Kjarninn - 27.02.2014, Síða 72

05/06 pistill
flickr
Flickr er myndavefur sem býður upp á möguleika til að
geyma og miðla mörgum myndum með ýmsum hætti.
Lögreglan hefur einkum notað þennan vef til þess að miðla
eldri myndum úr safni lögreglunnar, en það safn er stórt
og mikið að vöxtum og hefur til þessa verið lítt aðgengilegt
almenningi eða starfsmönnum lögreglu. Á þessum myndum
er saga lögreglunnar síðustu hundrað ár eða svo varðveitt.
Á sama tíma og mikilvægt er að fylgjast með tækninýjung-
um og nota nýjustu aðferðir, tæki og tól, til samskipta og
upplýsinga miðlunar er mikilvægt að halda góðum tengslum
við fortíðina og söguna, sýna því góða starfi sem unnið hefur
verið í lögreglunni á liðnum árum tilhlýðilega virðingu og
nýta áfram það sem vel hefur verið gert. Miðlun mynda til
almennings er liður í því.
pinterest
Fyrsti pistilinn sem ég skrifaði í Kjarnann fjallaði um þörfina
á því að uppfæra reglur sem gilda um meðferð óskilamuna.
Umræddar reglur eru heldur betur komnar til ára sinna enda
að stofni til settar fyrir frönsku byltinguna. Þær gera m.a. ráð
fyrir því að geyma þurfi óskilamuni í heilt ár áður en þeim er
ráðstafað en þá er heimilt að selja þá á uppboði sem auglýsa
má í blöðum eða með bumbuslætti þar sem þeim er ekki til
að dreifa. Meðan enn er beðið eftir því að reglurnar verði
uppfærðar hefur samfélagsmiðillinn Pinterest verið tekinn
til handargagns í þeim tilgangi að miðla upplýsingum um þá
óskilamuni sem rata til lögreglunnar á höfuðborgarsvæðinu.
Allt er þetta gert í þeim tilgangi að auka líkurnar á því að
umræddir munir komist til eigenda sinna. Þetta framtak
hefur til þessa ekki verið auglýst víða en frá og með síðustu
áramótum hafa myndir og nánari upplýsingar um alla óskila-
muni sem okkur berast verið settar þarna inn, skipt í nokkra
flokka. Reynslan á þessum stutta tíma bendir til þess að mun
betur gangi en áður að koma óskilamunum til skila, ekki síst
eigendum þeirra til mikillar ánægju.