Kjarninn - 03.04.2014, Síða 85

05/05 tónliSt
breiðskífa sveitarinnar hefur hlotið nafnið Mexico og mun
líta dagsins ljós áður en um langt líður. Fyrsta smáskífan
heitir Crossfade og kom hún út á dögunum á vegum Kompakt
í Köln. Það er Sena sem mun gefa breiðskífuna út hér á landi.
Það verður fróðlegt að sjá hvort Gus Gus nái að toppa síðustu
breiðskífu, Arabian Horse, sem þykir með betri breiðskífum
sveitarinnar og féll í afar góðan jarðveg þegar hún kom út
árið 2011.
Atónal Blús er hljómsveit gítarleikarans Gests Guðna-
sonar sem áður hefur spilað með hljómsveitum eins og Benni
Hemm Hemm, Númer Núll, Stórsveit Nix Noltes og Skátar.
Gestur er frábær gítarleikari og mjög naskur útsetjari. Fyrsta
breiðskífa Atónal Blús heitir Höfuðsynd, en á henni ægir öllu
saman og er breiðskífan afar skemmtileg áheyrnar. Gestur
hefur mjög sérstakan stíl sem gítarleikari og minnir söngur
hans á köflum á meistara á borð við Frank Black og jafnvel á
mýkri hliðar Dr. Gunna. Tónlistin er ágeng samsuða af blús-
og klezmertónlist, jaðarrokki í ætt við Brainiac í bland við
grjóthart þungarokk úr smiðju Slayer og Melvins. Án efa ein
af áhugaverðari plötum sem komið hafa út á Íslandi í langan
tíma.
Smelltu til að hlusta á Sexy
Slave með Atónal Blús