Sveitarstjórnarmál - 01.10.1999, Page 13

FJÁRMÁL
• Þá er það sjónarmið sett fram að
skattbreytingin hafi leitt af sér
betri framtöl á ijármagnstekjum
en áður var.
Starfshópurinn var þó sammála
um að sveitarfélögin hefðu að
óbreyttu notið góðs af uppsveiflunni
sem átti sér stað í þjóðfélaginu á
þessum tíma og að tekjur þeirra
vegna íjármagnstekna hefðu aukist
nokkuð milli áranna 1996 og 1997.
Ógerningur er á hinn bóginn að
segja nákvæmlega um hversu mikla
aukningu hefði orðið að ræða.
b) Óbein áhrif:
Töluverð umræða fór fram í
starfshópnum um hugsanleg óbein
áhrif af upptöku fjármagnstekju-
skattsins fyrir sveitarfélögin. Eink-
um snerist umræðan um það hvort
upptaka skattsins ásamt tilkomu
laga um einkahlutafélög hafi verið
hvati fyrir einstaklinga í einkarekstri
að breyta rekstri sínum í einkahluta-
félag í þeim tilgangi að lækka eigin
launagreiðslur en auka þess i stað
arðgreiðslur til sín.
Það sjónarmið var sett fram að
þessi formbreyting leiddi af sér fjár-
hagslegan (skattalegan) ávinning
fyrir viðkomandi einstaklinga með
þeim afleiðingum fyrir sveitarfélög-
in að útsvarstekjur lækkuðu. Til að
svara slíkum spurningum leitaði
starfshópurinn til sérfræðinga á
þessu sviði og aflaði upplýsinga frá
Ríkisskattstjóra, en niðurstaðan var
eflirfarandi:
I) Fjármagnstekjuskatturinn sem
slíkur og upptaka hans ætti ekki að
hafa verið hvati til þess að einstakl-
ingar velja hlutafélagaformið fram
yfir annað rekstrarfonn. Önnur at-
riði gera það hins vegar að verkum
að hlutafélagaformið verður fyrir
valinu, t.d. varðandi ábyrgðir, dag-
peninga o.fl. sem snýr að lögum um
einkahlutafélög.
II) Formbreytingin leiðir hins vegar
til þess að sveitarfélög verða af út-
svarstekjum þar sem þau hafa ekki
tekjur af hagnaði fyrirtækja eða arð-
greiðslum.
Áhrifin liggja því nær lögum um
einkahlutafélög en upptöku fjár-
magnstekjuskattsins. Rétt er þó að
geta þess að samkvæmt fyrirliggj-
andi gögnum frá Hagstofúnni hefúr
verið um verulega aukningu á fjölda
einkahlutafélaga að ræða síðan
1996 og þá fjölgun má að einhverju
leyti til rekja til breytinga á rekstrar-
formi einstaklingsreksturs.
Það var þó mat starfshópsins að
afar erfitt væri að meta það sem hér
hefur verið kallað „óbein áhrif‘ af
upptöku fjármagnstekjuskattsins
fyrir sveitarfélögin og að nærtækara
sé að benda á áhrif annarra laga í
því sambandi en slík skoðun er ekki
á verksviði starfshópsins, sbr. yfir-
lýsinguna frá desember 1997.
3. Lokaoró
Að ffaman hefur verið gerð grein
fyrir áhrifum ýmissa skattbreytinga
á fjármál sveitarfélaga. Þessar breyt-
ingar hafa þegar á heildina er litið
leitt til skerðingar á tekjustofnum
sveitarfélaga.
Nefndin telur eðlilegt að fjallað
verði um þessar niðurstöður í þeirri
nefnd sem félagsmálaráðherra hefúr
skipað til að endurskoða tekjustofna
sveitarfélaga með það að markmiði
m.a. að þeir séu á hverjum tíma í
samræmi við þau verkefni sem
sveitarfélögum er lögskylt að sinna.
íb SORPTUNNUSKÝLI
Steinsteypt eining án samskeyta sem veitir
sorptunnum skjól og prýðir umhverfið.
Hægt er að raða einingum saman sé um
fjölbýli að ræða.
Lausn sem hentar verktökum og einstaklingum.
Verksmiðjuverð.
Pantið tímanlega.
Upplýsingar í símum 897 1889 og 565 4364
Einnig um kvöld og helgar.
EINAR GUÐMUNDSSON
203