Kjarninn - 03.04.2014, Qupperneq 45

01/01 Sjö Spurningar
Af hverju hefur þú mestar
áhyggjur þessa dagana?
Ég reyni eftir bestu getu að lifa
áhyggjulausu og einföldu lífi.
Því miður tekst það ekki alltaf og
reglulega fæ ég kvíðahnút í mag-
ann út af heilsufari sona minna.
Hvernig líst þér á stöðu
efnahagsmála í augnablikinu?
Við stöndum frammi fyrir miklum
vanda í efnahagsmálum. Síðasta
ríkisstjórn náði ekki að synda í
land og þess vegna verðum við að
vona að það sé raunveruleg lausn í
sjónmáli hjá núverandi ríkisstjórn.
Og að lausnin muni skapa sátt og
tryggja stöðugleika í efnahags-
lífinu.
Hvað er fastur liður hjá þér um
helgar?
Að sofa lengur og lesa blöðin uppi
í rúmi. Svo fer ég alltaf í heita
pottinn og yfirleitt hendi ég svo
skrokk inn í ofn. Sunnudagskvöld
eru algerlega heilög – þá stíg ég
ekki fæti út fyrir hússins dyr, reyni
að kveikja ekki á tölvunni heldur
ligg límd fyrir framan sjónvarpið.
Hvaða bók eða bækur ertu að
lesa núna?
Ég var að klára Hljóðin í nóttinni
eftir Björgu Guðrúnu Gísladóttur
og er enn að jafna mig. Í frítíma
mínum legg ég lokahönd á óút-
komna matreiðslubók sem gerir
það að verkum að yndislestur er af
skornum skammti.
Hvaða lag er í mestu uppáhaldi?
Þau eru mörg, en það lag sem ég
hlusta hvað mest á þessa dagana
er Magic með Oliviu Newton-John
frá 1982. Ekki spyrja hvers vegna
...
Hvaða karakter í bíómynd eða
sjónvarpsþáttum myndir þú
helst vilja vera?
J.R. Ewing í Dallas, ef hann hefði
hætt að drekka.
Er farið að vora eða á enn eftir
að snjóa?
Hitastigið er allt annað í
Smartlandi en á Íslandi. Þar er
þörf fyrir sólgleraugu allan ársins
hring.
Sjö Spurningar
marta maría jónasdóttir
Blaðakona á Smartlandi mbl.is
Deildu með
umheiminum
01/01 sjö sPURNINGAR kjarninn 3. apríl 2014