Kjarninn - 27.02.2014, Qupperneq 60

03/04 álit
þeirra fái ekki réttláta málsmeðferð í sakamálum sem eru til
rannsóknar eða komin fyrir íslenska dómstóla. Verjendurnir
hafa einnig lýst þem áhyggjum sínum að dómskerfið sé ekki
í stakk búið til að taka við flóknum málum sem þessum og
sumir þeirra hafa ekki séð sér fært að sinna samfélagslegu
hlutverki sínu sem verjendur vegna þess að þeir treysta
ekki íslenskum dómstólum til að gæta grundvallarréttinda
skjólstæðinga þeirra. Einnig hefur verið rætt um ætlaða
þöggun fjölmiðla og ætlaða þögn fræðasamfélagsins í þessu
samhengi. Þrátt fyrir ætlaða þöggun eða þögn hefur stjórn
Lögmanna félagsins ályktað um þessi mál oftar en nokkur
mál, í það minnsta ef tekið er mið af heimasíðunni www.lmfi.
is Á heimasíðu félagsins fann ég tvær nýlegar ályktanir sem
varða báðar niðurstöður dómstóla í sakamálum sem varða
efnahagsbrot sem tengjast hinu svokallaða
bankahruni. Annars vegar frá því í júní
2013 varðandi framlagningu gagna. Hins
vegar frá því fyrr í þessum mánuði varðandi
samskipti verjanda við vitni og aðfinnslur
héraðsdómara í svokölluðu Al-Thani máli
vegna þess, en áður hefur verið fjallað um
það mál á heimasíðu Kjarnans. Tengill á um-
fjöllun Kjarnans: http://kjarninn.is/stjorn-
logmannafelagsins-alyktar-i-al-thani-mali
Í ljósi þessa hugsaði ég að fyrst við værum
svona illa stödd hlyti stjórn Lögmannafélagsins einnig að
hafa ályktað oft um grunnstoðir réttarríkisins á undan-
förnum árum í hinum ýmsu sakamálum.
Ég fann ekki eina einustu ályktun um önnur mál.
staðan í réttarríkinu íslandi
Hinn 15. febrúar síðastliðinn birtist frétt á vef Morgun-
blaðsins um fyrrnefndan fyrirlestur Geirs Lippestad. Í þessari
frétt vakti athygli mína að sagt var frá því að að formaður
Lögmannafélags Íslands hefði haldið stutta tölu áður en
fyrirlesturinn byrjaði þar sem hann benti á að líkindi með
máli Breiviks mætti finna í íslensku samfélagi þar sem einnig
„Já, eða á ég
kannski að segja
hið svokallaða
bankahrunsí ljósi
ályktunar stjórnar
Lögmanna-
félags Íslands.“