Kjarninn - 03.04.2014, Page 88

03/03 kjaftæði
Shermer telur að fólk sem trúir á hindurvitni sé ekki endi-
lega prettarar eða vitleysingar; flest sé það eðlilegt fólk hvers
eðlilegi hugsunarháttur hafi afvegaleiðst að einhverju leyti.
Sálfræðingurinn Bruce Hood hefur útskýrt þessa órökréttu
hegðun fólks með þeirri kenningu að þegar fólki finnst það
ekki hafa stjórn á hlutunum leitist það gjarnan við að finna
munstur í umhverfi sínu í því skyni að endurheimta þá tilf-
inningu að það hafi einhverja stjórn. Það skýri til að mynda
að samfélagslegur áhugi á því óþekkta aukist þegar illa árar.
Á meðan enginn skaðast er kannski bara tímasóun að
agnúast út í tímasóun annarra. En Carl Sagan, einn þekktasti
stjarneðlisfræðingur samtímans, spurði eitt sinn áleitinnar
spurningar, sem er vel þess virði að velta fyrir sér: Hvers
vegna er hvert einasta dagblað með daglegan dálk um
stjörnuspeki, en nánast ekkert þeirra með daglegan dálk um
vísindi? Væri heimurinn kannski örlítið betri ef þessu væri
öfugt farið?
Ég veit það ekki, en þetta er virkilega góð spurning.
Kannski er ég bara svona skeptísk af því að ég er vatnsberi.