Kjarninn - 27.02.2014, Síða 57

06/06 Viðtal
í höllinni hefur gert marga orðlausa. „Ég er búinn að skoða
forsetahöllina. Hún ber smekkleysi forsetans mikinn vitnis-
burð, og hvernig margur verður af aurum api. Peningar og
völd voru það eina sem skiptu hann máli.”
hvekkt en bjartsýn þjóð
Sviatoslav segir bjartsýni gæta á meðal úkraínsku þjóðarinn-
ar. „Hættulegasti tíminn er nú liðinn, og sá erfiðasti fram
undan. Hvernig við byggjum upp nýja þjóð og gætum þess
að vera ekki svikin eins og hefur gerst svo oft áður. Reynsla
síðustu 23 byltingarára sýnir að fyrrverandi og núverandi
kommúnistar, studdir af KGB, eru mesta vandamálið. Við
erum bjartsýn en gerum okkur
grein fyrir því að baráttan er rétt að
byrja.“
Eins og fram hefur komið eru að-
eins liðin nokkur ár frá appelsínu-
gulu byltingunni í Úkraínu, þar sem
Janúkovitsj var fyrst steypt af stóli.
Telur Sviatoslav að nú muni hlutir
fyrir alvöru breytast fyrir land og
þjóð?
„Við höfum haft þrjár byltingar
á síðustu 23 árum. Þá fyrstu árið
1991, hina svokölluðu ókláruðu
byltingu, þar sem kommúnistarnir
komust aftur til valda með hjálp
glæpamanna. Appelsínugulu byltinguna árið 2004, hina
svokölluðu sviknu byltingu, þar sem Júsjenkó, sem tók við
valda taumunum af Janúkovitsj, sveik það sem hann hafði
lofað. En Virðuleikabyltingin hófst einmitt sama dag og sú
appelsínugula nokkrum árum áður, 21. nóvember. Við trúum
að byltingin núna muni loksins færa okkur mannsæmandi líf
í heimalandi okkar. Við erum reynslunni ríkari og það mun
hjálpa okkur að stuðla að velmegun í Úkraínu fyrir fólkið
okkar. En það er mikil vinna fram undan.”
frelsistorgið í björtu báli
Þúsundir mótmælenda
samankomin á Frelsistorginu í
Kænugarði 19. febrúar.