Sveitarstjórnarmál - 01.12.1976, Blaðsíða 46

15% HLUTDEILD I
SJÚKRATRYGGINGUM
Sveitarfélög skulu frá ársbyrjun
1977 greiða 15% af kostnaði við
sjúkrasamlög, en ríkissjóður 85%.
Framlagi sveitarsjóða skal Trygg-
ingastofnun rikisins jafna niður á
sveitarfélög samlagssvæðisins í réttu
hlutfalli við fjölda íbúa 16 ára og
eldri, miðað við síðasta manntal.
Jafnframt þessari hlutfallshækkun
á framlagi sveitarsjóða til sjúkrasam-
laganna var tekinn upp sá háttur, að
vist i sjúkrahúsum ríkisins verður
sjúklingum að kostnaðarlausu. Hlut-
fallstöluhækkunin á framlagi sveitar-
félaganna til sjúkrasamlaganna þarf
því ekki að leiða til hærri framlaga
heldur en verið hefði samkvæmt fyrri
skipan.
f hinum nýju lögum segir, að þegar
uppgjör fyrir árið 1977 liggi fyrir,
skuli Tryggingastofnun ríkisins
kanna, hver breyting hafi orðið á út-
gjöldum hvers sjúkrasamlags vegna
þessarar breytingar og gera tillögur
um, hvernig jafna megi þá kostn-
aðarbreytingu.
ODDVITALAUNIN
330 KRÓNURÁ ÍBÚA
Félagsmálaráðuneytið hefur
ákveðið laun oddvita árið 1976. Eru
þau 330 krónur á hvern íbúa sveitar-
félagsins, miðað við íbúatölu þess
hinn 1. desember 1975. Auk þessa
fastagjalds ber oddvita innheimtu-
laun 4% af innheimtum útsvörum og
öðrum sveitargjöldum, sem hann á að
innheimta hjá gjaldendum hreppsins,
nema sveitarstjórn ákveði annað.
Frá og með ársbyrjun 1977 breytast
lagaákvæði um oddvitalaun á þá leið,
að reikna ber oddvita 6% af rekstrar-
tekjum sveitarsjóðs og fyrirtækja
sveitarfélagsins í hreppum, þar sem
sveitarstjóri er ekki.
Ef um er að ræða sérstakar, um-
fangsmiklar framkvæmdir á vegum
sveitarfélagsins, sem oddviti sér um,
skal hann einnig eiga rétt á sérstakri
þóknun fyrir þau störf, samkvæmt
ákvörðun sveitarstjórnar. Láti odd-
viti í té húsnæði og aðra aðstöðu
vegna skrifstofuhalds, fundarhalda o.
fl. í þágu sveitarfélags, á hann rétt á
sérstakri greiðslu fyrir þá þjónustu, og
skal hreppsnefnd meta hana hverju
sinni.
f hreppum, þar sem sveitarstjóri er
starfandi, skal þóknun oddvita
ákveðin með sama hætti og annarra
sveitarstjórnarmanna.
Þessi nýju ákvæði um oddvita-
launin koma, eins og áður segir, fyrst
til framkvæmda á árinu 1977.
FRÁ
RITSTJÓRN
Með þessu tölublaði lýkur 35. ár-
gangi Sveitarstjómarmála. Jafnframt
eru þessa dagana rétt 35 ár síðan ritið
hóf göngu sína og fyrsta tölublaðið
kom út. f fyrsta árganginum var eitt
tölublað, eins og stundum var á
bernskuskeiði blaðsins. Tölublöðin
voru númeruð í hlaupandi röð á
kápu, og hefur sá háttur haldizt í
efnisyfirliti hvers árgangs. Þetta tölu-
blað er þannig hið 150. í röðinni frá
upphafi.
Sú breyting hefur nú orðið á
prentun tímaritsins, að tekin hefur
verið upp svonefnd „offset“-aðferð
við prentunina. I tveimur seinustu
tölublöðunum hefur þó verið notuð
jöfnum höndum hin hefðbundna
setning í blý og hin nýja ljóssetning
með tölvu. Breytingin yfir í hina nýju
tækni tók lengri tíma en ætlað hafði
verið, og því urðu tvö seinustu blöðin
síðbúnari en æskilegt hefði verið. Eru
lesendur beðnir velvirðingar á því.
Offsetprentunin, sem nú er upp
tekin, á að gefa ritstjórninni að ýmsu
leyti meiri möguleika en áður hefur
staðið til boða, t. d. meira frjálsræði í
vali ljósmynda, notkun teiknimynda
og línurita og ekki sizt aukinn hraða
við undirbúning hvers blaðs, eftir að
nauðsynlegri endurhæfingu er lokið.
Þannig ættu hin fjölmörgu fróð-
legu framsöguerindi, sem flutt eru á
ráðstefnum sambandsins, að geta
komið fyrir augu lesenda tímaritsins
miklu fyrr en til þessa hefur verið
kostur.
Á þessum tímamótum hefur rit-
stjórnin á prjónunum nokkur nýmæli
varðandi efnisval, sem við væntum,
að lesendum falli vel í geð, hvernig
sem til kann að takast. Mestu varðar
þó, eins og jafnan, að lífrænt sam-
band sé á milli ritstjórnar og lesenda
blaðsins og að því megi takast að
verða enn frekar en hingað til „tengi-
liður milli íslenzkra sveitarstjórnar-
manna í hreppum og kaupstöðum
landsins í öllu því, sem mestu máli
skiptir í hinu þýðingarmikla starfi
þeirra,“ svo vitnað sé í orð Jónasar
Guðmundssonar, fyrsta ritstjóra
tímaritsins í inngangsorðum að fyrsta
tölublaði þess fyrir 35 árum, en hann
var jafnframt útgefandi Sveitar-
stjórnarmála í nokkur ár, áður en
Samband islenzkra sveitarfélaga var
stofnað.
U. Stef.
SVEITARSTJÖRNARMÁL