Sveitarstjórnarmál - 01.04.1991, Blaðsíða 4

FORUSTUGREIN
Átak í
umhverfismálum
Á fulltrúaráðsfundi Sambands íslenzkra sveitarfé-
laga, sem haldinn var í Hafnarfirði 5. apríl sl.( var
fjallað um sveitarfélögin og umhverfismálin og gerð
um það mál sérstök ályktun. Mikið verk er óunnið í
umhverfismálum hér á landi, og Ijóst er, að sveitarfé-
lögin hafa þýðingarmiklu hlutverki að gegna á
þessu sviði. Það hafa einstaklingar og félagasam-
tök einnig, og því er afar nauðsynlegt að upplýsa
og efla skilning almennings á þessu mikilvæga máli
enn frekar en gert hefur verið. Það skiptir öllu, að
íbúar sveitarfélaganna hafi ekki á tilfinningunni, að
þeir séu einungis áhorfendur eða þolendur í um-
hverfismálum, heldur miklu fremur, að þeir geti með
markvissu starfi og aðgerðum á þessum vettvangi
ráðið miklu um framtíðarumhverfi sitt.
Hugarfarsbylting hefur átt sér stað hér á landi á
undanförnum árum í umhverfismálum, og i því sam-
bandi er meðhöndlun sorps og skólps sá þáttur,
sem efst er á baugi að því er sveitarfélögin varðar,
enda öllum Ijóst núorðið, hversu brýnt er, að þess-
um málum verði sem fyrst komið í viðunandi horf.
Á síðustu árum hafa ýmis sveitarfélög haft forystu
um mikilvægar framkvæmdir í umhverfismálum og
m.a. lagt grunn að stefnumörkun í sorp- og frárennsl-
ismálum, þar sem lögð er áherzla á forystu, ábyrgð
og samvinnu sveitarfélaga. Þetta er ánægjuleg þró-
un og gefur tilefni til verulegrar bjartsýni um áfram-
haldið.
í ársbyrjun 1990 öðlaðist gildi ný reglugerð um
mengunarvarnir, þar sem ríkisvaldið leggur á sveit-
arfélögin þungar byrðar, sbr. ákvæði 1 reglugerð-
inni um meðferð frárennslis, sorphauga og ýmis önn-
ur atriði. Það eru því mjög kostnaðarsöm verkefni,
sem bíða sveitarfélaganna á þessu sviði um land
allt.
Samhliða þeim verkefnum, sem hér hafa verið
nefnd, verður jafnframt að leggja áherzlu á átak i
fegrunarmálum og bætta umgengni við landið, upp-
græðslu lands og skógrækt. Þáttur sveitarfélaga í
þessum verkefnum á að vera mikill, ekki sízt í sam-
vinnu við einstaklinga og félagasamtök.
Frumkvæði, forysta og samvinna sveitarfélaganna
er algjör forsenda þess, að þessum verkefnum verði
sinnt þannig, að árangur náist. Það er á hinn bóg-
inn jafnnauðsynlegt, að góð samvinna sveitarfélaga
og ríkis sé til staðar, samvinna, sem stuðlar að auk-
inni kynningu og öflugum framkvæmdum í umhverfis-
verndarmálum þjóðarinnar. Umhverfismál í viðtæk-
um skilningi hafa áhrif á öll svið mannlegs lífs. Sú
staðreynd ætti að hvetja alla til skynsamlegra um-
ræðna og aðgerða í þessum málaflokki.
Vilhjálmur Þ. Vilhjálmsson
66