölmargar
ástæður fyrir því, en aðalástæðan er sú að Pútín getur ekki
hugsað sér að þegnar sínir sjái hvernig Úkraína mun dafna
í samstarfinu og njóta sambærilegra forréttinda og aðrar
þjóðir innan Evrópusambandsins. Pútín óttast að þá muni
þjóðin snúast gegn honum, hætta að trúa bullinu í honum, og
steypa honum af valdastóli,“ segir Sviatoslav.
Forsetahöll Janúkovitsj hefur verið opnuð almenningi,
eftir að forsetanum var steypt af stóli. Smekklaus íburðurinn
sviatoslav og klitsjkó
Hér má sjá Sviatoslav
Khanenko og Vítalí Klitsjkó
við mótmælin á Frelsistorginu
í Kænugarði. Þungavigtar-
meistarinn fyrrverandi hefur
boðað framboð sitt til forseta í
komandi kosningum.