Kjarninn - 03.04.2014, Qupperneq 82

02/05 tónliSt
rekja til Oakland í Kaliforníu. Forsprakki Low Roar er hinn
bandaríski Ryan Karazija sem flutti hingað til lands árið 2009
og gekk að eiga þáverandi eiginkonu sína sem er íslensk. Í
Oakland fór hann fyrir rokksveitinni Audrye Sessions sem
naut sæmilegrar hylli í heimaríki sínu sem og víðar á vestur-
strönd Bandaríkjanna. Low Roar sendi frá sér sína fyrstu
breiðskífu árið 2011 og var hún að mestu unnin hér á landi og
samin af Ryan í lítilli íbúð í miðborg Reykjavíkur.
Skífan, sem er samnefnd sveitinni, vakti töluverða
athygli á Low Roar og er tónlistin brothætt samsuða af
þjóðlagaskotnu poppi og víðáttumikilli raftónlist í anda
Radiohead, Sigur Rósar og The Album Leaf. Hljóðfæraskipan
er einföld og flest lögin eru flutt með fulltingi kassagítars,
orgels og starfræns tölvusurgs hér og þar. Önnur breiðskífa
Low Roar er eins og fyrirrennarinn samnefnd sveitinni og er
um flest frábrugðin því sem sveitin hefur verið þekkt fyrir
hingað til. Low Roar er nú fullskipuð hljómsveit og er skipuð
Ryan ásamt trymblinum Loga Guðmundssyni og hinum
fjölhæfa Leifi Birnssyni. Upptökustjórinn, Mike Lindsay úr