Sveitarstjórnarmál - 01.10.1986, Blaðsíða 36

ATVINNUMÁL
Þrír hreppar halda
sameiginlega ráóstefnu
um atvinnumál
Þrír hreppar í austverðri Skaga-
fjarðarsýslu, Fellshreppur, Hofs-
hreppur og Hofsóshreppur, efndu
sameiginlega til ráðstefnu um at-
vinnumál ásvæðinu hinn 4. apríl sl.
í félagsheimilinu Höfðaborg.
Var ráðstefnan haldin að frum-
kvæði Hofsóshrepps, og var hin-
um tveimur hreppunum boðin að-
ild að ráðstefnunni, enda eru þeir
eitt og samaatvinnusvæði. Haftvar
mið af því, að boðaður hefur verið
samdráttur í landbúnaði umfram
það, sem þegar er orðið, og þótti
því rétt, að svæðið sem heild stæði
að slíku ráðstefnuhaldi, að því er
Ófeigur Gestsson, sveitarstjóri
Hofsóshrepps, sagði í samtali við
Sveitarstjórnarmál. Frummælend-
ur á ráðstefnunni voru valdir með
hliðsjón af þessum aðstæðum,
sagði Ófeigur, en þeir fjölluðu um
ýmis úrræði, sem talin eru vænleg í
atvinnumálum strjálbýlisins.
Frummælendur voru valdir með
tilliti til möguleika svæðisins i at-
vinnumálum.
Álfhildur Ólafsdóttir, ráðunautur
hjá Sambandi íslenzkra loðdýra-
ræktenda, talaði um möguleika í
loðdýrarækt, sölumál og verðþró-
un síðustu tíu árin.
Árni Snæbjörnsson, ráðunautur
hjá Búnaðarfélagi íslands, talaði
um æðarrækt. Hjá honum kom
m.a. fram, að mest hefur dúntekja
orðið í landinu yfir 4000 kíló, en er
núna rúmlega 2000 kíló. Virðast
því vera miklir möguleikar á þessu
sviði, og stofnkostnaður í greininni
er nánast enginn annar en vinna
bóndans.
Atli Benónýsson, iðnráðgjafi,
ræddi um hlutverk iðnráðgjafans
og Iðnþróunarfélag Norðurlands
vestra.
Einar E. Gíslason, bóndi á
Skörðugili, ræddi um stofnkostnað
húsnæðis vegna loðdýrabúa og af-
komu loðdýrabús síðastliðin ár.
Gísli Kristjánsson, fram-
kvæmdastjóri, ræddi um móttöku
silungs frá bændum í Skagafirði og
viðar í frystihúsinu á Hofsósi og um
sölumöguleika á silungi á erlend-
um markaði. Virðast söluhorfur all-
góðar.
Ófeigur Gestsson, sveitarstjóri,
ræddi um hlutverk sveitarfélaga í
atvinnumálum.
Stefán Guðmundsson, alþingis-
maður og formaður stjórnar
Byggðastofnunar, ræddi um
Byggðastofnun, hlutverk hennar
og hlutverk sjóða atvinnuveganna.
Tumi Tómasson, fiskifræðingur,
ræddi um fiskirækt og gat þess
m.a., að ræktunarmöguleikar á sil-
ungi væru mjög miklir á þessu
svæði og nefndi, að á sl. ári hefði
Hraðfrystihúsið á Hofsósi tekið á
móti um það bil 25 tonnum af sil-
ungi, en úr Skagafirði og nærliggj-
andi byggðarlögum væri hugsan-
legt að ná um 500 tonnum á ári.
Milli 50 og 60 manns sátu ráð-
stefnuna, þar á meðal flestir
hreppsnefndarmennirnir. Ráð-
stefnustjóri var Björn Níelsson,
oddviti Hofsóshrepps.
Menn voru sammála um, að á
ráðstefnunni hefðu komið fram
mörg mikilvæg atriði varðandi
möguleika í þeim greinum, sem
um var fjallað. Mest umræða varð
um æðardúnsrækt, og var lögð
mikil áherzla á, að góð skilyrði
væru fyrir æðarrækt víða í austan-
verðum Skagafirði, að því er
Ófeigu' Gestsson sagði í sam-
talinu.
Stjórn Listskreytingarsjóðs
Stjórn sambandsins hefur til-
nefnt Kristján Guðmundsson,
bæjarstjóra í Kópavogi sem aðal-
mann og Unnar Stefánsson, rit-
stjóra, sem varamann hans í stjórn
Listskreytingarsjóðs til tveggja ára
af hálfu sambandsins.
Aðrir í stjórn sjóðsins eru Guð-
laugur Gauti Jónsson, arkitekt,
sem aðalmaður og Jes Einar Þor-
MENNINGARMÁL
steinsson sem varamaður hans,
tilnefndir af Arkitektafélagi ís-
lands; myndlistarmennirnir Val-
gerður Bergsdóttir og Sverrir
Ólafsson sem aðalmenn og vara-
menn þeirra myndlistarmennirnir
Svala Sigurleifsdóttir og Kristín
Jónsdóttir af hálfu Bandalags ís-
lenzkra listamanna og Árni
Gunnarsson, skrifstofustjóri í
menntamálaráðuneytinu, sem er
formaður stjórnarinnar, og vara-
formaður Hákon Torfason,
deildarstjóri í ráðuneytinu, báðir
skipaðir án tilnefningar.
Markmið Listskreytingarsjóðs
er að fegra opinberar byggingar
með listaverkum, og var gerð
grein fyrir starfsháttum sjóðsins í
síðasta tölublaði. Umsóknir um
framlög úr sjóðnum í ár áttu að
hafa borizt menntamálaráðuneyt-
inu fyrir 1. september sl.
250 SVEITARSTJÓRNARMÁL