Sveitarstjórnarmál - 01.06.1978, Page 53

Frá árinu 1961 hafa hrepparnir, sem
að samstarfinu standa, rekið
sameiginlegan barnaskóla að
Kleppjárnsreykjum. Nú er þar
grunnskóli og nemendur á aldrinum
6—15 ára. Öllum nemendum skólans
125 að tölu var s.l. vetur ekið að og frá
skóla, utan fimm, sem lengst eiga að
sækja, sem eru í heimavist. Kennsla
hefst kl. 9 árdegis og lýkur kl. 15 og
nemendur fá morgunverð og
hádegisverð í mötuneyti skólans. Við
skólann starfa 6 kennarar auk
skólastjórans, sem er Hjörtur
Þórarinsson. Myndin ertekin í
frímfnútum.
Hvítársíðuhreppi, reka sameiginlegt slökkvilið, sem
nú orðið er mjög vel búið að tækjum. 1 sumum
hreppum eru nú þegar komnir reykskynjarar í hvert
íbúðarhús, og í öðrum hreppum er verið að vinna að
þessu máli. Á þessu sviði hefur verið unnið þarft og
mikið starf á síðustu árum. í Reykholtsdalshreppi
greiddi sveitarsjóður helming af kostnaði við reyk-
skynjara og uppsetningu þeirra móti húseigendum.
Fullbúin sjúkrabifreið er staðsett í Reykholti.
Kiwanisklúbburinn Jöklar, sem starfar í Borgarfirði,
gaf bílinn. S. 1. haust var hann afhentur björgunar-.
sveitinni Ok, sem rekur bílinn á eigin kostnað.“
— Er félagssvæði björgunarsveitarinnar stórt?
„Það er hið sama og slökkviliðsins, það er sam-
starfshrepparnir fimm að viðbættum Hvítár-
síðuhreppi. Slysavarnadeildin Hringurinn nær
einnig yfir sama svæði. Á vegum deildarinnar hefur
verið stofnuð umferðaröryggisnefnd, sem lætur um-
ferðarmálin til sín taka. Færi vel á því, að víðar um
land verði komið á fót slikum nefndum til að gera
átak í umferðarmálunum, eins og gert var á árinu
1968, þegar hægri umferðin gekk i garð. Sveitar-
stjórnir ættu ásamt slysavarnadeildunum víðs vegar
um landið að hafa forgöngu um stórátak til að draga
úr umferðarslysunum og halda þannig upp á tíu ára
afmæli hægri umferðarinnar. Enginn vafi er á því,
að slíkar nefndir geta gert gagn, hver á sínu svæði.
Þegar slíkar nefndir störfuðu á árinu 1968, urðu
samanlagt 8 banaslys í umferðinni allt árið. Menn
beri þetta saman við ástandið nú.“
— Hafið þið ekki ómak í þessum hreppum vegna
hinna mörgu sumarhúsa?
„Það er áreiðanlega erfitt fyrir oddvita í
fámennum hreppum að eltast við fasteignaskatta,
sem innheimta þarf hjá sumarbústaðaeigendum,
sem eru búsettir á höfuðborgarsvæðinu eða annars
staðar, og mikil hætta á afföllum. Mörgum þykir
leiðigjarnt að innheimta smáar upphæðir á mörgum
stöðum. Þetta er ein af röksemdunum, sem færa má
fyrir því, að hrepparnir sameinist um starfsmann.“
— Hefur verið talað um sameiginlega sorp-
hreinsun á svæðinu?
,Já, ákveðið er að reisa sorpeyðingarstöð í Reyk-
holtsdal. Reykholtsdalshreppur mun einn hrepp-
anna standa að henni fyrst í stað. Ekki er útilokað, að
fleiri hreppar gangi inn í það samstarf síðar. Það
verður framtíðin að leiða í ljós.“
— Nú er mikill jarðhiti í Reykholtsdal og
boranir í Laugarholti í Andakílshreppi skila góðum
árangri. Eruð þið ekki farnir að hugsa til hitaveitu-
lagningar um þéttbýlustu svæðin í sveitunum t.d. í
sambandi við hitalögn áleiðis til Borgarness og
hugsanlega Akraness?
„Við fylgjumst vel með því máli, en sameiginleg
hitaveita hefur þó ekki ennþá komizt á dagskrá hjá
okkur á fundunum.'1
155
SVEITARSTJÓRNARMÁL