Hermes - 01.05.1970, Blaðsíða 9
NEMENDAMÓT
Á BIFRÖST
í Hermesi í fyrra var farið nokkrum orðum um
Nemendamót NSS haustið ’68, hversu vel það
hefði tekizt, þrátt fyrir fámenni og mikið fjár-
hagslegt tap, og í framhaldi af því var hvatt til
fjölmennis á næsta NSS-mót .
Því miður varð sú hvatning til lítils. Nálægt
70 félagar voru á móti því, sem haldið var dag-
ana 30. og 31. ágúst í fyrra á Bifröst og varð halli
því nokkur.
Þessi litla þátttaka ásamt neikvæðri afstöðu
hótelyfirvalda, hefur nú leitt til þess, að þetta
mót verður að líkindum síðasta NSS-mót á Bif-
röst í bráð.
Ekki verður rætt hér, hvernig úlfaldi var gerð-
ur úr mýflugu varðandi einstök atvik á móti
þessu. Aðeins sagt, að mótið í heild var hin bezta
skemmtan og þátttakendum til sóma.
Tilhögun var svipuð og á undanförnum árum.
Á laugardaginn var byrjað með lystilegum
kvöldverði. Þá sá ’64 árgangurinn um kvöldvöku,
þar sem Vigdís Páls, Birgir Marinós og Jónas
Friðrik voru aðalnúmerin. Síðan dunaði dansinn
fram á nótt, en að honum loknum tóku sumir
söngmenn við sér fyrir alvöru og linntu ekki
hljóðum fyrr en birta tók af degi. Nóg um það.
Að loknum hádegisverði á sunnudeginum
stýrði Birgir Marinósson aðalfundi NSS, og í
lokin yfir kaffibollunum hélt Sigurður A. Magn-
ússon ræðu, og mæltist skörulega að vanda.
Þegar þessu öllu var lokiö hélt Jón Alfreðsson
norður á Strandir, en flestir aðrir þátttakendur
til sinna heima í henni Reykjavík.