Sveitarstjórnarmál - 01.10.1986, Qupperneq 29

SAMTALIÐ
ásamt nokkrum öðrum til Kanada til þess að skoða
álver kanadíska fyrirtækisins Alcan, sem þá var að
athuga möguleika á að byggja álver hér. Mér Ieizt vel
á þá starfsemi alla, og ekki voru þar sjáanleg áhrif
Skólahúsið á Hjalteyri. Ljósm. Sveinn Ingimarsson
mengunar á gróður, sem þar var fagurgrænn alveg
upp við verksmiðjuvegg. Ferðin var afar fróðleg, og
það er trú mín, að landbúnaði í héraðinu yrði ekki
háski búinn af þesskonar iðnrekstri hér.“
— Eru einhver býli hreppsins „merkari’* en önnur?
„Því er vandi að svara, ef spurt er, hvort einn bær sé
merkari en aðrir. Ef þú spyrð um sögustað, þá átt þú
sennilega við Möðruvelli í Hörgárdal. Þar sátu
amtmennirnir hver fram af öðrum, og þar var
Möðruvallaskóli, sem fluttist síðar til Akureyrar,
fyrst sem gagnfræðaskóli og síðan menntaskóli.
Rannsóknastofnun landbúnaðarins og Ræktunar-
félag Norðurlands reka þar tilraunastarfsemi á sviði
landbúnaðar. Þar eru fóðurrannsóknir og
kalrannsóknir, og þar eru kannaðir eiginleikar
íslenzka refsins með tilliti til kynblöndunar og
ræktunar.“
Hjalteyri. Myndina tók Mats Wibe Lund haustið 1986.
- Hreppurinn ól eitt þjóðskáldanna?
„Meira en eitt. Þú átt vafalaust við Davíð Stefáns-
son, sem var frá Fagraskógi í Amarneshreppi, en
Hannes Hafstein var líka fæddur í hreppnum, það er á
Möðruvöllum. Faðir hans, Pétur Hafstein, var
amtmaður þar, og þar ólst Hannes upp.“
U. Stef.
MENNINGARMÁL
Skóla- og menningarfulltrúi
ráóinn á Akureyri
Akureyrarbær hefur ráðið sér-
stakan skóla- og menningarfull-
trúa. í starfið var ráðinn Ingólfur
Ármannsson, áður skólastjóri
Síðuskóla á Akureyri. Ráðning í
þetta starf er hluti breytingar á
skipulagi stjórnkerfis bæjarins.
Starfið er fólgið annars vegar I um-
sjón með skólamálum og hins veg-
ar umsjón með menningarmálum á
vegum bæjarins. Áætlað er, að
tveir þriðju hlutar starfsins verði i
þágu skólamála. Samhliða þessari
breytingu var sett á stofn sérstök
menningarmálanefnd, sem tekur
við yfirumsjón með söfnum og
sjóðum á vegum bæjarins. Söfn
þessi eru Amtsbókasafnið og
Héraðsskjalasafn, Davíðshús og
Sigurhæðir, húsfriðunarsjóður og
menningarsjóður. Hver þessara
stofnana og sjóða hafði áður sér-
staka stjórn. Að öðru leyti er unnið
að gerð starfslýsingar, sem siðan
verður endurskoðuð að ári að
fenginni reynslu.
SVEITARSTJÓRNARMÁL 243