Sveitarstjórnarmál - 01.10.1986, Síða 14
LANDSÞING
Alexander Stefánsson, félagsmálaráðherra:
Skrióur á endurskoðun
verkaskiptingarinnar
Ávarp við setningu landsþingsins
Herra þingforseti, góðir lands-
þingsfulltrúar og gestir.
Mér er það sönn ánægja að fá
tækifæri til að ávarpa ykkur við
upphaf þessa 13. landsþings
Sambands íslenzkra sveitarfélaga.
Við kosningarnar á sl. vori urðu,
eins og alltaf áður, verulegar
breytingar á sveitarstjórnum. Ég
sakna því hér margra góðra sveit-
arstjórnarmanna, sem ég hefi áður
átt samleið með og samstarf við.
Þetta er eðli sveitarstjórnanna. í
staðinn hefur komið nýr hópur
sveitarstjórnarmanna, sem ég býð
velkominn til starfa að málefnum
sveitarfélaga. Ég vona, að ég sem
félagsmálaráðherra megi eiga gott
samstarf við þetta nýja fólk í sveit-
arstjórnunum svo og alla aðra
sveitarstjórnarmenn.
Á sl. ári átti Samband íslenzkra
sveitarfélaga 40 ára afmæli.
Ég hefi átt þess kost að fylgjast
með málefnum þess nær því frá
byrjun. Það hefur fyrir löngu unnið
sér fastan sess sem málsvari og
samstarfsvettvangur sveitarfélag-
anna.
Okkur, sem lengi höfum unnið
að sveitarstjórnarmálum, hefur oft
fundizt miða hægt í ýmsum hags-
munamálum sveitarfélaganna.
Samt er það svo, að mikill árangur
hefur náðst á ýmsum sviðum fyrir
þrotlaust starf Sambands ís-
lenzkra sveitarfélaga.
Landsþingið hefur í sínum
höndum æðsta vald í málefnum
sambandsins. Þær ákvarðanir,
sem hér eru teknar, og þær sam-
þykktir, sem hér eru gerðar, eru
því mjög þýðingarmiklar fyrir
sveitarfélögin.
Ég tel rétt að gera hér nokkra
grein fyrir ýmsum málum, sem
undanfarið hefur verið unnið að á
vegum félagsmálaráðuneytisins
og sérstaklega snerta sveitarfé-
lögin.
Nýju sveitarstjórnarlögin
Sl. vor voru samþykkt ný sveit-
arstjórnarlög, sem að ýmsu leyti
munu marka tímamót í málefnum
sveitarfélaganna. Undirbúningur
þessarar lagasetningar hafði stað-
ið lengi yfir og mjög verið til hans
vandað. M.a. var frumvarpið sent
til umsagnar allra kjörinna fulltrúa í
sveitarstjórnum landsins.
Miklar umræður fóru fram um
sveitarstjórnarlagafrumvarpið á
Alþingi, og fjölmiðlar gáfu því tals-
vert rúm. Hjá sveitarstjórnar-
mönnum sjálfum var mjög góð
samstaða um meginatriði frum-
varpsins.
Sú gagnrýni, sem uppi var höfð
á Alþingi, kom frá öðrum en sveit-
arstjórnarmönnum. Hún var eink-
um tvíþætt: Annars vegar var
gagnrýnt að leggja niður sýslu-
nefndir og hins vegar, að ekki
skyldi vera gert ráð fyrir að taka
strax upp þriðja stjórnsýslustigið.
Varðandi þessa gagnrýni er
alveg Ijóst, að það var eindreginn
vilji sveitarstjórnarmanna að
leggja niður sýslunefndakerfið.
Engin samstaða var meðal
sveitarstjórnarmanna um að taka
upp þriðja stjórnsýslustigið, og ég
sá því engan grundvöll fyrir því á
þessu stigi málsins. í þessu sam-
bandi þykir mér rétt að minna á
ályktun 12. landsþings Sambands
íslenzkra sveitarfélaga, þar sem
lagt er til, að í landinu verði tvö
stjórnsýslustig, sveitarfélögin og
ríkisvaldið.
Nú er framundan að móta fram-
kvæmd hinna nýju sveitarstjórnar-
laga. Þar mun m.a. reyna á ykkur,
sem sitjið í sveitarstjórnunum. Fé-
Atexander Stefánsson, félagsmálaráðherra, flytur ávarp sitt á landsþinginu.
228 SVEITARSTJÓRNARMÁL